¹ Amwe atu aku yundeya ejile ku Andiyoka nyi kulongesa mandumbu , ngwo, '' shina manupwisa ngalami nyi kulita nyi ndako ya Mose , kunwahashile kuzuka ulamwino.'' ² Keshika te Paulu nyi Mbalanambe halimika no chikolo nyi kulihangujola no. Mba Paulu nyi Mbalanambe , nyi amwe akwo akulii apositolo nyi makulwana ha chino ³ Keshika se chikungulwila hakwa tuma , ya apalika ndusu mu chifuchi cha fwenishiya nyi samaliya nyi kwambulula kwalumuka cha akwa mavungu . Mandumbu eswe ye evwile wuwahililo unene. ⁴ Muze te haheta mu yelusalema a kwa chikungulwila ya asambilila hamwe nyi apositolo nyi makulwana , ayo yambulula yuma yeswe yize Zambi hanalingi no. ⁵ Alyoze amwe akwa kufulyela , a ku mbunga ya Afwaliseu a manyine nyi kwamba ngwo, '' chatamba ku apwisa ngalami nyi kwamba akalame shimbi ja Mose ' ⁶ '' Mba apositolo nyi makulwana a kungulukile mukusopa chuma chino. ⁷ Muze te hikwapwa mbandanga yinene , Petulu yakatuka ngwenyi , '' mandumbu yenu nunanyingika chize ku matangwa a kunyima Zambi wangutongwele yami hakachi kenu , hanga ku kanwa lyami akwa mavungu akevwe liji lya sango lipema , akafulyele''. ⁸ Zambi mukwa kunyingika mbunge yashindakenya nyi ku aaha shipilitu musandu , chizechene ngwo kuli yetu. ⁹ Kapwishile kulipalika hakachi ketu nyi ayo, alyoze wapemesene mbunge jo ku ufulyelo. ¹⁰ Keshika halyapwila kuchi te muneseka Zambi , mukusa kanga ha koota ya tu mbaji yize chipwe tulamba twetu chipwe yetu kutwahashile kumbata ? ¹¹ Alyoze tuna fulyela makatulamwina ku vumbi lya Mwene Yesu chizechene ngwe ayo nawa.'' ¹² Chizavu cheswe ahole kulungunga, muze apanjikile kuli Mbalanabe nyi Petulu shimbu ambulwile ha kutwala ku yilayi nyi yipekese yize Zambi kana lingi kakachi ka akwa mavungu ku moko jo. ¹³ Muze hahola ku hanjika , Tiyangu yakumbulula , ngwenyi,'' mandumbu , ngwivwenu. ¹⁴ Semone kanambulula ngwe Zambi hatangu hatala kuli akwa mavungu mukuchiza amwe hakachi ko umwe muyachi ha jina lyenyi. ¹⁵ Mba chino nawa chinalite nyi maliji ja apulofeta , ngwe hichina sonewa ngwo , ¹⁶ kulutwe lya yino yuma mungu ka hiluka mungu katungula mbalaka ya Ndawich yiye hinapuzuka mungukayimika nawa, ¹⁷ hanga masalila ja atu akafupe Mwene , nyi akwa mavungu eswe waze hali ayo jina lyami amuhiluka.' ¹⁸ Chino chocho anambe mwene , yoze wakulinga yino yuma yeswe kuyinyingika chize ku myakulwila. ¹⁹ Keshika , ngunapatula ngwami kanda tu pinjisa waze akwama mavungu mate wulukila kuli Zambi . ²⁰ Alyoze tu sonekenu mukanda kuli ayo hanga kanda akwata ku luchisa wa mahamba , nyi ku utanji , nyi ku tushitu akuhonda, nyi ku manyinga . ²¹ Chize kuyisemuko ya shakulu mumembo eswe Mose kali nyi waze akumwambujola nyi kumu tanga mu mu sunangonga ha masambata eswe.'' ²² Apositolo nyi makulwane , nyi chikungulwila cheswe , hohene chapemene kusakula malunga hakachi ko mukwatuma ku Andiyoka . Atume Yunda jina likwo Mbalasavwa nyi Sayila akwa lutwe hakachi kama ndumbu , ²³ ''asonekene mukanda kumoko jo, kukatuka kuli Apositolo, makulawna , nyi mandumbu , kuli mandumbu waze ali hakachi ka akwa mavungu ku Andiyaka nyi Seliya , nyi Selishiya ngwetu mwoyo wenu! ²⁴ Mumu hitunevu ngwo amwe malunga kanakatuka muliyetu , alyoze kulwahele poko nyi yimwe , hananupikala nyi maliji nyi kutu mbula mbunge jenu ngwo chanutamba kupwa ngalami nu kafunge shimbi . ²⁵ Se hitwa litesa nyi mbunge yimuwika, keshika chinatiupena, kutongola malunga nyi kwatuma kuli yenu hamwe nyi Mbalanambe nyi Paulu waze tuna azange chikolo , ²⁶ mwono wo hanause ku utoji hajina lya Yesu kilishitu Mwene wetu. ²⁷ Keshika yetu hitwatuma Yunda nyi Sayila, waze makanwambulwila yuma yinoyene nyi ma kanwa ajo . ²⁸ Se china peme shipilitu wusandu nyi yetu nawa ngwetu kuchalitele kunu twika chiteli chilemu kuhyana yino yuma chanutamba kulinga , ²⁹ ngwetu ehukenu ku yuma yize ana lambula kumahamba , nyi manyinga , nyi kuli tushitu a kuhonda , nyi ku utanji . Nyi munulifunga kuyino yuma muchipwa kanawa kuli yenu . Twamenu kanawa.'' ³⁰ Keshika , muze ashikile , apalumukine ku Adiyakiya ; muze te ha kungulula chizavu, yaakunjika we mukanda . ³¹ Mba muze te hatanga, yawalila chikolo ha kwivwa kulembeleka chize . ³² Yunda nyi Sayila se nawa ayo apolofeta , yashinjila atu nyi maliji anji nyi kwatakamisa. ³³ Muze ha twamako shimbu, mandumbu yashika nyi sambukila yahilika kuli waze a atumine. Alyoze chapemenene Sayila kutwamako . ³⁴ Alyoze chapemenene Sayila kutwamako. ³⁵ Alyoze Paulu nyi Mbalanambe yanyongonona kutwama mu Andiyakiya, nyi kulongesa nyi kwambujola liji lya mwene { hamwe nyi akwo anji nawa}. ³⁶ Kulutwe lya matangwa Paulu yamba kuli Mbalanabe , '' tuhilukenu nyi kumeneka mandumbu jetu mu membo eswe muze twambujoleleliji lya mwene, tukatale chize anapu. ³⁷ '' Mbalanambe wazangile kuya kamwe no nyi yowano yoze anambe ngwo mako. ³⁸ Alyoze Paulu kachi nyongene chipema kuya nyi Mako, yoze wa elukile nyi kuhiluka kunyima ku Pamafwiliya mumu kayile no kulutwe mu milimo. ³⁹ Keshika kwapwile kuli hangujola chinene , chocho Paulu nyi Mbalanabe yalihandununa umwe kuli mukwo , nyi Mbalanabe wayile nyi Mako nyi kuya mu ulungu ku Shipile . ⁴⁰ Alyoze Paulu ya sakula Sayila yakatuka , ku vumbi lya mwene se mandumbu amukunjikile. ⁴¹ Yiye yapalika ndusu mu Seliya nyi Selishiya, nyi kutakamisa yikungulwila.