¹ Koafa tapitry ny andron'ny sabata, dia nivanga raha mangitry hisoragna amin'ny fatin'i Jesôsy i Maria Magdalena sindraiky Maria renin'i Jakoba, avakeo Salome nivanga hagnitry mbô handaiha aveo koa hagnôsotro ny fatin'i Jesôsy. ² Vao miraizava tamin'ny andro voalohan'ny herigniandro, dia nandaiha tam-pasagna zareo koafa niboaka ny masôva. ³ Dia nifampivaolagna zareo hoe: "Zôvy moa hanokatra ny vato akeo amin'ny varavaram-pasagna mbô hidirantsika? ⁴ Koafa nianko lôha zareo, dia nahita fao nisaokatra niala ny vato, lehy taigna giaida aby. ⁵ Nitsôfotro tao am-pasagna zareo kay nahita tôvolahy nitsabo akanjo fôtsy, nantotry teo an-kahery, avakeo dia gaga zareo. ⁶ Dia nivaolagna izy tamin-jareo hoe: "Aza ambory. Mizaha an'i Jesôsy moa areo, lehy Nazarena, lehy nohombogny. Nitsangagna izy! Tsy aketo izy. Zahavo ny toairagna zay nambilan-jareo azy. ⁷ Fao mandihiana, koragno reo mpianany avakeo Petera fao handaiha alohak'areo agny Galilia Izy. Akagny no hahitanareo azy, araka lehy nivolagniny taminareo." ⁸ Niboaka zareo kay nilomoay niala ny fasagna; nangitakitaka salakady gaga zareo. Tsy nivaolagna na ino na ino tamin'ôlogno zareo satria taigna ambory fatatra. ⁹ [Fagnamariahagna : Ny fandikagna taloha taigna tsara dia mangala ny Marka: 16: 9-20] Vao miraizava tamin'ny andro voalohan'ny herigniandro, tafarany Izy nitsangagna, dia niboaka tamin'i Maria Magdalena maloha izy, lehy nandroahany masantôko fito. ¹⁰ Kay lôsogno Maria avakeo nivaolagna ny vaovao tamin-jareo niaraka tamin'i Jesôsy, raha mboala nisaona aveo nitomoagny zareo. ¹¹ Regnin-jareo fao velogno Izy avakeo nahita Azy izy, kanaifa tsy nankatô zareo. ¹² [Ny fandikagna taloha taigna tsara dia mangala ny Marka16: 9-20] Tafaran'ny reo raha reo Jesôsy dia niboaka tamin'ny fomba hafa tamin'ny aroa tamin-jareo, koafa nandaiha hankagny an-tanàgna zareo. ¹³ Dia lôsogno zareo, avakeo nivaolagna tamin'ny reo mpianatra tavaila, kanaifa tsy nankatô zareo. ¹⁴ [Fagnamariahagna: Ny fandikagna taloha taigna tsara dia ny magnala ny Marka16: 9-20] Tafara hely dia niboaka tamin'ny araiky ambinofôlo lahy Jesôsy raha mboala teo am-pihinanagna zareo, avakeo novaolagna mafy zareo Izy nohon'ny tsy finoagna avakeo hamafisan'ny fôn-jareo, satria tsy nankatô zareo zay nahita azy tafaran'ny nitsanganany tamin'ny maty zareo. ¹⁵ Ary nivaolagna Izy tamin-jareo hoe: "Mandihiana akagny amin'ny tany jiaby, avakeo ambarao amin'ny ôlogno jiaby ny vaovao maharavoravo. ¹⁶ Lehy mankatô ndraiky atao batisa no vonjegny, avakeo lehy tsy mankatô ndraiky dia ho sazigny. ¹⁷ [Fagnamariahagna: Ny fandikagna taloha taigna tsara dia magnala ny Marka 16: 9-20] Reto famantaragna reto dia hizôhy reo zay mankatô: Amin'ny agnaragnanaha no handroasan-jareo masantôko. Hivaolagna amin'ny fininagnagna tsy hainy zareo. ¹⁸ Hangala mainapitsoko amin'ny tagnagna zareo, avakeo koa migiaka raha mahafaty zareo, dia tsy hampagnino zareo zany. Hagnapaitraka tagnagna amin'ny marary zareo, dia hahivagna regny." ¹⁹ [Fandikagna taloha taigna tsara dia mangala ny Marka 16: 9-20] Koafa avy nikoragna tamin-jareo ny Tômpo, dia nampiakarigny akagny an-dangitry Izy aveo nantotry akeo an-tagnagna ankaherin-Jagnahary. ²⁰ Dia lôsogno reo mpianatra nitory teny tamin'ny tany jiaby, avakeo Tômpo niara-niasa tamin-jareo aveo nakamafy teny tamin'ny alalan'ny famantaragna zay niaraka tamin-jareo.