¹ Maran-draigny be, nivory mpisoranabe niaraka tamin-drô Lohologno draiky irô mpahay lalàgna abako Synedrona jiaby. Ny fihezin-drô Jesosy bakakô nientin-drô niboaka. Naboakan-drô tamin'i Pilato izy. ² Kay nagnotany Pilato: "Ana mba mpanjakan'ny jiosy?". Izy namaly: " voalazanao". ³ nagnaboaka fagnabaragna maro mikontira i Jesosy irô lohan'ny mpisorina. ⁴ Nagnotany izy draiky Pilato : " Tsy agnamia valim-bolagna mba anao." Zahava ankamaroagnany fitaraignana entin-drô micontre anao! ". ⁵ Fa Tsy namaly Pilato eky Jesosy, kay nahagaga izy zegny. ⁶ Abako tamin'ny andra firavoravoagna , navosotro gadra raiky i ? mba ny drô, gadra raiky tadiavin-drô. ⁷ Niaraka tamin-drô mpitariky grèvo, tamin-drô mpamon'olo araiky voatana baka tamin'ny fangalan-drô andrara tamin'ny grèvo, kay nisy lelahy araiky kahiagna Barabasy. ⁸ Nandeha amin'i Pilato vahoaka mba anoboko agnano kara faha atao drô taloha. ⁹ Pilato nivolagna tamin-drô: " Tianarô ma koa amiako anarô mpanjakany Jiosy alaifako ny narô?" ¹⁰ Fôtony ainy fa jaloux nagnaboany mpisorona i Jesosy taminany." ¹¹ Fa nagnaitagna vahoaka irô lohan'ny mpisorona mba androtondrontogno mare fa tokony Barabasy avosotro. ¹² Magnabara irô draiky i Pilato : " Ino basy zegny tokony ataoko amin'ny mpanjakany Jiosy?" ¹³ bakô himpody hiafatra ndraiky ka irô: "Fantasia Izy!" ¹⁴ Nambarany Pilato tamin`drô: " Ino mba raha ratsy nataony?". Vomaika nandrontogno maré irô hoe:" Fantsia Izy." <sup>15</sup> Tiagnano raha mahafa-pô irô Barabasy. kay nahahany ho an-drô fekny Barabasy. Ny popopoiny Jesosy bakakô namian`irô mba hifantsigny. ¹⁶ Nandesin-drô maramila aby io an-karamandra Izy ( devant ny fanjakana ), abako ny kahiagn-drô vahoaka antoko maramaly jiaby. ¹⁷ Napangnanovin-drô lamba violet Jesosy, avio nagnaboaragna fehiloha marangitry kay nambela taminany. ¹⁸ Nanomboko nagnano mbalatsara izy irô draiky ny volagna kara ty: " Mbalatsara, Mpanjakany Jiosy!. " ¹⁹ Ny popon-drô tamin,ny karavasy lohany abako nandroran-drô Izy. Nagnano nandohaliky taminany tio irô nagnano sary nidera Izy. ²⁰ koa fa baka ny kotragna Izy irô, nadoson-drô taminany draiky lamba violet igny abako napagnanavan-drô Izy lambany, ny entin-drô niboaka Izy mba hitombogna. ²¹ Ny tire-drô mpandalo araiky baka tanim-bary mba hilanja hazofijalian'i Jesosy, agnarany lelahy io Simona Kyreniana baban'i AleKsandra draiky Rofosy. ²² Nentin-drô miaramila tagny amin'ny toeragna Gologota Jesosy ( Midika: " toeragna Karandoha"). ²³ Namian-drô divay nifangaro miora Izy, fa tsy nigiany zegny. ²⁴ Kay nifantsian-drô Izy sady nisarisarain-drô amin'ny alalan'ny loka ankanjony mba ahaizan-drô ampahany alain-drô miaramila io tsiaraiky araiky ²⁵ Tamin'ny trois heur Izy nifantsian-drô. ²⁶ Tamin'ny plaky nanoratan-drô fampangagna mikontira Izy: " mpanjakan'ny Jiosy". ²⁷ Mpangalatra aroe niaraka nifantsiagna taminany. Araiky an-kahery abako araiky an-kavia. ²⁸ [ fagnamariagna: Irô mpandika taloha tegna tsara tsy magnisy MarKa 15:28 hoe: " tanteraka soratra masigny magnano hoe: ' natao agnisany mpanota izy'. ( Ampitaha Lioka 22:35)] ²⁹ ô zegny nandalo tio nagnaratsy Izy, nagnifikifiky loha ny volagna hoe: " Aha! Anao zaraiky afaka mandravagna tragno DRagnahary draiky mamorogno zegny agnatin'ny telo andra, ³⁰ Vonjia tegnanao abako mijotsoa amin'ny hazofijaliagna io!" ³¹ Lohan'ny mpisorona koa nitodiky kara izy ka, niaraka tamin'drô mpanora-dalàna, nagnabara hoe: " Nagnavotro olo afa izy, nefa tsy mahavosotro tegna. ³² Alo Kristy, Mpanjankan'Isaraely, hijotso amin'ny hazofijaliagna, mba hitanay abako hinoanay," abako irô nifantsigny niaraka taminany koa nakandala Izy. ³³ tamin'ny six heur, navy tamin'ny tany jiaby hiziky jusqu'à neuf heur. ³⁴ Tamin'ny lèra neuf heur zegny ny hafatra mare Jesosy ny volagna hoe: " Eloy, Eloy làma sabkatany?" izegny midika: " DRagnahary é, DRagnahary é, nagnino anao nafohy Zaho?." ³⁵ Sasany tamin-drô nitsangana tio naregny volagna nany hoe: " Zahava mikaiky i Elia Izy." ³⁶ Nisy olo araiky nilomay, nivokisany divay matsiko, sady nagnapetraka zegny tamin'ny volotara namian-drô mba higiagna. Ny volagna lelahy io kara ty: " Angatagna mba hitanay i Elia koa avy eo agnadoso Izy." ³⁷ Abako nandrotogno mare Jesosy maty. ³⁸ Natriaka nizara roe baka agnabo jusqu'à ambany lamban'ny tempoly." ³⁹ Koa fa hitan'i Kapitainy nitsangana draiky ny fagnatriky tamin'i Jesosy fa maty tamin'ny fomba zegny Izy, Izy nagnabara: " Tegna zanaka ndRagnahary marigny i lelahy io." ⁴⁰ Nisy viavy koa ny zaha baka lavitry. Agnisany zegny Maria Magdalena, Maria( renin'i Jakoba draiky Jesosy), abako Salamo. ⁴¹ Tamin'Izy tagny Galilia nagnaraka izy sady nanompo Izy irô. Draiky viavy maro afa koa niaraka nanonga taminana ta Jerosalema. ⁴² Koa fa navy ariva, Satria andra fiomanagna, dikany zegny, andra alohan'ny Sabata io, ⁴³ kay navy tio Josefa baka Arimatia. Mpikambagna hajaigna amin'ny Synedriona ao izy, Araiky niambigny Fanjakan'DRagnahary. Nasaky izy nandeha amin'i Pilato hangataka fatin'i Jesosy. ⁴⁴ Gaga Pilato ha fa naty Jesosy; nikahiany kapitainy izy fa maty Jesosy, kay namiany i Josefa i faty ny Jesosy. ⁴⁵ Koa fa nahazo antoko tamin'ny Kapitainy izy fa maty Jesosy, kay namiany i Josefa i faty ny Jesosy. ⁴⁶ Sady nividy hariary madiniky i Josefa. najotro tagnambony hazofijaliagna tio i Jesosy, Ny fognosigny hariary madiniky Izy, Abako napaitrakan-drô tamin'ny fasagna nagadiagna ta vatolampy. Abako nagnafodiagna vato tamin'ny varavaragna fasagna nany. ⁴⁷ Kay hitan'i Maria renin'i Jesosy toeragna nandivainagna Izy.