¹ Muze chizungo zungo chahwile , Paulu ya sanyika tumbaji nyikwa jikijisa , yasalisa yaya kumasendonya . ² Muze apalikile kuli ize yihela nawa wahanjikile maliji anji akwajikijisa, wejile ku Nglesya . ³ Muze hamanyisa tukweji atatu akuze Ayunda amutwamine punga muze te himaya mu ulungu ku silya , a chize wapwile nyi mbunge ya kuhilukila ndusu mu Masendonya ⁴ Ayile hamwe nenyi ndo ku Eja wano sopatele mwana wa paila kukatuka ku Mbeliya ; Alisitako nyi Sengundu, eswe nyali aku Tesolonika ; ngavu waku ndevwe ; Timoteu; nyi Teshetu nyi Tolofwimu aku Eja . ⁵ Awa atu ya tetekela kulutwe nyi kutu shimbwila ha Tilao. ⁶ Twendele mu ulungu kukatuka Fwilipu , kulutwe lya matangwa ambolo ku ishi futumwiso , mumatangwa atano twahetele kuli ayo mu Tilao . Twatwamineko matangwa shimnbyali. ⁷ Hatangwa litangu lya semana , muze twakungulu kile hamuwika nyiku palula mbolo , paulu wahanjikile kuli akwakufulyela . Wahalile kuya muze mu kucha , watwalilile maliji jenyi ndo hamu chima ufuku. ⁸ Kwapwile temo jinji muchi patulo cha kwilu muze twa kungulukile. ⁹ Hakapenda hatwamine mukweze jina lyenyi Utecho , wazembelele tulo anji. shimbu Paulu wahanjikile chipinji chisuku chikolo , a uno mukweze , tulo amukqambile , waholokele hashi kukatuka kuchipatulo cha mu chitatu yamu zundula wakufwa . ¹⁰ Paulu wapalumukile , wahetamine hali iye , wamuzundwile . Mba yamba ngwenyi , '' kanda nu pinda nawa , mumu kali nyi mwono .'' ¹¹ Muze te haka nduka nawa ya palula mbolo yalya . Muze ahanjikile no shimbu isuku ndo kwachele , wakatukile. ¹² Mukweze amuhilwishile nyi mwono nawa ali mbejekele chinji . ¹³ Etu hitutetekele kulutwe lyaPaulo ku ulungu nawa hitu zauka kuya ku Asone , kuze twa nyongene kuhitula Paulu . chenacho azangile kulinga mwene , mumu wa zangile kwenda hashi . ¹⁴ Muze atu wanyine ha Asone twa mutwalile ku ulungu nyi kuya ku mitelene. ¹⁵ Muze twa katukile kukuze twahetele tangwa likwo twahetele kutala nganyi nyi chikuli cha chiu . Muze twahetele tangwa liko ku chikuuli cha Samose, nyi tangwa likwo twa hetele ku chihunda cha Miletu. ¹⁶ Mumu Paulu wazangile kuzauka ku hyana Efwesu , hanga kanda akambila shimbu mu Eshiya ,; mumu wali pupwishile kupwa mu yelusame hatangwa lya petekosite, nyingwe chashiwile kuli iye kuchi linga chocho. ¹⁷ Kukatuka ku Miletu watumine atu ku Efwesu atambikile makulwana achikungulwila . ¹⁸ Muze ejile kuli iye , wambile kuli ayo ngwenyi , enwene nuna nyingika , kutangwa litangu ne jile mu Eshiya , ngwe chize na pwile hamwe nyi yenu shimbu yeswe . ¹⁹ Nalingile mwene nyi mbunge yeswe ya kuli kehesa nyima soji , nyiyeseko yalingiwile kuli yami mumu nyi utwahe wo wayunda . ²⁰ Nuna nyingika chalitwaminyine kunwambila chize cheswe chaku nufumbula, nyi kunulongesa hakachi kambunga ya atu nyiku zuwo nyi zuwo nawa . ²¹ kushindakenya kuma yunda nyi a Ngileja ha kuli konyeka kuli Zambi nyi ufulyelo mulimwene Yesu. ²² Halyapwila talenu , ngunayi ku Yelusalema , wakukasa mu shipilitu, chanyingikine yuma ize mwikanguwana kukuze , ²³ shina shipilitu musandu yakungu shindakenya chikolo ngwe nyi malenge nyi luyinda mumembo eswe yinaku twaminyina. ²⁴ Alyoze chishikunyonga mwono wami ngwe chuma chilemu kuli yami . Kachi nyingwe nguka manunune jila ayi kumanyisa milimo ize natambwile kuli mwene Yesu , kushindakenya chikolo sango lima lya vumbi lya Zambi. ²⁵ Halyapwila tala, nguna nyingika yenu eswe , hakachi kenu nendanga nyinenyi kwambujola wanangana , kunu chi kamona meso jami nawa. ²⁶ Keshika nguna shindakenya kuli yenu lino tangwa , nguna sambe kumanyinga amutu mweswe . ²⁷ Mumu chali twaminyine kwambujola kuli yenu kuzanga cheswe cha Zambi . ²⁸ Keshika keyelenu kuli yenu ene , nyi kumbunga yeswe yama panga yize shipilitu musandu hana nuse tulayi. Keyelenu mukufunga chikungulwila cha Zambi , chize alanjile nyi manyinga jenyi mwene . ²⁹ Nguna nyingika muze hinaya yami tungunga asasu kumeza hakachi kenu waze kechikavwila keke mbunga yama panga . ³⁰ Ngunanyingika ngwami chipwe hakachi kenu nawa kuma ka soloka malunga akwa ku hanjika yuma yaku pihya hanga ahilwise tumbji kunyima ³¹ Keshika kanyamenu . yiulukenu ngwe hamyaka itatu ufuku nyi mwalwa chalitwaminyine kukanyamisa mweswe wakuli yenu nyi masoji. ³² Halyapwila nguna nu kunjika kuli Zambi nyiku liji lya vumbi lyenyi , lize linahase kunu kolesa nyi kunwaha chihinga hakachi kawaze haanase laku usandu . ³³ Chevwile chipululu ha palata yamutu , ngolide , chipwe yakuzala. ³⁴ Yenu ene nuna nyingika ngwe mokowano alingile nyikungu mwesa kuzanga chami nyi kuzanga chawaze napwile no. ³⁵ Muyuma yeswe nanuhele cheseko chize watela kukwasa akwa ulelu mukukilikita , nyi chize watela kwiuluka maliji amwene Yesu , maliji waze mwene ahanjikile: 'chili chaku kisula kuhana kuhyana kutambula. ³⁶ Muze te hamba yine yuma , walyumbile makungunwa walembele no eswe. ³⁷ Kwapwile kulila chinji nyi ku kangaika Paulu nyiku musweswenya . ³⁸ Evwile chinyengo kuhyana hama liji waze ahanjikile, ngwe nyi kuinuchi kamona meso jenyi nawa. o amushinjikilile.