¹ po tukati twafika ichete bulo tukennya ukuti ichilumba chila chikutwaga malta. ² Awanthu awamukaya aka watakatupocherela bulo awe loli bakapemba umoto nukutupocherera swensi, chifukwa kukakatala kweniso kukawa imvura. ³ Ukwene upaulo lyo abunganika inkhwi nakuzibika pa moto uchipili chifukwa chachilungula akafuma munkhwi mula nukumuzinga inyowe. ⁴ Lyo abanthu abamukaya kala bennya ichi bakaneneskana bekabeka bakati,,,umunthu nadi uchigewenga wo apulumuka ku nyanja ubunenesko butakumwitichizga ukuti abe nu bumoyo. ⁵ Ukwene apa akayizulira injoka ino pa moto ukwambula ukulumika. ⁶ Wakalindilaga ukuti inyengo yiniyo ayande avimbe inyobe pamo agwe pansi nukufwa, ukwene lyo balindilira inyengo inthali nukwennya ukuti pate chochikuchitika bakasintha amaghanoghano nukunena ukuti,, umunthu wuno wuchiuta. ⁷ Nomba papipi wuro pakaba ivyalo vyo vikaba vya imfumu yo yikalamuliraga ichilumba ichi, izina lyakwe akawa u publius. wo akatupochelera nukutupa ichakulya amanda gatatu. ⁸ Chikachitika ukuti uyise wa publius akaba mulware amaleliya nukufumila mukasi. lyo u paulo asenjerera ku woyo akiputa pakuwika inyowe pa wuyo nukumuchizga. ⁹ lyo chachitika ichi bonsi abalwale bo bakaba pachilumba ichi bope bakinza nukuchizgika. ¹⁰ Abanthu bope bakatuchindika m'nchindi inyinji. po tukanozgekaga ukunyamuka beka tupo ivyakwanzikwa vyitu. ¹¹ Gati gamala amezi gatatu tukambaso ubulendo mu bwato bo bukawa pachimba ichi, inyengo ya mvula, ubwalo bwa ALEXANDRIA yo yikaba nu twangoza tubiwili ukulongozga ukubimilira babo. ¹² Tukati twafika pachikaya cha Syracuse, tukikala mulanye amanda gatatu. ¹³ Ukufuma pala tukanyamuka ni sitima nukufika pachikaya cha,,, RHEGIUM. lyati lachilapo isiku lyoka imphepo yikafuma kunthende yikanyamuka nukuti mumasiku gawiri tukinza twafika ku peteoli. ¹⁴ uku tukaga abakugomezga abamwitu bo bakatwitizga ukuti twikale nabo amasiku seveni munzira ino tukafika ku Roma. ¹⁵ Ukufuma kula abakugomezga bamwitu, bati bivwa izgaswe bakinza ukukumana niswe m'paka ku mariketi ga APPIUS, ninyumba zyakung'welamo zitatu. lyo upaulo abalora abakugomezga aba akasalifya uchiuta nukulimbiskichika nkhani. ¹⁶ Tukati twinjira mu roma upaulo akitichizgika mkwikala weka poka nu musilikali wo akamusunjiliraga. ¹⁷ Po kukinza kwaba ukuti gachila amasiku gatatu upaulo akitizga banavuri ba wo bakaba bakaba bakulongozga muba yuda. lyo bati binza akabawuzga akati,,, bamwitu napo wuli nthananzire nachimo ukunanjira abanthu pamo utuluso twa basekulu bitu, ine batwaye ngati wamugadi ukufuma ku yerusalemu ukupika mwinyowe zga bachiroma. ¹⁸ Bati bambuzga amafumbo bakaba ngati bande bafumye chifukwa patakaba ichifukwa ichakuti wamphe ichilango chamfwa. ¹⁹ Ukwene abayuda bakati banena ukulekana ni vyakwanza kwawo nkhachichizgika ukudandaula akachibilikwa caesar,,,nangawuli chitali ngati ukuti ine nthakabikaga ukususkana kulikonsi ni charo chawo chane. ²⁰ Pachifukwa ichi chochifukwa nangwitizga ukuti ndolane niwe. ukweneso nane niwe pakuti ichi kwanza kwa ba israeli ukuti nzwale ubunyolo. ²¹ Po bakanena nabo bakati,,,tutapocheyepo amakalata kufuma ku judeya ukuyana niwe pamo ukuti abakugomezga bakinza nukukubuzga pamo ukunena chilichonsi ichibibi ichakukwafyana niwe. ²² Ukwene tukwanza twivwe ukufuma kwiwe cho ukughanaghana ukuyana na chigomezgo akakupanguka aka, ukuti kuli konsi abanthu batakukanza aka. ²³ Bakati baseba isiku ilyakuti bakumane nawo abanthu abinji bakinza kwa wuyo ko akikalaga. ikatwara ichifukwa ichi kubabo nukusimichizga hee mo bubeleye ubufumu bwa chiuta. akayezga ukubanenera ivinza vya yesu ukufuma ku malango ga mozesi navyo bakanena aba propheti, ukwamba indabindabi mpaka nichamabwila. ²⁴ Bamo bakivwiska vyo akanena po bamo batakitichizga. ²⁵ Bakati bativwana bekabeka bakafumapo lyo upaulo anena amazwi aga, umuzimu umuzeru akanena ichite ukwinzila mwa yesaya ukuya ku basekulu binyu. ²⁶ Akati balaji ku banthu aba nukubabuzga ukuti ukwivwa mwande mwivwe ukwene mutande mwennyecheske. ²⁷ Pakuti umoyo wa banthu aba wadidibala, namakutwi gabo batakwivwa awe nukuti bigaliye aminso gawo ukuti lumo wangennya naminso gawo nukwivwa na makutwi gabo nukumanya mukasi mu wabo nukung'anamuka mu moyo wabo nukung'anamuka ukuti ine ningawa chizya. ²⁸ Akati anena ivinthu ivi abayudah bakafumapo, bakaba nukususkana sana pakasi pabo. ^{29 30} Upaulo akikala ivyaka vibili mu nyumba ya lent nukuti akapochelaga bonsi bo bakinzaga kwa wuyo. ³¹ Akapalazyaga izya ubufumu bwa chiuta nukusambizya izya yesu namaka gonsi ukwambula ukukanizyika.