¹ Ȏ rahalahy! koa misy ôlogno azon'ny ota, areo zay arapa-gnahy no tôkony hagnampôdy azy indraiky amin'ny fahamoram-pagnahy. Mandiniàha ny taignanao, mbô tsy ho halaim-pagnahy koa anao. ² Mifampitongoasa ny mavaisatra, ary amin'zany dia tanteraho ny lalàgnan'i Kristy. ³ Koa raha misy ôlogno mandiniky ny taignany ho raha kanaifa tsisy dikany, dia mamitaka ny taignany izy. ⁴ Tôkony hadiniky ny asany aby ny tsiaraikiaraiky, mbô ho amin'ny taignany fogna ny antony hipoairapoairàny fao tsy amin'ôlognon-kafa. ⁵ Fa samby hitondra ny aintagnanazy aby ny ologno tsiraikiraiky. ⁶ Ny ôlogno zay nampianarigny ny teny dia tsy maintsy mizara ny raha tsara jiaby amin'ny zay mampagnanatra. ⁷ Aza magneky ho fitahigny. Tsy azo sangisangìgny Zagnahary, fa raha jiaby avolin'ôlogno, no ho didiany koa. Hoan'ny zay mamboly amin'ny tany feno fahotagna, dia avy amin'ny zany no handidiany fahasimbàgna. ⁸ Zay mamboly voa aminy'ny Fagnahy, amin'ny Fagnahy no handidiany ny fiainagna barikoditany. ⁹ Aoka atsika mbô tsy horairaka amin'ny fagananaovagna tsara, fa handidy ny vokatra atsika amin'ny fotoagna zany, koa tsy milavo lefogno atsika. ¹⁰ Kay noho zany, satria managna fahafahagna atsika, dia aoka hagnano tsara amin'ny ôlogno jiaby, intsakintsaka amin'ny fianakaviagnan'ny finoagna. ¹¹ Zahavo ny hagidasan'ny soratara zay nisoroatan'ny tagnagnanaha mandeha aminareo. ¹² Zareo zay tohohita ho tsara amin'ny nofotro no miaizaka manery areo mbô hoforàgna. Magnano zany zareo mbô hialagna amin'ny fagnenjahagna nohon'ny amin'ny kakazofijaliagnan'i Kristy. ¹³ Na zareo zay tsy voafora aby dia tsy mitandrigny ny làlagna, kanaifa tian-jareo ho foràgna areo mbô hiporaporain-jareo amin'ny nofotronareo. ¹⁴ Kanaifa tsy hipoairapoaira na afiriagna na afiriagna koa tsy amin'ny kakazofijaliagnan'i Jesôsy Kristy Tompontsika anie zaho, zay nagnomboagna ny izao tontolo izao taminaha, ary zaho koa tao amin'izaotontolo izao. ¹⁵ Fa ny famoràgna na ny tsy famoràgna dia samby tsisy dikany, fao ny fianagna vaovao no misy dikany. ¹⁶ Hon-jareo jiaby zay miaigny araka zany fomba zany, dia ho amin-jareo anie ny fiadanagna ndraiky famindaram-po, na amin'Israelin-Jagnahary aby. ¹⁷ Manomboko zao dia aoka tsy hoisy hankalaifaka zaho, fao mitondra reo marik'i Jesôsy eo amin'ny vatagnanaha zaho. ¹⁸ Hoamin'ny fagnahinareo anie ny fahasoavagnan'i Jesôsy Kristy Tompontsika, ry rahalahy. Amena.