¹ Kai nivolagna za fa, narian-Dragnahary foeky ma olo nany? sagnatria. Za koa ane Israelita, taranak'i Abrahama ary karazagna naka Benjamina. ² Zagnahary tsy nagnary olo nany fa hainy taloha zegny. Tsy hainarô ma raha nivolagnin'ny soratra Masigny mikasiky Elia, nitaraigny tamin-Dragnahary nisazy Israely? hoe: ³ Tompo, irô io namono mpaminaninao, nagnapotiky làtabatra masigninao. Za fo tavela eto, sady tiamono za foeky ka irô." ⁴ Ino navalin-Dragnahary Izy: "Efa niaro olo mandeha fito arivo izay tsy nandohaliky tamin'ny Bala ho anakahy Za." ⁵ Kai karaha zegny koa zioty, misy ely fo koa araka ny fifidianagna amin'ny fahasoavagna. ⁶ Iziko draiky boaka amin'ny fahasoavagna zegny, tsy avy amin'ny asa foeky zegny. Sady tsy ho fahasoavagna eky fahasoavagna.([fagnitsiagna ely: ankamarozan'ny taratasy sasany taloha magneky fa: " Izikoa boaka amin'ny asa i zegny, fa tsy fahasoavagna eky; izikoa draiky zegny, tsy asa eky koa ny asa."]) ⁷ Kai ino basy? Ny raha tadiavin'i Israely tsy azony, fa izay voafidy fo nahazo, sady nankamafisigny ambiny tio. ⁸ Zegny baka araiky voasoratra fa: "Zagnahary nagnamia irô fagnahin'ny adindiriagna, maso mba tsy ahitan-drô, sofigny koa mba tsy harignesn-drô, zisaka niany." ⁹ kai nivolagna i Davida nagnano hoe: "Alô latabatra mba ho harato draiky fandriky, ho vato hamitaka sady hamaly faty amin-drô. ¹⁰ Mason-drô hizigniny baika ts hahita, sady hiôdriky mandrakizay tahèzangnan-drô ¹¹ i za mivolagna fa: "Asa mba ho ahay meloko fo irô koa lavo? Sagnatria. Kanefa, boaka amin'ny fahalavoan-drô fo nahatonga famonjegna tamindrô jentilisa, baika ampafana fô drô. ¹² Kai izikoa fahavalondro harehan' olo jiaby eto an-tany, sady i fahaverezagnan-drô io koa naren-drô jentilisa, agnano karakory eky ankabeazan' ny fahavitan-drô. ¹³ Amin'ny zioty, za mikoragna amin-drô jentilasa, ary izikoa za mbala ampostolin-drô jentilisa, mankasitraka fanompoagna naka fo za. ¹⁴ Asa mety ampafana fô drô izay boaka amin'ny haigny naka manokagna. Ary mety hagnavotro sasany amin-drô io atsika. ¹⁵ Izikoa fangnilikiliagna irô midika fampiavanagna ambony ny tany ity, kai ino koa ma hangnanovandrô fa boaka amin'ny fahafatesagna fiainagna ity? ¹⁶ Izikoa voatokagna ny vokatra vohalohany, dikany zegny ny ampahany amin'ny onga. Izikoa draiky fakany, karaha zegny koa irô tagnantagnany. ¹⁷ kanefa koa nitapagna tagnantagnany sasany, ary koa anao, sampagna olivadia, zegny natambatra tamin'drô tio, sady izikoa nifampizara tamin'drô tio zegny vahin'ny kakazo oliva anao, ¹⁸ azendriky mipoera amin-drô vahitra sasany. Fa anao koa nipoera, manjary tsy anao mitondra vahiny, fa vahiny mitondra anao. ¹⁹ Kai ivolagna amizay anao fa: "Nitapagna hiala tagnantagnany baika havitako mifandray aminany." ²⁰ Marigny zegny. Nohon'ny tsy fisiandrô finoagna nahatonga irô nitapagna, fa anarô draiky ny hipetraka tsara boaka amin'ny finoagnanarô. Kaza magnambony tegna anarô, fa mba matahora. ²¹ Fa izikoa tegna sampagna tsy nambelan-Dragnahary, anao mba tsy ambelany koa. ²² Mba zahava baka, fahatsoragna draiky aratsiam-pagnahy ny Zagnahary. Amin'ny lafiny araiky, ny arantsiam-pagnahy zegny boaka amin-drô jiosy lavo aby igny. Fa amin'ny lafiny araiky draiky, ny hatsaram-pagnahin'Dragnahary avy aminarô, izikoa maharitry amin'ny hatsaram-pagnahiny anarô. Fa koa tsy zegny, hitapagna koa anarô. ²³ Fa na dia zegny draiky, izikoa irô tsy mino kara io fo, hatambatra foeky. Fa zagnahary afaka mipody mampitambatra irô draiky. ²⁴ Fa izikoa draiky nitapagna tamin'ny kakazo oliva anarô, kai natambatra tamin'ny kakazo oliva tsara, asa ho karakory fihoran'ny ankabeazan-drô jiosy aby sampagnana vojanahary, natambatra tamin'ny kakazo oliva-drô manôkana? ²⁵ Tsy tiako ny tsy hahay anarô rahalako, ny raha misitriky zegny, baika tsy agnanaovanarô fa anarô misy jery. I raha misitriky zegny ane fa nampiherign'olo irô Israely aby io, zisaka irô tao feno Jentilisa. ²⁶ Dikany zegny, hivojegn Israely jiaby, karaha ny voasoratra hoe: "Hiboaka baka agny Ziona ny mpamafaka. Hagnadoso harantsiam-pagnahy ny Jakoba Izy, ²⁷ sady zegny koa fagnekem-piavanagna nataoko tamin-drô izikoa fa hagnadosoagna fahotangnan-drô Za." ²⁸ Amin'ny lafiny araiky mikasiky tenin-dRagnahary, irô fahavalo alohalohanarô. Fa amin'ny lafiny araiky draiky, araka safidin-dRagnahary, irô mahay halohan-drô Razagna. ²⁹ Fa irô fagnomezagna draiky kaiky ny Zagnahary tsy miôva foeky. ³⁰ Fa anarô zegny tsy mankasitraka Zagnahary taloha, kanèfa anarô zioty draiky zegny nangala famelan-keloko boaka anin'ny tsy fankasitrangnan-drô. ³¹ Karazegny koa, irô Jiosy zioty zegny tsy mankasitraka koa. Vokatra zegny, boaka tamin'ny famelan-keloko nataonarô mety azahoandrô famelan-keloko zioty koa. ³² Fa zagnahary fa nagnadoso ny tsy fankasitragna jiaby, baika ahavitany mamela heloko amin'olo jiaby. ³³ Zahava fa, ny alalignan'ny irô haren'ny fahendregna ndraiky fahaizan-dRagnahary! Tsy takatra jerin-drô ny fitsarany, draiky irô lalagna nany zegny tsy hay faritigny! ³⁴ "Azovy ma nahay heritreritrin'ny Tompo, sady azovy koa najary mpagnamia hevitry Izy? ³⁵ Azovy koa nagnamia raha Zagnahary taloha, kai tsy maintsy agnaregnan-dRagnary izy draiky koa?" ³⁶ Fa avy Aminany draiky boaka Aminany sady ho Anany ny raha jiaby. Ho ninany mandrakizay ny voninahitra. Amèn.