¹ nomba munyengo yira mfumu Helodi akabika inyowe zakwe pa wo wakawa muchipanga. po akamba kulimbana nawo. ² Akalamula ukuti u yakobe uwamwawo uwa yohane wamugoje nu panga. ³ Nge ennya ukuti chawakondwereska awa yudah, akamukunga nu petulo wulo, ichi chikachitika pachikondwerelo ichachibama ichambula chilungo. ⁴ Nge wamukunga wakamubika mu gadi akawa munyobe zga walinda wanaye awasilikali ukuti wamwennyelezgaje. Uhellodi akazaga umulando wutondeche pa ichikondwerelo icha pasaka. ⁵ Upetulo akasunjika mugadi abamutempile bakamuputilaga inyengo yonsi kwa chiwuta. ⁶ Uwusiku wo u hellodi akanzaga ukulonga umulandu wakwe u petulo akasipula pakasi pa wakeya babiri wakamukunga ninsimbi ziwiri, pamulyango uwa gadi pakabaso awa keya babiri. ⁷ Umungero uwa chiwuta akimilira palanye po uwuzeru wukalama muchimphija po akamuyanzannya upetulosi palubazu akamuchenuska akati nyamuka lubiro. po nsimbi zikagwa munyobe. ⁸ Umungero wura akati kunga u lamba wako nukuzwala insapato zgako, upetulo akawomba mo umungero akamuuzgira ukuti zwara ivyakuzwara ivyako undate. ⁹ Po upetulo akamulandata ukwene atakamanyaga cho chikuchitika, akaghanaghanaga ukuti ali mu chilota, ¹⁰ Po bakati bachilingannya abamalonda abakwamba, bakachilingannyaso nubabubiri bakiza kulwinji ulwa chijera ulwakufumira kukaya. icho chochikiguka cheka, po bakati bafuma kunzi bakajenda munzira yoka, apo po umungero akinza afumako kwa petulo. ¹¹ Apa po upetulo akinza avyaga ukuti vyawunenesko, ukuti uchiwuta akatuma umungero ukuti amutaske kwa Helod navyonsi vyo abayuda bakaghanaghanaga ukuti bamuwombere. ¹² Nge bavyagannya ivi, akabara kunyumba iya maliya unyina uwa yohane, wakitwagaso umaliko, ko abanthu abinji bakawungana nukuputa. ¹³ Nge awodiska pamulyango uwambombo yumo izina lyake loda akinza. ¹⁴ Akatimanya amazgu ukuti ga petulo akakondwa sana mukukondwa kwakwe akapotwa nukwigula ulwiyi akachimbilira munyumba nukulanda ukuti upetulo ali panzi. ¹⁵ Po wakanena kwa mulindu yura upenile wati. ukwene akasimichizga ukuti mo viweleye. akalanda,'' uno mungero.'' ¹⁶ Upetulo akapitilizga ukukong'oska, po nge wigula kumuryango po wakamwennya po bakazizikika. ¹⁷ Upetulo akabapumilizga wulo ninyobe pakanena kwa yakobe na wakulu wakwe. po akafumapo nukujenda ku malo aganji. ¹⁸ Nge kwacha mukaba ukuvulungannya muwa keya chonicho chachitika nu petulo. ¹⁹ U helodi akalamula ukuti wamulondere, ukwene batakamwaga. po awalonda bakawuzgichizga wakabalamula ukuti babagoje. po akajenda ku yudeya kwa kesaleya nukwikala kulanye. ²⁰ u helodi akaba mukali sana na bamu ture na sidoni. wakawara kwawuyo nichakulinga wakamudeba usongo uwachifumu ukuti awavwe , po wakawara. UHELODI pakulaba umutende pakuti ichakulya chikafumaga ku mafumu agansi yilanye. ²¹ Pisiku lyo bakaseba , uhelodi akazwala inkhanjo yakwe iya ufumu akikala pachitengo chakwe ichawufumu akalanda kubanthu. ²² Awanthu bakakolomoka bakati, aga mazgu gachiwuta, te gamunthu. ²³ Panapo umungero uwachiuta akamukoma u HELODI pakuti akamuchindika uchiuta, insoni zikamulya nu kufwa. ²⁴ Amazgu aga chiwuta gakajenderela nukunyama. ²⁵ Po ubanabasi nu sauli nge wamara imbombo yawo wakawa bwerekaso ku yerusalemu.