¹ Tafaran'io raha io i Jesosy da nibôky tamireo mpianatry indraiky teo ame ranomasign'i Tiberiasy. Akô izao gne fomba niboahany : ² Simona Petera da niaraky tamin'i Tomasy izay antsovagny hoe Didymo, Natanaela avy agny Kana agny Galilia, gne zanak'i Zebedio, da gne mpianatr'i Jesosy roy hafa. ³ Hoy i Simona Petera tamindreohoe: "Handeha hagnarato iao." Da hoy indreo tamin'azy hoe : "Iay, koa, handeha hagnaraky anao." Da lasa indreo sady niditry tao an-dakagny raiky, fa tsy nahazo ndre ino ndre ino indreo nandritry gn'aligny. Sady, raha efa mangirandratsy sahady gn'andro, da nitsangagny teo an-dranomasigny Jesosy, fa tsy lalan'e mpianatry hoe i Jesosy io. ⁵ Da hoy i Jesosy tamindreo hoe : "E Koraolà, tsy manakoanigny me anareo?" Namaly an'Azy indreo hoe: "tsisy." ⁶ Hoy izy tamindreo hoe: "Atsipazo eo ame sisiny ankavanan'e lakagny gne haratonareo, da hahazo anareo." Da natsipindreo gne haratondreo sady tsy nahavita nampiakatry an'izany tao nohon'e hamaroan'e laoky andrano . ⁷ Avy eo hoy e mpianatry izay tian'i Jesosy tamin'i Petera hoe: "Gne Tompo io." Refa regnin'i Simona Petera fa gne Tompo io, da nampiditry gn'ambonin'e lambany izy(satria tsy nisikigny izy), da nitsambikigny tagnatin'e ranomasigny. ⁸ Gne mpianatry hafa niditry an-dakagny(satria indreo tsy lavitry gne tanàgny, teo amin'e roan-jato hakiho teo), sady nisintogny gne harato feno laoky an-drano. ⁹ Refa tafakatry an-tanàgny indreo, da nahita afo foroagny tegny sady laoky an-drano teo amboniny, miaraky ame mofo. ¹⁰ Hoy Jesosy tamindreo hoe: "Mindesa laoky an-drano maromaro ame vao azonareo teo." ¹¹ Da niakatry Simona Petera sady nisintogny ambohitry gne harato , izay feno laoky an-drano zakabe;153. Tena maro be, kanefa tsy rivatry gne harato. ¹² Hoy Jesosy tamindreo hoe: "Avia hinagny mandraigny." Tsy nisy tamindreo mpianatry nasàky nagnotany an'Azy hoe: "Ia me Anao? " Lalandreo fa gne Tompo io. ¹³ Nagnatogny Jesosy, nangalaky gne mofo, sady nagnome an'izany andreo, akô izany koa gne laoky andrano. ¹⁴ Fagnitelony amin'io gne niboahan'i Jesosy tame mpianatry tafaran'e nitsanganany tame . ¹⁵ Refa avy ninagny e hanigny mandraigny indreo, da hoy i Jesosy tamin'i Simona Petera hoe: "Simona zanak'i Jaona, tia Anà mihôtry andreo me anao?" Hoy i Petera tamin'Azy hoe: "Eka rô Tompo, lalanao fa tia Anao iao." Hoy i Jesosy tamin'azy hoe: "Fahano gne ondriko." ¹⁶ Nizaka tamin'azy fagnindroany indraiky Izy hoe: "Simona zanak'i Jaona , tia Anà me anao?" Hoy i Petera tamin'Azy: "Eka rô Tompo , lalanao fa tiako Anao." Hoy i Jesosy tamin'azy hoe: "Karakaray gn'ondriko." ¹⁷ Nizaka tamin'azy fagnitelony Izy hoe: "Simona, zanak'i Jaona, tia Anà me anao?" Da nalahelo i Petera satria jesosy nagnano intelo tamin'azy hoe: "Tia Anà me anao?" Da hoy izy tamin'azy hoe: "Tompo, Anao mahalala gne raha agnaby ,lalanao fa tiako Anao." Hoy i Jesosy tamin'azy hoe: "Fahano gn'ondriko." ¹⁸ Zakaiko aminao marigny da marigny tokôtry, Tame anao mbola tanora, da zatry nampiditry raiky gne lambanao sady nandeha tamizay tianao, fa refa ne-antitry anao, da hagnatatry gne tagnanao, sady olo-kafa gn'ampisikigny anao izy ame hinday anao amizay tsy tianao andehanagny." ¹⁹ Sady Jesosy nizaka an'izany mba hahalalagny hoe ame karazagny fahafatesagny akô ino gne hagnomezan'i Petera voninahitry an'Andriamanitry. Refa avy nizaka an'izany Izy, da hoy Izy tamin'i Petera hoe: "Magnaraha Anà." ²⁰ Nitodiky Petera da nahita e mpianatry izay tian'i Jesosy nagnaraky andreo, e raiky izay niakigny agnilan'i Jesosy avakoa da tao ame fihinanagny sady nagnano hoe: "Tompo, iza e raiky hamadiky Anao?" ²¹ Nahita an'azy petera da hoy izy avy eo tamin'i Jesosy hoe: "Tompo, ino gne ho anin'io lela io?" ²² Hoy i Jesosy tamin'azy hoe: "Raha tiako hipetraky izy mandra- peviako, da midika ino aminao izany? Magnaraha Anà." ²³ Da niparitaky teo ame mpirahala izany zaka izany, fa tsy ho faty io mpianatry io. Nefa i Jesosy tsy nizaka tamin'i Petera fa tsy ho faty e mpianatry hafa, fa hoe: "Raha tiako hipetraky izy mandra-peviako , da midika ino aminao izany?" ²⁴ Izy e mpianatry izay nijoro vavolombelogny momba io raha io , izy ame e nanoratry io raha io , ary lalatsika fa marigny gne fagnambarany. ²⁵ Misy raha maro hafa koa izay namboarin'i Jesosy. Raha voasoratry tsiraidraiky aby izany, da heveriko fa ndre da izao tontolo izao aza tsy homby gne boky izay ho soratagny.