¹ Avekeo za naita lagnitra vaovao sy tany vaovao, fa fôgna ny lagnitra vôlôny sy tany vôlôny, ary tsisy tsony ny ranomasina. ² Hitako le tagnàna masina, Jerosalema vaovao, ze nidigna avy aigny an-dagnitra ary amin'Andriamanitra, vôomagna ôtran'ny ampakarina ampengoina ho an'ny vadiny. ³ Nahareigny feo mahery avy aigny amin'ny seza fendrianana za magnano hoe: "Indro! Akeo amin'ny ôla ny tôran'ny tabernakelin'Andriamanitra, ary hiaigna miaraka am-jareo izy. Ho ôla izy reo, ary Andriamanitra tegnany hiaraka am-jareo ary Izy ho Andriamanitr-jareo. ⁴ Hamafa ny ranomaso daôly amin'ny mason-jareo Izy, ary tsisy fafatesana tsony, na alaelo, na tomagny, na fanaintaignana. Efa lasa reo ra teo alô. ⁵ Le tokana ze nipetra takeo amin'ny seza fendrianana nitare hoe: "Indro! Natôko vaovao ny ra daôly." Ozy Izy: "Soraty zao satria reto teny reto de mahatoky sy marina." ⁶ Ozy Izy taminà hoe: "Efa vita reo ra reo! Za no Alfa sy Omega, le fendoana sy fefarana. Ze mangetaeta de hameko ho sotroina maimaim-pôgna avy amin'ny loharanon'ny fiaignana. ⁷ Ze mandresy de handova reo ra reo, ary Za no ho Andriamaniny, ary izy ho zanako. ⁸ Fa reo osa, tsy manam-pinona, maharikoriko, mpamono ôla, mpijangajanga, mpagnano ody, mpanompo sampy, sy mpandainga, de aigny amin'ny farihy mirehitr'afo solifara no toeran-jareo. Zany no fafatesana faharo." ⁹ Nagnatogna anà ny raika tam-reo anjely fito, le tokana ze nanagna an'reo vilia fito feno reo loza fito farany, ary ozy izy hoe: "Avia ety. Ho abôgnako an'nao le ampakarina, le vadin'ny Zanak'ondry." ¹⁰ Avy akeo de ndesiny tamin'ny Fagna taigny amin'ny tanety ambo za ary nabôgna anà le Jerosalema tanàna masina midina avy aigny an-dagnitra avy amin'Andriamanitra. ¹¹ Nanagna ny voninahitr'Andriamanitra i Jerosalema, ary ny famirapiratany de ôtran'ny vato soa sarobidy, ôtran'ny vato kristalina jaspy madio. ¹² Nanagna rindrina avo gedabe niaraka tamin'ny vavahady rombefolo zany, niaraka tamin'ny anjely rombefolo takeo am-reo vavahady. Takeo am-reo vavahady no vôsoratra ny agnaran-reo foko rombefolon'ny zanak'Israely. ¹³ Nisy vavahady telo antsinanana, vavahady telo takeo avaratra, vavahady telo takeo atsimo, ary vavahady telo takeo andrefana. ¹⁴ Nanagna fototra rombefolo ny rindrin-le tanàna, ary takeo am-reo no nisy reo agnarana rombefolon'ny apostolin'ny Zanak'ondry. ¹⁵ Le raika ze niresaka taminà de nanagna fandrefesana volotara vita tamin'ny volamena mba handrefesana ny tanàna, reo vavahadiny, ary ny rindrigny. ¹⁶ Miendrika efa-joro le tanàna; mitovy ny lavany sy ny sakany. Nandrefy ny tanàna tam-le fandrefesana volotara izy, rôrivo stadio ny halavany (mitovy ny alavany, sakany, ary hambony). ¹⁷ Nandrefy ny rindrign-zany kô izy, 114hakiho raha refin'ny ôla (zay refin'ny anjely ihany kô). ¹⁸ Vita tamin'ny jaspy le rindrigna ary tamin'ny volamena tsisy fangarony, salan'ny fitaratra madio. ¹⁹ Ny fototr-le rindrigna de vôravaka tam-reo karazagna vato sarobidy daôly. Ny vôlôny de jaspy, ny faharôy safira, ny fahatelo kalkedona, ny fahefatra emeralda, ²⁰ ny fahadimy sardoniksa, ny fahenina karneola, ny fahafito krysolita, ny fahavalo beryle, ny fahasivy topaza, ny fahafolo krysopraso, ny faha raika ambefolo jacinta, ny faha rombefolo ametysta. ²¹ Ny vavahady rombefolo de vato soa rombefolo; ny tsirairay am-reo vavahady de vita tamin'ny vato soa raika. Reo lalam-be takeo an-tanàna de volamena tsy misy fangarony, ôtran'ny fitaratra mangarahara. ²² Tsy naita tempoly takao amin'ny tanàna za, satria Tompo Andriamanitra Tsitoha sy ny Zanak'ondry no tempoliny. ²³ Ny tanàna de tsy nila masoandro na volana mba hamirapiratra am-zany satria ny voninahitr'Andriamanitra de namirapiratra tam-zany, ary ny Zanak'ondry no jiron-zany. ²⁴ Hande amin'ny fazavan-zany tanàna zany reo firenena. Reo mpanjakan'ny tany de hitondra ny fatsaran-jareo ho akao am-zany. (Fagnamarihana: Ny antontan-taratasy talô sasagny de mivaky hoe: "Reo firenena ze vôvonjy de hande amin'ny fazavan-zany tanàna zany.") ²⁵ Tsy hidy reo vavahadin-zany mandritry ny andro, ary tsisy aligna akaigny. ²⁶ Hitondra ny fahatsarana sy ny hajan-reo firenena akao am-zany zareo, ²⁷ ary tsisy maloto hiditra akao am-zany miitsy. Tsisy na iza na iza hagnano ra mamenatra na mamitaka hiditra akao, fa reo zay vôsorata agnarana akao amin'ny Bokin'ny Zanak'ondrin'ny fiaignana ihany.