¹ Paulu watalile swii hali akwa ku yula nyi kwamba ngwenyi , '' mandumbu , hingunatwame kumeso ja Zambi nyi mbunge yitoma ndo kulino tangwa. '' ² Hohene iye sasendote mukwa lutwe Ananiya wambile waze amanyine mukamwihi nenyi amulambe ku kanwa. ³ Hohene Paulu wambile kuli iye ngwenyi , '' Zambi kumakakulamba nyi yena, yena mbango yitoma . una twama hanga ungupatwile muze mwayila shimbi , mba nyikutangula shimbi unambe angulambe nyi?'' ⁴ Waze amanyineko ambile ngwo, '' unatuke sasendote mukwa lutwe wa Zambi?'' ⁵ Paulu wambile ngwenyi , '' chanyingikine, mandumbu , ngwami hi sasendote mukwa lutwe. Mumu chinasonewa ngwo, kanda ukahanjika chipi hali mukwa kuyula atu je''. ⁶ Alyoze mumu Paulu wamwene chihanda chimwe cha A-satuseu nyi chiko cha Afwaliseu wakololokele, mukachi ka akwa kuyula ngwenyi , '' mandumbu yami nguli ka Fwaliseu , mwana ka Fwaliseu . Mumu nguli nyi shindakenyo ya uhindukilo wa Yesu kilishitu mukachi ka afu hachino yami munangu patwila .'' ⁷ Muze te hamba chino , kwapwile chizungo zungo hakachi ka fwaliseu . ⁸ Mumu Asatuseu ka kwamba ngwo uhindukilo wakuhi , chipwe mungelo , chipwe shipilitu , alyoze A- fwaliseu kakutayiza yino yeswe. ⁹ Kwapwile zungo linene mba amwe akwa kusonyeka akuli Afwaliseu akatukile nyi kulihamika chikolo , ngwo , kutwa wanyine yipi muli yono mutu. kachi nyingwe shipilitu hanji mungelo kahanjika kuli iye?'' ¹⁰ Muze chizungozungo chinene , chavundukile mukulwane wama swalale nyi kwivwa woma kuchina matangwona Paulu yihanda , wambile mbunga ya maswalale apalumuke akamuchize nyi tachi mukachi kwo , akamunjise mu mbonge . ¹¹ Alyoze ufuku uze mwene wamanyine hehi nenyi wambile ngweny , '' hamuka chikolo , mumu chizechene ngwe h una shindakenya ha kutwala kuli yami ku yelusaleme , chocho chakutamba kushindakenya ku Loma.'' ¹² Muze hi kwacha , amwe a kuli Ayunda atwamine nyikulishinga ngwo kutuchi kulya chipwe kunwa ndo hitwashiha Paulu . ¹³ Ahyanyine makumi awana waze alishingile . ^{14 15} Ayile kuli asasendote akwa lutwe nyi akwa kuyula nyi kwamba ngwo , yetu hitunalishingi nyi shingo linene ngwetu kutuchi kapanjika kulya nyi chimwe ndo hitwashiha Paulu . Halyapwila , keshika , yenu nyi akwa kuyula ambulule kuli mukulwane wama swamlale hanga akamunehe kuli yenu ngwe munusela chinyingi pundu ha kutwala kuli iye . Nyi yetu , tunazange kumushiha shimbu kanda akundama.'' ¹⁶ Alyoze mwihwa wa Paulu wevwile ha kujikinyina cho, iye wajile wanjilile mu mbonge wambulwile kuli paulu . ¹⁷ Paulu watambikile umwe wa kuli tupitau wambile ngwenyi , '' twalenu mukweze yono kuli mukulwane wama swalale , mumu chuma chimwe ali nacho kumwambulula.'' ¹⁸ Keshika wamutambwile kuli mukulwane wama swalale nyi kwamba ngwenyi, '' funge Paulu kangutambika , kangulemba kutwala yono mukweze kuli yena . iye chuma chumwe ali nacho kukwambulula.'' ¹⁹ mukulwane wama swalale wamu kwachile ku kwoko amutwale ku tenga ukawo wamuhulile ngwenyi , '' chika uli nacho kungwambulwila?'' ²⁰ Iye wambile ngwenyi , ''Áyunda hanalitesa kukulembela hanga hamene uka palumwise Paulu kuli akwa kuyula , ngwe munahula pundu yuma yenyi. ²¹ Kanda u atayiza keshika , mumu makumi awana a kuli amalunga aze anamujikinyina waze analishingi . Halyapwila kanalulika , nikutala chilakenyo cha yena'' ²² Mukulwana wama swalale wamwenele uno mukweze nyi kwamba ngwo yako , nyikumufumba ngwenyi, '' kanda uhanjika kuli nyi umwe ngwe hiwasolola yino yuma kuli yami.'' ²³ Iye watambikile ali a kuli tupitau nyi kwamba ngwe nyi , '' lulikenu makulakaji ali a maswalale hanga akaye ndo ku sesaleya , nyi makumi shimbyali akwa tuvwalu, nyi makulakaji ali akwa makunga . ha ola yamuchoitatu ya ufuku .'' ²⁴ Iye wambile alulikile yimbulu hanga akatwamiseho Paulu mukumumbata kawape ndusu kuli kuvulu fwelishiya. ²⁵ Wasonekene mukanda ngwe chino ngwenyi. '' ²⁶ Yami kelautiu Leshiya kuli nguvulu fwelishiya mulemu wahyana vulye . ²⁷ Yono lunga kana kamukwata kuli Ayunda ka nakamba kumushiha muze ngunaka mutuluka hali ayo nyi mbunga ya maswalale ngunaka mupulula, te nguna kesa chinyingi iye ka Loma. ²⁸ Nazangile kunyingika chuma muka anakamulamikisa, nguna kamutwala kuli akwa kuyula jo. ²⁹ hinguli longesa ngwami kwapwile mukumwaha mulonga wakutwala kushimbi jo ene, mba kuhakapwile chitela kuli yiye chakwamba ngwo amushihe chipwe amukase. ³⁰ Muze hichasoloka kuliyami ngwe mukukapwa kutwama punga cha hali yono lunga hohene nguna mutumu kuli yenu nyiku hana shimbi nawa kuli waze akwakumusuma akambe kumeso jenu yuma yize nuli nayo.Mwoyowenu. ³¹ Keshika maswalale nyi kulita nyi chize ambile . Atwalile Paulu amunehene ha ufuku ku Andepatili . ³² muze hikwacha , akwa tuvwali , kuya hamwe nenyi ahilukile ku mbonge. ³³ Muze akwa tuvwalu ahetele ku sesaliya akunjjikile mukanda kuli nguvulu , atumbikile Paulu nawa kumeso jenyi. ³⁴ Muze te nguvulu hatanga mukanda , wahilile chifuchi chize Paulu anakatuka . Muze anyingikine wakatukile ku selishiya , ³⁵ wambile ngwenyi , '' munguka kwivwa muze waze akukusuma maheta'' Iye wambile akamufunge palasiu ya helonde.