¹ Tamin'ny fotoagnan'andro izay, nisy olo maro sady tsy nanagna raha hoanigny irô. Kay nikaiky mpianatranany Jesosy ka nivolagna tamindrô karaty: ² "Mampahinakinaka zaho irô olo maro irô satria efa telo andro irô nagnaraka Zaho tsisy raha noanigny. ³ Izy koa alaifako mody an-tragnondrô irô, kay mety ho toragna an-dalagna irô. Sasany amin-drô avy agny lavitry agny." ⁴ Namaly koragnan'azy irô mpianatran'azy nivolagna karaty: "Aìa hahitantsika mofo ampinana-tsika irô vahoaka aty an-tany foagna, tsisy raha hoanigny aty?" ⁵ Nambarany avy tiô tamin-drô: "Firy mba mofo anagnanarô ao?" Nivalian-drô avy tiô: "Fito izy ato." Nagniraka irô vohoaka hipetraka aminy tany Izy. Avy iô, nalainy mofo fito, avy iô Izy nankasitraka, baka iô, nanapaka mofo iô irô. ⁶ Namezany mpianatranany baka hizaraigny amin'ndrô vahoaka aby iô, avy iô napetrakan'ndrô mpianatra irô teo alohan'ndrô tiô. ⁷ Avy iô, mbola misy lôko helihely tamin'ndrô, koa fa baka nagnano fisaoragna irô zegny, nagniraka mpianatranany Izy hizara lôko aby iô. ⁸ Nihinagna zegny irô, avy tiô voky. Nisy ambiny tavela Kay nahafeno tognotogno fito maventy. ⁹ Tôkony farifary efatr'arivo tiô tiô, kontin'olo taminy zegny. baka iô nalefany nody irô baka tiô. ¹⁰ Niaraka tamin'izegny, Niakatra tao an-dakana Izy ndraiky mpianatranany, irô handaiha agny amin'ny faritr'i Dalmanota. ¹¹ Niboaka irô fariseo ary nanomboka nifanditra taminy. Irô zegny mitady famantaragna avy agny an-dagnitry, mba hitsapandrô Izy. ¹² Kay nitaraigny am-pagnahy Jesosy draiky Izy nivolagna tamindrô karaty: "Nagnino ma ity taranaka ity mitady famantaragna fo? Nefa ndraiky volagniko aminarô ny marigny jiaby fa anarô tsy hahita famantaragna aminaka zegny." ¹³ Avy tiô zegny, nialan-drô Izy avy tiô, niakatra tao agnatin'ny lakagna ndraiky Izy, niala lavitra ho eny am-pita. ¹⁴ Avy iô, nadignan-drô mpianatra aby iô nitondra mofo niaraka tamin'izy irô. Tsy nanagna mihoatran'ny araiky irô tagnatin'ny sambo ¹⁵ ka nampitandrigny irô Jesosy ka nivolagna karaty: "miambena avy iô, mitandraima ay, amin'ny masirasiran'irô Fariseo ndraiky masirasiran'irô Heroda.'' ¹⁶ Kay nifagnotany taigna irô mpianatra hoe: "Navy tamin'tsika, tsy nagnano mofo fo iz'iô." ¹⁷ Hain'i Jesosy raha agnatiny saigny ndrô,ivolagna Izy tamin'ndrô karaty: "Nagnino anarô misaigny amin'ny tsy fanagnana narô mofo ny saigny narô? Mbola tsy azonarô fo ma? Mbola tsy takatranarô fo? Ndraiky donto ma, fô narô ao? ¹⁸ Managna sofigny ianarô fa tsy maregny ma? Tsy azonarô honogno ma izigny? ¹⁹ Zaho ka fananapaka mofo dimy hoan'ndrô olo dimy arivo igny, kay nisy ambiny izigny. kay firy tognotogno ny ambiny tavela nampiriminarô?" Namaly ny mpianatranany karaty: "Roambinifolo." ²⁰ Zaho ka fananapaka i mofo fito igny, hoan'ndrô olo efatr'arivo, mba firy tognotogno eky ambiny tavela? Nivolagna moianatranany karaty: "fito." ²¹ Baka iô, namaly Izy: "Mbola tsy takatran'narô fo?" ²² Navy agny Betsaida irô. Avy iô nisy gila araiky nindesin'olo taminany, avy iô nangataka Jesosy mba hikasik'azy. ²³ Nindesin'i Jesosy tagny aminin'ny tananan'i gila, baka iô nitondra azy mba hiboaka hiala agnaty tanana. koa fa nandrôrahany tamin'ny masony, ndraiky napetrakany tagnabon'nylohany tagnany, avy iô nagnatony azy Izy: "Mahita raha ma anao ao? ²⁴ Kay niangana izy, baka iô nivolagna kay: "Mahita olo mitovy amin'ny kakazo mandaidaiha zaho." ²⁵ Napetrakan'i Jesosy tamin'ny masony koa ny tagnanany, kay nahita ny masony lelah gila ary janga, avy iô nipody tami'ny loany ny fahitany, mahita mazava jiaby izy. ²⁶ Kay avy tiô, nalefan'i Jesosy nody izy, avy iô novolagniny karaty: "Aza mitsofoko ao an-tanana." ²⁷ Handaiha niboaka i Jesosy sy ny moianatranany, irô nanday tamin'ny tananan'i Kaisaria Filipo. Tagny andalagna zegny nagnotany irô mpianatranany tamin'Azy hoe: "Atanao narô azovy Zaho?" ²⁸ Namaly izy irô ka nivolagna karaty: "Jaona mpagnano batisa. Ny hafa ndraiky: " i Elia", ny hafa mivolagna hoe: "Araky tamin'ndrô mpaminany." ²⁹ Nagnotany irô Izy : "Fa anarô ndraiky magnano Zaho azovy? Namaly Izy i Petera karaty: "Anao i Kristy." ³⁰ Nampitandrigny irô Jesosy tsy hivolagna makasika Izy na amin'ndrôvy na amin'ndrôvy. ³¹ Nanomboka tiô, nampianatra irô izy fa tsy maintsy hijaly anarô zanak'olo, avy iô tsy ho lavin'ny loholona ndraiky irô lohan'ny mpisorona, avy iô mpanora-dalàna, avy iô ho vonegna, mba hitsangana amin'ny maty afaka telo andro. ³² Nambarany mazava tsara izegny. Avy iô, nikahian'i Petera mangingingny Jesosy ka nanomboka tiô, nivolagn'Azy mafy. ³³ Kafa nitodik'i Jesosy nizaha ny mpianatranany Izy, avy iô Izy nivolagna mafy tamin'i Petera nagnano karaty: "Mialà lavitra Zaho anao Satana! Tsy mba mandinika ny zavatra ny ndRagnahary ianao, fa ny zavatran'olo fo!" ³⁴ Baka iô, nikaiky vahoaka ndraiky mpianatranany Izy, niaraka irô. Nivolagnagny aviô irô: "Raha misy te agnaraka-Zaho, tsy maintsy magnaraka ny raha volagniko izy, maka ny hazo fijaliany koa izy, baka iô magnaraka Zaho. ³⁵ Na zôvy na zôvy te agnavotso aigninany kay hahavery izy zegny, ary izay mahavery ny aigniny boka tamiko ndraiky filazantsara zegny, hahavotro izy. ³⁶ Fa ino marigny ma, tôkony azahoan'olo araiky, raha mahazo izao tontolo izao zegny nefa very ny aigniny? ³⁷ Mba ino eky raha azon'olo araiky ho takalony aigniny? ³⁸ Na zôvy na zôvy maignatra Zaho, ndraiky maignatra magnabara ny volagna-naka eto amin'ity taranaka mijangajanga, ndraiky mpanota ity, zaho ka mba maignatra izy koa. Ny zanak'olo fa navy agny amin'ny voninahitry Ndragnahary miaraka amin'iô anjely masigny Izy."