¹ Tafarandreo raha ireo Jesosy da niseho tamindreo mpianatry indraiky teo ame ranomasin'i Tiberiasy. Toy izao gne fomba nisehoany: ² Simona Petera da niaraka tamin'i Tomasy izay angiana hoe Didymo, Natanaela avy any Kana agny Galilia, ireo zanak'i Zebedio, ary mpianatr'i Jesosy roa hafa. ³ Hoy Simona Petera tamindreo hoe:"handea hagnarato aho." ary hoy ireo taminy hoe:"izahay, koa, handeha hiaraky aminao." Ka lasa izy ireo ary na ino na ino indreo nandritry gne al8ina tontolo. ⁴ Ary, raha efa mangiran-dratsy sahady gne andro, da nijoro teo an-dranomasina Jesosy, fa tsy fatandreo mpianatriny hoe Jesosy io. ⁵ Ka hoy Jesosy tamindreo hoe:"ry tovolahy, tsy misy hoany anareo sa?" Namaly an'azy indreo hoe:" Tsia." ⁶ Hoy izy tamindreo hoe:"atsipazo eo ame sisiny ankavanan'gne sambo kidy gne haratonareo, da hahazo anareo." Ka da natsipindreo gne haraton-dreo ary tsy nahavita nampiakatry izany tao nohony hamarozany gne hazandrano. ⁷ Avy eo hoy ilay mpianatra izay tian'i Jesosy tamin'i Petera hoe:"gne tompo io." Rehefa ren'i Simona Petera fa gne tompo io, da nampiditry gne ambonin'ankajony izy(satria tsy nisiky izy), ka nitrebôky tao agnaty ranomasy. ⁸ Indreo mpianatra hafa nandea ame sambo kidy (satria indreo tsy lavitry gne tanety, teo ame roan-jato hakiho teo), ary nisito gne harato feno hazandrano. ⁹ Rehefa tafiakatry an-tanety indreo, da nahita afon'arina tegny ary hazandrano teo amboniny, miaraky ame mofo. ¹⁰ Hoy Jesosy tamindreo hoe:"mindesa hazandrano maromaro aminreo vao azonareo teo." ¹¹ Ary niakatry Simona Petera ka nisintona an-tanety gne harato, izay feno hazandrano zakabe; 153. Tena maro be, kanefa tsy tretry gne harato. ¹² Hoy Jesosy tamindreo hoe:" avia hihina maraindray."Tsy nisy tamindreo mpianatriny saha nagnotany an'azy hoe:"iha me anao?" Fatan-dreo fa gne tompo io. ¹³ Nagnotany Jesosy, nangala mofo, ary nagnome izany andreo, toy izany koa gne hazandrano. ¹⁴ Fagnitelony amin'io gne niboany Jesosy tamindreo mpianatriny tafarany nitsanganany tame maty. ¹⁵ Rehefa avy nihina ilay sakafo maraindray indreo, da hoy Jesosy tamin'i Simona Petera hoe:"Simona zank'i Jaona, tia anaha mihoatry noho ireo anao sa?" Hoy Petera tamin'azy hoe:"eka rô tompo, fatanao fa tia anao aho." Hoy Jesosy tamin'azy hoe:"fa nagnino ireo ondriko." ¹⁶ Nizaka tamin'azy indraiky izy hoe:"Simona zanak'i Jaona, tia anaha anao sa?" Hoy Petera tamin'azy hoe:"eka ro tompo, fatanao fa tia anao aho." Hoy Jesosy tamin'azy hoe:"karakaray gne ondriko." ¹⁷ Nizaka tamin'azy fagnitelony izy hoe:"Simona, zanak'i Jaona, tia anaha anao sa?" Da nalahelo Petera satria Jesosy nagnano intelo tamin'azy hoe:"tia anaha anao sa?" Ka hoy izy tamin'azy hoe:"tompo, anao gne mahafatatry gne raha aby, fatanao fa tia anao aho." Hoy Jesosy tamin'azy hoe:"fahano gne ondriko." ¹⁸ Zakaiko aminao, marina, da marina tokotry, fony mbola tanora anao, da zatry nampiditry irery gne akanjanano ary nandeha tamin'izay tianao, fa rehefa niha-antitry anao no hampisikina anao sy hinday anao amin'izay tianao andehana." ¹⁹ Ary Jesosy nizaka izany mba hahafatarana hoe ame karazana fahafatesana toy gne inona no hagnomezan'i Petera voninahitry an'Andriamanitra. Rehefa avy nizaka izany izy, da hoy izy tamin'i Petera hoe:"magnaraha anaha." ²⁰ Nitodika Petera ka nahita ilay mpianatry izay tian'i Jesosy nagnaraky an'azy indreo, ilay raiky izay niakina ampitan'i Jesosy evakoa tao ame fisakafoana ary nagnano hoe:"tompo, iza ilay raiky hamadika anao?" ²¹ Nahita azy Petera ary hoy izy avy eo tamin'i Jesosy hoe:"tompo, ino no ho ataon'io lelaha io?" ²² Hoy jesosy tamin'azy hoe:"raha tiako hipetraky izy mandra-piaviako, da midika ino izany aminao? Magnara anaha." ²³ Ka nipariataky teo amindreo mpirahalaha izany zaka izany, fa tsy ho faty io mpianatra io. Nefa Jesosy tsy nizaka tamin'i Petera fa tsy ho faty ilay mpinatra hafa, fa hoe:"raha tiako hipetraky izy mandra-pihaviako, da midika inona izany aminao?" ²⁴ Izy gne mpianatry izay nijoro vavolombelo momba ireo raha ireo, sy ilay nanoratry ireo raha ireo, ary fatantsika fa marina gne fagnambarany. ²⁵ Misy raha maro hafa koa izay namboarin'i Jesosy. Raha voasoratry tsiraikiraiky aby izany, da heveriko fa na da izao tontolo izao aza tsy ho omby gne boky izay ho soratana.