¹ Lyo twafumapo pawo tukasenda nukugoloka inzira iyakuya ku kosi, isiku ilyinji wakaya ku nkhaya iya rodesi, nukufumapo ku nkhaya ya patala. ² Lyo twaga ubwato ukuchilinganya ukuya ku foyenesiya, tukaya kuwutali tukavuwa. ³ ukufuma po tukagolonkhana nu sayipulasi nukufumila kuluwazu lwa mongo lwa bwato, nukufika ku tayire, po ubwato wukiskaga ukatundu. ⁴ Lyo twaga abasambili awakugomezgeka tukikala pala amasiku seveni. umuzimu akamuwuzgaga upaulo ukuti atakaye ku yerusalemu. ⁵ Po amasiku gitu gala gakamala, tukanyamuka nukupitilira ko tukawukaga, po wonsi poka nawachi babo na wana wabo wakatulandata ukufuma mukaya wakafugamila muluwazi umwa nyanja, nukuyiputa. ⁶ Nukulagana nawoka nu wamwabo. po tukawuka mu bwato , po abene bakagaluchira. ⁷ Lyo twamala uwulendo bwitu ubwakufuma ku tayira, tukafika ku puloreniyaji. ko tukalamuka abakamu nukwikara nawo amasiku gawili. ⁸ Indawi yakwe tukanyamuka nukuya ku kayisaleya. tukinjira munyumba ya filipu umuphalazgi, wo akawa woka wa seveni bala, po tukikala nabo. ⁹ Umunthu wuno akaba na walindu banaye wo wakachimaga. ¹⁰ Lyo twikala pala amasiku gamo, umunthu yumo ¹¹ akinza ukufuma ku yudeya inchimi izina lakwe agabasi. Akinza nukusenda ulamba wa pawulo. akapinya ivinama, ninyowe zgakwe nulamba wura, akati, umuzimu umuzeru wukuti, awayuda awamu yerusalemu wangapinya umunthu wo asenda ulamba, nukumutwara munyowe zga wamkunzi. ¹² Lyo twivwa ivinthu ivi, swensi iswe nawo wakikalaga pa malo gala tikapangana ukuti tutakaye ku yerusalemu. ¹³ Upaulosi akazgola akati, ukuomba ichoni, kulira kufwantha umoyo wane. pakuti ne wakusengannya te pakukunjika peka awe loli napakufwila mu yerusalemu chifukwa chizina ilya yesu. ¹⁴ Pakuti upaulo akakana akamupusika, tukapuma bulo po tukati ukwanza kwakwe kuchitiche. ¹⁵ Lyo gachila amasiku aga tukanyamula ivyola vyitu nukuya ku yerusalemu. ¹⁶ Abasambili bamo bope tukajenda nawo abakufuma ku keyisala, bakabasenderaso umunthu yumo u manasoni, uwakufuma ku sayipulasi, umusambili uwakale wo akaba ukuti tungikala nawo. ¹⁷ Lyo twafika mu yerusalemu, abakamu bakatupocherera. ¹⁸ Isiku ilinji upaulo akaya niswe kwa yakobe, abasongo bonsi bakabapo. ¹⁹ Lyo abalamuka, bakamba ukunena wokawoka vyo uchiuta akapanga ku bakunzi mu wuwomvi. ²⁰ Po bakivwa, bakamukwezga uchuwuta bakanena kwa wuyo bakati, yennya wamwitu masauzani galinga aga bayuda abakuyiputa, bonsi bakabika ukusuna idango. ²¹ Bakamuuzga ivyaimwe ukuti mubasambizge abayuda wo wakwikala kubakunzi ukuti bamukane u mozesi, nakumuuzga ukuti batakadumulaje abana, nukuti batakajendaje ukuyana ni dango ilya bakaya. ²² Tupanje ichoni ? twivuye ukuti winza. ²³ Po womba mo twakuuzgizga ukuti uwombe, tuli na banthu folo wo bakalagizga. ²⁴ Basende abanthu aba nukuyizelufya poka nabo, nukutwala umutengo wakwe, ukuti wefye amatwe gawo aliwensi akuyizukumanya ivya vinthu vyo bakabawuzga ukuti vilenga. walisambira ukuti mukwikala mwagolosu, ukusunga idango. ²⁵ Loli ukukwafyania na bakunzi bo bapinduka, imfundo iyakuti iyisunje ku vyakutwara ku vikozgo, ukufuma kudawa, ukufuma mu vyo ayimbira, nukufuma mu wuzerere. ²⁶ Upaulo akasenda abanthu, kundawi yakwe akayizerufya poka nawo. po bakaya mu chalichi ukubamanyiska ukuti isiku ilakuyizelufizga likwanilisyichenukuti ivyakutwala vikwenela ukutwalika. ^{27 28 29} Iyo amasiku seveni gamala,awayuda awakufuma ku eziya,wakwmulola upawulo muchalichi.akawimika awanthu wonsi nukuwika inyowe papawo.Wakakolaga,''wanthu wa izilayeli,twavwe,uno munthu wo asambizgaga awanthu paliponsi ivinthu ivyakususannia nawanthu.idango,namalo aga paluwazu,akawaletaso awagiliki muchalichi eso wanangannia amalo agazelu aga.''Pakuti wakamwennlapo kale u tilotimasi, ukuwaefeso nawo poka mukaya,po wakaghanaghana ukuti upawulo amuleta muchalichi. ^{30 31} Mukaya monsi mukawa ivyongo awanthu wakachimbila poka nukumulema upawulo wakamuguzila kunzi kwa chalichi,umulyango wakugalilika luwilo.Lyo wakwanza ukumugoga,inkhani yikafuma kwa songo wawalonda ukuti awamuyelusalemu wonsi wali muvyongo. ³² Palanyene akasenda awasilikali nu kentuliyo nukuchimbila kwikulu.po awanthu wakennia usongo wawasilikali,wakaleka ukumukoma upaulo. ³³ Po u usongo wa wasilikali akalamula ukuti wamukunje upaulo nawucheni wawili.po akawuzga ukuti wuwenu yunuyo eso apangachi. ³⁴ Awanthu wakapundaga ichawo awanji wope ichawo,po usongo yula atakachimanya nacho chawunenesyo chifukwa cha chongo chila,akanena ukuti upaulo atananzilepo nachimo. ³⁵ iyo wakunza nawe kumakwelelo,akanyamuliwa na wasilikali chifukwa cha chongo cha vivulupi. ³⁶ Pakuti uwuba likalandataga pakufuma nukukolomoka nkhani,''muchenjele nawo''. ³⁷ Iyo upaulo alipapipi ukumutwala ku luwaga akanena kwa songo wawalonda,''chikwitichizga ku kwine ukunenapo chimo''usongo wawo yula akanena akati ukunena chinenelo wuli. ³⁸ tewe wakuigiputi wa kwisinda uko akapanjiska awanthu tolo sawuzandi awaku esiya wafuma nakuwala munkholongo? ³⁹ Upaulo akanena akati,ne muyuda,uwakufuma tarasasi.ne mukaya wa nkhaya yo yambula ukugomezgeka.munitichizge ukuti inene kuwanthu.'' ⁴⁰ iyo usongo wawasilikali amwitizga,upaulo akimilila pamakwelelo,akawapumilizga awanthu po awanthu waakapuma mya po akanena muchihebele akati,