¹ Ino raha tokony koragnin-tsika, nefa raha fahitan'i Abrahama razan-tsika taloha tamin'ny nofo ? ² Izy koa asa edy raha nagnariagna abrahama, misy tokony hampirehareha izy, fa tsy amin-dRagnahary. ³ Ino mba raha nambaran'ny soratra masigny ? "Abrahama zegny nino Zagnahary". ⁴ " Avio irô zegny miasa, tsy atao agnatin'ny fahasoavagna karamany, fa atao kara trôsa . ⁵ Iro zegny tsy miasa, nefa mino izay ratsy fagnahy, atao agnatiny fahamarignana finoagnany. ⁶ Davida fo koa zegny magnognono tso-drano amin'olo zegny ataon-dRagnahary marigny nefa tsy miasa. ⁷ Raha nivolagniny : "sambatra irô zegny voavaila heloko, ndraiky irô rakotron'ny fahatagnany. ⁸ Sambatra koa zaigny hisain'ny Tompo heloko." ⁹ Kay fahasambaragna jiaby zegny ma atao amindrô voavositry koa ? Atsika mivolagna fa : "Natao fahamarignana Abrahama ny finoagna." ¹⁰ Kay karakory nagnany zegny ? Tamin'izy fa voavositry, sa tamin'izy tsy voavositry ? Tsy tamin'izy efa voavositry fa tamin'izy mbola tsy voavositry. ¹¹ Nahazo famataragna famosiragna Abrahama. Zegny famantaragna zegny, marikin'ny finoagna marigny fa misy fahaila tamin'i Abrahama retsy izy mbola tsy voavositry. Nanjara baban'olo jiaby izy, na irô mbola tsy voavositry izy, fa natao hoandrô ny famarignana. ¹² Zegny koa midika fa mbola tsy voavositry izy, avio hoandrô, taloha zaigny tsenjiky voavositry nefa magnaraka dian'ny finoagna Abrahama razan-tsika. ¹³ Tsy avy baka amin'ny lalàgna fa avy baka amin'ny finoagna marigny ny fampagnatenagnan'i Abrahama ndraiky irô takanany handova ny tany. ¹⁴ Ho foagna zegny finoagna ndraiky fampagnatenagna, izy koa irô miaigny amin'ny lalàgna handova tany ty. ¹⁵ Fotony lalàgna io. mitondra heloko, fa amin-drô tsisy lalàgna agny, tsisy fandikagna lalàgna zegny. ¹⁶ Kay baka amin'ny lalàgna zegny tegna hiboan'ny finoagna, amin'ny zegny mimpetraka ambaniny fahasoavagna fampagnatenagna sady azo antoko irô tarak'i Abrahama zaigny mandrasa finoagna ndraiky iro jiaby zegny fihezin'ny lalàgna. Babatsika izy, ¹⁷ araka voasoratra : "Nataoko rain'ny firenena maro anao", talohan'i Zagnahary araiky mamelogno ny maty ndraiky raha tsisy mba hisy. ¹⁸ Natoky zagnahary tantairaka fa zegny i Abrahama, na maro ra mitranga tamin'ny fiainagnany draiky hoaviny. Kay rosô baban'ny firenena maro izy, araka koragna fa nambara fa : "Ho kara zegny taranakanao." ¹⁹ Tsy kivy tamin'ny finoagnany izy, nefa hainy tsara, fa tsy afaka hanan-janaka izy (fotony fa tagny amin'ny zato taogno tagny izy). Hainy tsara fa tsy mety miteraka i Saraha. ²⁰ Kay nony fampagnatenagna nataon-dRagnahary, kay izy tsy misalasala izy tamin'ny tsy finoagna i Abrahama. Fa nahay nahery tamin'ny finoagna fo izy sady nidera Zagnahary mare. ²¹ Izy tegna resy lahatra fa tanteraka aby zaigny raha nampagnatenai-ndRagnahary zegny, tsy maintsy tantairaka. ²² Koa fa zegny ra nisy, natao famarignana izegny. ²³ Kanefa tsy izy tsy nisoratagna tombotsoanany zaraiky fo zegny fa natao ninazy zegny. ²⁴ Nisoratagna ho antsika koa zegny, zaigny mino Izy, nanangana Jesosy Tompontsika tamin'ny maty. ²⁵ Izy araiky natolotro baka tamin'ny fahotagnatsika avio natsangana mba mba hamarigny atsika.