¹ nge kwalamulika ukuti tujende munsi iya itale, po wakawika upawuli nawakayidi awamwawo wakawika munyowe izga kentuliyo akitwaga juliyasi usongo uwa iwumba ilyawasilikali. ² Tukakwela mubwato uwukulu ukufuma mu adilatiyamu,wowukawa papipi ukunyamuka ukujenda mumalambwa aga muchigawa cha asiya,potukanyamukapo usatalika uwamukaya ka tesalonika muchigawa icha makedoniya akawa poka niswe. ³ kundawi yakwe tukafika mu sidoni, ujuliyasi akamwivwila ubwila upawuli akamwitizya ukuti ajende pakuwennya awakamu wakwe ukuti wamupe vyo akuperewela. ⁴ Ukufuma kulanyene tukakwela ubwato tukajenda kumatwe agakalutala aka sayipulasi pakuti imphepo yikapuliraga kuminso gitu. ⁵ Nge twalamba inyanja tukajenda pabwato kutwaya twa kilikiya nu pamfiliya nukufika mukaya aka mila muchigawa icha lisiya. ⁶ Usongo wawa keya kentuliyo akaga ubwato wowukafumaga ku alekizandiliya wukawalaga ku itale akatuwika mumo. ⁷ tukajenda umwakufwasilira amasiku aginji mupaka tukafika tukakumana ninthamyo izikulu mukaya ka kinida imphepo yikakana potukajenda patumalo totukwitwa kileti yikawa papipo na salimoni. ⁸ Tukajenda muluwazu ulwakalutala kala umwakuyimbira mupaka tukaya twafika kumalo gamo aga amalambwa amazima,gago gakawa papipi nakaya aka laseya. ⁹ Twataga inyengo iyitali poinyengo iya wayuda iyakuziwizya yamala pochawa chakunyizga ukuti tukajendapo upawuli akawachenjezga.'' ¹⁰ Mwewaya mwe nkhwenya ukuti uwulendo bwitu wukwinza ukuwa bwakunyizga ukatundu nubwato uwukulu vikwinza pakunanganika nkhani poeso nuwumi bwitu wulo.'' ¹¹ Lori usongo uwawakeya akivwira kuvyo akanena wo akujenzga ubwato numwenecho wakanena ukuchira vyo upawuli akanena. ¹² po nomba paranye patawa pinza ukwikalapo inyengo ino isika po awanthu awinji wakanzaga ukuti tufumepo pa malpo gala pabwato nu kuyezga ukufika mu fonike ; vingachitika ukuti wikale mula nyene mu nyengo iyachisiku. FONIKE lyolilambwa ilya mukileti, pakupalazga kunthende ku bwinjiliro ubwizuwa eso ku matwe ku bwinjiliro ubwizuwa. ¹³ Imphepo yo yikafumaga kunthende yikambukujenda kalimphi-kalimphi. awanthu wakaghanaghana ukuti wachaga cho wakanzaga, wakefya ichijera ichakung'wama cho chikalema ubwato uwukulu wakamba ukujenda muluwazu muluwazu ulwa pilwamba ilya kiletu. ¹⁴ Panyengo iyakuchepa imphepo inkhulu ikafika yo wakatinji imphepo yo yikafumila ku matwe kumafumiro gizuwa, ikamba kuputa. ¹⁵ Ubwato nge wanduputika ni mphepo wakapotwa ukupitilira ko imphepo ikafumilaga , po tukawuleka ubwato wamba ukututika wulo ni mphepo. ¹⁶ tukafika papipi nakalutara akansi aka kauda, uluwazu ko tutakawako imphepo. umwakuyimbira tukawa poka ubwato wo wutatutikaga ni mphepo. ¹⁷ tukawukwezga ubwato wura mu bwato wukulu. po tukawupinyilira ubwato ukulu ninkhusa, ukuti wuwanje na maka, wakanyilaga ukuti wangapatila pa lusesenga ulwa pilwambwa lya LIBIYA, powakisya umwenda nukuwukeka ubwato uwukulu ukuti watutiche wulo ni mphepo. ¹⁸ Imphepo iyakututa yikapitilira po kundawi kwache wakasumbira ukatundu yumo muminzi. ¹⁹ Po pisiku ilya chitatu wakasumbira ivigawa vimo ivya bwato uwukulu mu munzi, ²⁰ Tutakennya izuwa pamo inthondwa amasiku aginji po imphepo yikapitilira ukuputa nkhani nichigomezgo chikamala ukuti tungapona. ²¹ Nge pachilapo inyengo iyitali awanthu wala wataliyepo nachimo, u pauli akimilira paminso pawo ukuti,, mwewaya mwee,, nanthi mukanivwiskaga ine vyo nkhanena ukuti tutakafumemo mu kileti nge tutapochera uwawavu uwu, nu kuluza uku. ²² Nomba nkhuwalawa ukuti,,, mujimbe pakati pate wumo wo aluzapo umoyo pakasi piswe, lori twaluza wuro ukatundu. ²³ Uwusiku wo wamalaga umungero wachiwuta weyo wane wo nkhumuchindika akinza ayimilira papipi pine. ²⁴ Akati,, we pauli utakanyilaje, ukwenera ukwimilira paminso pa kisale. uchiuta mubwira bwake akupiye awanthu wonsi wo mukujenda nawo. ²⁵ Mwe wanthu muwe wakujimba pakuti nkhugomezga uwachiuta ukuti vikwinza ukuchitika ngati mo akambuzizga ine. ²⁶ Loli tukwinza ukupatira pa kalutala kamo. ²⁷ pawusiku uwa fotini, po tuchili kutufulika ni mphepo panyanja iya ADILIYA, awambombo awamubwato uwukulu wakaghanaghana ukuti tuli papipi ukufika kwisyila. ²⁸ Po wakapima ukwiwira ukwa nyanja pakudwivya ibwe lyo wakalipinya nulukusa, wakaga amatamba fote. nge wajenda palimphi wakapimaso po wakaga ukuti yikawa amatamba sate. ²⁹ Wakanyilaga ukuti ubwato uwukuluwangapatila pamabwe po wakadwivya ivijera ivyakung'wama folo kwisinda ukwa bwato ukuti viwuleme. po wakaputa kuti,, kuche luwiro. ³⁰ Awambombo awabwato wukulu wakisya ubwato paminzi ngati po wawuka pakudwivya ivijera ivyinji ivyakung'wama kunthanzi ku bwato uwukulu wula. ³¹ Lori upauli akamuwuzga USONGO uwakeya yula ponawakeya akati,, nanthi awambombo watakwikaramo mu bwato uwukulu umu mutangapona. ³² Po awakeya wakadumula inkhusa izgabwato nukuwuleka ukuti wujendaje. ³³ Nge izuwa lafuma wulo, upauli akawalawa wonsi ukuti walye ichakulya. akalanda, isiku ili lya fotini mukikilila wuro ko kusaga poinyengo yonsi iyi mutalyanga ³⁴ nachimo.Nkhuwalawa ukuti mulye ichakulya muwe namaka pakuwa ukuti ichi chochiponosko chinyu. nayumo umunthu mwimwe wo isisi lyoka lingize liwe lyakusowera kwitwe lyake. ³⁵ Nge anena ivi akasenda ivibama nukumusalifya uchiwuta paminso gawonsi,, akamenya nukwamba ukulya. ³⁶ Wakajimba umoyo ukwene wonsi wakalya. ³⁷ Swensi poka mubwato uwukulu wula tukawa thuhandiredi sevente sikisi awanthu mu bwato. ³⁸ Nge walya umwakukwana wakawewusyako ubwato uwukulu wakataga utiligu munyanja. ³⁹ Nge kwacha wakapotwa ukuchimanya ichalo, wakennya amalo aga musesenga, wakaghanaghana ukuti tungawupatizga ubwato pala. Po wakadumula ivijera ivyakung'wama nukuvileka munyanja, po panyengo yoka inonye wakasatura inkhusa zgo wapinyira ku bwato kusajilira ubwato. ⁴⁰ po wakakwezga umwenda kunthanzi kubwato ukuti imphepo yiputileso ubwato wura kwisyira. ⁴¹ Loli ubwato wukapatila palusesenga lolutakalorekaga. kwisinda ubwato wula wukapaluka chifukwa cha mayigha. ⁴² Awa keya wakaghanaghana ukuti wagoje wonsi patawe yumouwakuchimbira. ⁴³ Loli usongo uwa keya akanzaga ukumutasya upawuli po akawakanizga awakeya pakuwomba vinivi. po akawalamulira wo wangasawa ukuti wadomochere muminzi nukusawa ukuya kwisyila. ⁴⁴ Po wakawuzga ukuti,, wakwere pa mapulanga wamo wakwere mu tumaro tumo tumo utwabwato, mwakuti swewonsi tupulumuche.