¹ Ary roa andro mialô ny paka finanana ny mofo tsisy masirasira tamin'izany.Nikaraka fomba hisamborana an'i Jesosy antsokotsoko reo lôhan'ny mpisorogna sy ny mpanoradalana , mbô hamonoany Anazy avekeo. ² '' Fa ozy zareo hoe: Alay tsy amin'andro fety, mbo tsy hampikotaba ny ôla.'' ³ Ra taigny Betania tao andragnon'i Simona boka Jesosy, ra nipetraka takeo an-datatra Izy, de nisy vevavy raika nagnatogna Anazy nitondra tavoangy alabastara misy meneka lafo vidy ,ze narda tsisy fangarony nivakiny le tavoangy ⁴ de nahosony teo amin'ny lôny zany. Nasosy ny ôla sasagny nefa zany. Nifampiresaka zareo ka nagnano hoe:'' Ino dikan'izao mandrobaroba zao? ⁵ Io menaka magnitra io manjary amidy miôtra ny denaria telonjato, ary amena ny mahatra.''De niteny an'ilay vevavy zareo avy akeo. ⁶ Nefa ozy Jesosy hoe:'' Avilao izy nagnino anareo no magnano ze mampalaelo anazy? Ra tsara no nataony tamina. ⁷ Ny mahantra aminareo akeo fogna, ary afaka magnano soa anazy fogna anareo na amin'ny ino na amin'ny fotoana ino, fa Za kosa tsy hipetraka aketo aminareo aketo fogna. ⁸ Nagnano ze azony natao izy nagnositra ny tegnako ho amin'ny fandivegnana izy, ⁹ Lazaiko marina aminareo, na aiza na aiza hitoriana ny filazantsara magnerana ny tany, de ho tinenina ny nataon'ity vevavy ity, mbo ho fahatsiarovana anazy. ¹⁰ Avy akeo Jodasy Isakariota raika tamin'jareo roambefolo la, lasana nakaigny amin'ireo lôn'ny mpisorogna afany manolotra Anazy amin'izy ireo. ¹¹ Rafa naregny ani'izany reo lôn'ny mpisorogna, de faly zareo ka nampagnatena hagnome vola anazy. De nanomboka nikaraka irika hanolorana Anazy amin'jareo izy ¹⁴ Tamin'ny andro vôlôny finanana ny mofo tsisy masirasira,raha nagnano sorogna ny andron'ny Paka zareo,de ozy ireo mpianany taminazy hoe: Aiza no tenao andiananay hagnamboara ahanina, mbo hinananao sakafon'ny Paka? ¹³ De nagninaka rôy tamin'ireo mpiananay Izy ka nitare taminjareo hoe: '' Mandiana akaigny an-tanana ary hisy mitondra siny feno rano hifanena aminareo. Magnarā anazy. ¹² Ze tragno idirany , magnara anazy de tineno ny tonpon'izany tragno zany hoe: Ozy ny mpampianatra hoe; '' Aiza ny efitragno fandraisam-bahiny afako miaraka minana ny Paka amin'ireo moianantro?'' ¹⁵ Atorony anareo efitragno geda agnambon-drena misy fanaka ze efa vognona tsara izy. Akao no ataovo ny fagnomagnana daôly ho antsika. ¹⁶ De lasana ny mpianatra ary namonjy tanãna hitanjareo araka ze efa nolazainy taminjareo ny ra daôly, De nagnomana ny sakafon'ny Paka zareo. ¹⁷ Rafa hariva ny andro, de tonga niaraka tamin'ireo rombefolo la Izy, ¹⁸ Rafa nipetraka takeo amin'ny latabatra sy ninana zareo, de ozy Jesôsy hoe: Lazaiko marina aminareo , fa ny raika aminareo ze miaraka minana Amina aketo de hamadika Ana. ¹⁹ Nalaelo mafy zareo daôly, ka nitare taminazy tsiraikaraika hoe: Tsy za mintsy zany!. ²⁰ Jesôsy namaly ka nitare anazy reo hoe: Ny raika aminareo rombefolo la zany, le miara-mangnatsoboka mofo Amina, agnaty kapôka izao.'' ²¹ Fa ny Zanak'ôla de ande amin'ny lãlana ze efa vôlazan'ny Soratra Masina momba Anazy. Fa loza kosa ho an'ze leila ze hamadika ny Zanak'ôla. Tsara ho anazy ra tsy teraka izy. ²² Ra mbôla takeo ampinanana zareo, de niaka mofo i Jesôsy, de nisaotra ary nizarazara an'zany nameny anazy reo zany sady nagnano hoe: '' Raiso, ty ny tegnako. ²³ De niaka ny kapôka Izy de nisaotra ary nagnome an'zany anjareo, de nisotro tamin'zany zareo daôly. ²⁴ De ozy Izy tamin'jareo: Ty ny ran'ny fanekem-piavanako, ra alatsaka ho an'ny maro. ²⁵ Lazaiko marigna aminareo, tsy hisotro ty vôkatra vôloboka ty mitsy Za mandra-patongavan'ny andro ze hisotroko an'zany ndre aigny amin'ny fanjakan'Andriamanitra'' ²⁶ Rafa avy nihira fiderana zareo de nande taigny an-tanety Oliva, ²⁷ Ozy Jesôsy tamin'jareo hoe: ''Hilefa Ana daôly nareo fa vôsoratra hoe: Hamely ny mpiambina ondry Za ary hiparitaka ny ondry. ²⁸ Fa rafa avy hitsangana ami'ny maty Za de hialô lãlana anareo hankao Galilia. ²⁹ De ozy Petera taminazy hoe: '' Na de hiala avokoa aza ny daôly, za tsy mbô hiala. ³⁰ Ozy Jesôsy taminazy hoe: ''Lazaiko marina aminao, fa gniany alina, ra mbôla tsy magneno indrõy ny akoho de efa handã Ana in-telo anao.'' ³¹ Fa ozy Petera hoe: ''Na tsy maintsy hiara ho foaty Aminao aza za de tsy mbô hiala Aminao. De samy nampagnantegna ôtranzany daôly zareo daôly. ³² Ary tonga taigny amin'ny tôrana atao hoe: Getsemane zareo, de ozy Jesôsy tam'reo mpianany hoe: '' Mipetrã aketo ra mbôla mivavaka Za. ³³ De nitondra an'i Petera,sy Jakoba, ary Joana niaraka taminazy Izy, ary nanomboka nalaelo sady ory tanteraka. ³⁴ De ozy Izy tamin'jareo hoe: ''Fadiranovagna lôtra ny Fanahiko, ôtran'ny efa ho foaty. Mipetrã akeo ka miambena ³⁵ Nagnalavitra kely Jesôsy, niankotra tamin'ny tany, de nivavaka Izy mbô ra azo atao. hialaAminazy zany ora zany. ³⁶ Ozy Izy hoe: '' Aba Ray ô, ny ra daôly hainao atao,alao Amina ty kapôka ty .Nefa ôka tsy ny sitrapoko no atao fa ny An'nao. ³⁷ Niverigna Izy de nahita anazy reo nandry, ka ozy Izy tamin'i Petera: ''Simona, mandry ma anao? Tsy navita niambina adiny raika ma anao? ³⁸ Membesa de mivavã mbô tsy hidiranareo amin'ny fakam-panahy. Ny fanahy mety mavitrika ihany fa ny nofo no mavozo. ³⁹ De lasana ndre Izy nikisaka kely ary nivavaka, ary de namerigna niteny nataony talô iany. ⁴⁰ NIverigna ndre Izy de natazagna anjareo nandry, fa navesatry ny torimaso ny masonjareo ary tsy hitanjareo ze nitineniny taminazy. ⁴¹ Nagnatogna fanintelony Izy de niteny anjareo hoe: '' Mbôla mandry sy maka aigna ma anareo? Ampy zay fa tonga ny fotoana. Zahao! Indry ny Zanak'Ôla hatolotra akeo an-tagnan'ny mpanota. ⁴² Mitsangàna; andà hande tsika, Zahao, ankeky le hamadika Anà. ⁴³ Ary ra mbôla takeo am-pitinenanana Izy, de tonga Jodasy, raika amin'ireo rombefolo lã, niaraka tamin'ôla betsaka ze milanja sabô sy kakazo lava avy tamin'ireo lôn'ny mpisorogna, ny mpanora-dalãna,ary ny loôla. ⁴⁴ Ary le mpamadika Anazy nagnome famantarana an'jareo, Niteny hoe: '' Ze horofoko,Izy le Izy. Samboro Izy de ambeso. ⁴⁵ Rafa tonga Jodasy de nagnatona an'i Jesôsy avy hatraigny sady niteny hoe: '' Raby; ary nagnoroka Anazy izy . ⁴⁶ Avy takeo de nosamborinjareo Jesôsy. ⁴⁷ Fa nisy raika taminjareo nitsangana takeo namôka sabatra ary namely le mpanompon'ny mpisorognabe ka nagnala ny sofigny. ⁴⁸ Ozy Jesôsy taminjareo hoe:'' Avy hisambotra Anã ôtran'ny hisambotra jiolahy,miaraka amin'ny sabatra sy kakazo lava ma anareo?'' ⁴⁹ Tamina taminareo takeo isan'andro nmpiantra takeo amin'ny tempoly, tsy samborinareo. Fa natao zao mbô hatanteraka ny Soratra Masina. ⁵⁰ De niala Anazy daôly reo niaraka tamin'i Jesôsy ary nilefa. ⁵¹ Ary nisy gaogna raika, tsy nitafy afa-tsy lamba hariry foagna, Nagnaraka an'i Jesôsy, Rafa nosamborin'ôla izy ⁵² de napetrany takeo ny lambany de lasana nilefa nipalapala izy. ⁵³ Nindesinjareo taigny amin'ny mpisorognabe jesôsy. Niara-nitangorona taminazy takeo daôly ny mpisorogna sy ny loôla ary reo mpanora-dalãna. ⁵⁴ Ary Petera nagnaraka Anazy avy takaigny alavidavitra takaigny, hatraigny an-kotanin'ny mpisorognabe. Nipetraka teo amin'ireo mpiambina izy, ze namindro teo ankekin'ny afo. ⁵⁵ Ary reo lôan'ny mpisorogna sy ny Synedrion Jiosy de nikaraka vavolombelona manoitra an'i Jesôsy mbô hafan'jareo mamono Anazy, ho foaty, nefa tsy nahita zareo. ⁵⁶ Fa betsaka ny niampanga lainga Anazy,nefa na ny fempangan'zareo aza tsy mitombigna avy. ⁵⁷ Ary nisy ôla sasany nitsangana ka nempanga lainga Anazy; de ozy zareo hoe: ⁵⁸ ''Regninay Izy niteny hoe: 'Arobako ty Tempoly nataon-tãgnana ty ary agnatin'ny telo andro Za de hanangana raika hafa tsy nataon-tagnana. ⁵⁹ Fa mbôla tsy nifagnaraka fogna ny fiam-pangan'jareo. ⁶⁰ Ary ny mpisorogna be nitsangana takeo amin'jareo de nagnontany an'i Jesôsy hoe: '' Tsisy lazaina ma Anao? Ino zany iampangan'ireto ôla reto An'nao zany. ⁶¹ Fa nangigna Izy sady tsy namaly na ino na ino. De mbôla nagnontany Anazy ndre ny mpisorognabe ka nagnano hoe: '' Ano ma no Kristy Zanak'Andriamanitra?'' ⁶² De ozy Jesôsy hoe: '' Zã no Izy,ary ho hitanareo ny Zanak'Ôla rafa mpietraka akeo an-tagnana an-kavanan'ny herin'Andriamanitra sy ny avy akaigny amin'ny rôndron'ny lanitra.'' ⁶³ Ary ny mpisorognabe nandrovitra ny fitafeny sady nagnano hoe: ''Mbôla mila vavolombela kô ma tsika?. ⁶⁴ Fa regninareo ny tegny ratsiny. Ino fanapa-kevitrareo? Zareo daôly de samby nagnameloka Anazy ôtran'ny ôla tokony melona ho foaty. ⁶⁵ Ny sasany nanomboka nandrora Anazy ary nanarogna ny tareny ka namely Anazy sy nagnano taminazy hoe: '' Maminania'' Ary reo manam-boninahitra niaka Anazy ka nidaroka Anazy. ⁶⁶ Ary ra takeo am-pidignana takeo an-kianja takeo Petera de nagnatona Anazy ny raika tam'reo gaom-bavin'ny mpisorognabe . ⁶⁷ Natazagna an'i Petera nitsangana namindro takeo amin'ny afo izy, de nidininy ankeky, de ozy izy taminazy hoe: '' Anao kô niaraka tamin'i Jesôsy le Nazarena . ⁶⁸ Fa izy nandà an'zany nagnano hoe: ''tsy fantatro ary tsy haiko ze tineninareo. Avekeo lasa niala ny kianja izy. [Fagnamarinana: reo fandikana sasany nagnampy hoe: ''De nagneno ny akoho,'' fa reo fandikana talô tsara indrindra de tsisy an'io teny io.] ⁶⁹ Fa le gaom-bavy takeo natazana ananjy de nanomboka niteny tamin'ireo olona nitsangana nagnodidigna ndre hoe: ''Io leila io de raika tamin'izy reny. ⁷⁰ Fa mbola namaly anzany ndre izy kelikely avy takeo de ozy reo nitsangana takeo amin'i Petera hoe: '' Raika min'jareo mintsy enao, satria anao kô de Galiliana.'' ⁷¹ Fa nanomboka nagnozon-tegna sy nianiana izy hoe: '' Tsy haiko izany leila lazainareo zany.'' ⁷² Ary niaraka tamizay de nagneno fagnin-droiny ny ako. Avekeo de natadidy ny tenin'i Jesôsy taminazy Petera hoe:'' Ra mbôla tsy magneno fanindroiny ny ako de handã Ana in-telo anao,'' De nalahelo mafy izy sady nitomany.