¹ Keshika muze , Fesetu yanjila mu chifuchi chenyi kulutwe ya matangwa atautu , yakatuka ku Sezaliya nyi kukanduka ku Yelusaleme. ² Asasendote akwa lutwe ja A- yunda yasolola kuli ye yuma yize a sumine nayo Paulu, nyikumuhula Fesetu ³ kalyumbile kuli iye akamunehe ku Yelusaleme, se anyongene kumu jikinyina mujila akamushihile hamusenge. ⁴ Alyoze Fesetu yakumbulula ngwenyi ngunafungu Paulu ku Sezaliya , nyi yami mwene mungu yako nyi kawashi . ⁵ Keshika , waze mahasa , ''ngwenyi, aka palumuke hamwe nyiyetu . Nyi uno mutu kali nyi chuma chimwe chaku pyasuka, akamusume nacho.'' ⁶ Fesetu muze te hatwama matangwa nake hanji kumi hakachiko yapalumuka ku Sezaliya , muze hikwacha yatwama ha chitwamo chawipatwilo yamba anehe Paulu . ⁷ Muze haheta , A-yunda waze akatukile ku Yelusaleme yamana hakumujingilika , nyi kumusuma yitela yinji yakalu yize kahashile kuyisolwela shindakenyo. ⁸ Paulu hakuli sambisa yamba ngwenyi ,'' chipwe shimbi ja A- yunda chipwe ja tembele chipwe ja Sezaliya.'' ⁹ Alyoze Fesetu hakuzanga kutomesa mbenga ja A yunda yakumbulula kuli Paulu ngwenyi , '' mukanduka ku Yelusaleme akakupatwileko ha yino yuma kumeso jami nyi?'' ¹⁰ Alyoze Paulu yamba ngwenyi , '' ngunamana kuchitwamo cha upatwilo cha Sezaliya kwenako chatamba kungu patwilako. Chalingileho chipi kuli Ayunda , nichimwe chizechene ngwe yenu nunnyingika. ¹¹ Nyikachin ngunakalinga chipi chimwe hanji hina vulumuna chuma chimwe chakutela kufwa , alyoze nyi chimwe cha yuma yize anangusumunayo ku ushiko , nyiumwe mahasa kungu kunjika kuli ayio . Nguna likunjika kuli Sezaliya.'' ¹² Muze te Fesetu hahanjika nyi akwa kuyula , yakumbulula ngwenyi '' hiwalikunjka kuli Sezaliya . KuliSezaliya mukaya!'' ¹³ Muze matangwa amwe hapalika , mwanangana na Aklipa nyi Mbelenese yaheta ku Sezaliya mukumeneka Fesetu . ¹⁴ Muze hatwamako matangwa anji Fesetu yalumbununa kuli mwanangana yikuma yize yakutwala kuli Paulu ngwenyi , '' kwalikuno umwe lunga funge anakahichika kuli Fwelishiya . ¹⁵ Muze napwile ku Yelusaleme . asasendote akwa lutwe nyi makulwana amusumine kumeso jami , nyikwita upatwilo hali iye . ¹⁶ Nakumbwile ngwami hindako ya Aloma ko kwechela kuli ayo mutu nyi umwe ndo yoze una sumiwa mapwammeso nyi meso nyi waze anamusumu chocho iye akahase kulisambisa hakutwala ku mulonga uze anamusumu. ¹⁷ Keshika, muze akungulukile kuze amu chashimbwile, aluyoze muze hikwacha natwamine ha chitwamo cha upatwilo nambile anehe yono lunga. ¹⁸ Muze akwa kumusuma hamana , kamusumine chitela cha ungulungulu . ¹⁹ Alyoze kamusumine hakutwala kuyimwe yihula nyi yikuma yakuwayila choene nyi hali umwe Yesu wapwile mufu, yoze Paulu ashindakanyene ngwenyi nyi mwono ali. ²⁰ Yami nyi kukashana chize mungusopesa yino yuma . ²¹ Alyoze muze Paulu alyumbile akamufunge ku usopelo , nambile akamufunge ndo mungumutuma kuli Sezaliya .'' ²² Akilipa kambile kuli Fesetu , ngwenyi nyi yami nawa nguna zange kwivwa yono mutu . ''Fesetu wambile ngwenyi , '' hamenene mukamwivwa. ²³ Keshika muze hikwacha , Akilipa nyi Mbelenese ahete nyi uhenya unene ; kanjilile mu zuwo lya kuvwila hamwe nyi manjolo nyi akwa lutwe ja limbo. muze Fesetu ahanjikile te Paulu amunehe nwo. ²⁴ Fesetu wambile ngwenyi , '' mwanangana Akilipa , nyi malunga eswe nuli muno hamwe nyi yetu , nunamono yono mutu ; hali iye chizavu chizavu cheswe cha A yunda angushinjikile ku Yelusaleme nyi kuno , nyi kukololoka hali iye ngwo kuchamutambile ku[pwa nyi mwono. ²⁵ Alyoze nawanyine ngwe kalingile nyi chimwe cha kutela kufwa ; se iye mwene kalikunjikile kuli Angusetu napalwile kumutuma. ²⁶ Hali iye chuma chimwe cha punfda chishinacho cha kusoneka kuli mwene wami. keshika hinamuneha kumeso jenu chikolo kuli yena , mwanangana ASkilipa , hanga kulutwe lya kusopesa ngukapwe nyi chuma chimwe chakusoneka. ²⁷ Mumu kuchichi kulumbunuka kutuma funge kachi keshi kulweza yitela yize anamusumu nayo.