¹ Efatra ambin'ny folo taogno taty afara nanonga ta Jerosalema draiky zaho niaraka tamin'i Barnabasy, nitondra i Totisy niaraka taminaka. ² Nanonga tagny nohon'ny fagnambaragna araiky zaho sady namaitraka tamin-drô filazantsara izaigny ambarako aminarô Jentilisa. Nikoragna nitaokagna tamin-drô zaigny niheverigny ho manan-danja zaho mba hahazoagna antoko fa tsy nilomay_ na efa nilomay_ very foagna zaho. ³ Na Titosy fo, araiky niaraka taminaka sady Grika izy, nitiregna mba voavositry. ⁴ Niditry mangingigny irô rahalahy sandoko mba hitsikilo fahafahagna hanagnanay amin'i Kristy Jesosy. Nagniry hagnadevo zahay irô, ⁵ fa tsy nivolagna hagneky izy irô na fotoagna hely aby zegny. mba hidaohan'ny famarignan'ny filazantsara aminarô. ⁶ Fa irô niheverigny ho managna lanja ( na ino na ino irô tsy mampangnino zaho, ndRagnahary tsy miangatra) _ ambarako, irô, izaigny heverigny ho managna lanja tsy nagnampy na ino na ino taminaka. ⁷ Mifanohitry amin'ny zegny, hitandrô fa nagnakigniny filazantsara ho ny drô zaigny tsy voavositry zaho, kara nagnakingnany i Petera filazantsara ho ny drô zaigny voa vositry. ⁸ Fa dRagnahary, araiky niasa tamin'i Petera ho amin'ny maha -apostoly ho ny drô zaigny voa vositry, niasa tagnaty naka koa ny drô Jentilisa. ⁹ I Jakoba, Kefasy, draiky Jaona, zaigny aihy fa agnisan-drô nagnorigny eglise, koa fa nahay fahasoavagna zaigny namiagna zaho, namiany tagnana ankavanagna fiaraovany ny naka draiky Barabasy irô. nataon-drô izegny mba hahafahanay mandeha amin'ny Jentilisa, draiky mbz ahafan-drô mandeha aminarô izaigny voa vositry. ¹⁰ Nangataka fo irô mba hahatsiaro mahanatra zahay, izaigny tegna tiako atao. ¹¹ Koa fa navy Antioka I Kefasy, ny contre izy tamin'ny saora nany zaho satria voa volagna fa diso izy. ¹² Talohan'ny nahavian-drô lelahy sasany avy baka amin'ny Jakoba, tio tampinanagna niaraka tamin-drô Jentilisa i Kefasy. Koa fa avy irô lelahy rô, nijanogno izy draiky niala lavitry irô Jentilisa. Navozo irô zahay nitaky famosiragna izy. ¹³ Sasany tamin'ny Jiosy koa niaraka tamin'ny zegny fiatsaram-belatsihin-drô. Na i Barabasy koa aza voavily lalagna niaraka tamin-dro tamin`ny fiatsaram-belatsihy ndro. ¹⁴ Koa fa hitako fa tsy magnaraka fahamarigniny filazantsara fitondran-tegnan-drô, nivolagna tamin'i Kefasy tio aloan-drô jiaby hoe: " Koa Jiosy anao kanefa miaigny kara Jentilisa fa tsy kara Jiosy, karakory ahafanarô manery irô Jentilisa hiaigny kara Jiosy?" ¹⁵ Atsika Jiosy baka tamin'ny fahatiragna fa tsy mpanota Jentilisa; ¹⁶ aihy tsika fa tsisy olo hamarignin'ny asan'ny lalàgna fa baka amin'ny finoagana i Jesosy Kristy mba hamarignana amin'ny finoagna i Kristy fa tsy amin'ny asan'ny lalàgna. Fa tsisy nofotro ho hamarigniny amin'ny asan'ny lalàgna. ¹⁷ Rahotra ka, mitady ho hamarigniny amin'i Kristy atsika, atsika fo ka, hita fa mpanota, mety ampirisiky fahotagna i Kristy? Tsy marigny! ¹⁸ Fa koa manangana draiky irô raha èfa niravako taloha, magnaporofo taignako ho mpandika lalàgna zaho. ¹⁹ Fa tamin'ny lalàgna nahafataisako amin'ny lalàgna, mbo ho velogno ho an-dRagnahary zaho. ²⁰ Nifantsigny niaraka tamin'i Kristy zaho. Tsy zaho eky velogno, fa i Kristy velogno ato agnatoko. Fiainagna iaignako ara-nôfo amin' izioty, iaignako amin'ny finoagn-Janakan-dRagnahary, izegny tia zaho ndraiky nagnamia tegnanazy zaho. ²¹ Tsy magniliky fahasoavan-dRagnaharyk zaho, fa koa azo baka amin'ny lalàgna fahamarignana, kay tsisy dikany nahafatesan'i Kristy!