¹ Avy eo nentin'i Pilato Jesosy da novangoiny. ² Nandrary satroky fantsy gne miaramila. Napetrakindreo tame lohan'i Jesosy izany sady nampisikigny lamba voloparasy an'Azy indreo. ³ Nagnotany an'Azy indreo sady nizaka hoe: "Arabaigny , ro mpanjakan'e Jiosy!" sady namango an'Azy indreo. ⁴ Avy eo nijotso indraiky Pilato da nizaka tamindreo hoe: "Indro, indesiko aminareo eto ambadiky Izy hahalalanareo fa tsy mahita heloky amin'Azy iao. ⁵ Da nijotso i Jesosy, nagnisy e feloha fantsy izy ame lamba voloparasy. Hoy i Pilato tamindreo: "Indro, ity e lelà!" ⁶ Refa hitan'e lohan'e mpisorogny izy ame manamboninahitry i Jesosy, da nikoiky mafy indreo da nizaka hoe: "Fantsio Izy, fantsio Izy!" Da hoy i Pilato tamindreo hoe: "Alainareo Izy da fantsio agny, fa iao tsy mahita heloky amin'Azy." ⁷ Namaly an'azy e Jiosy hoe: "Managny lalagny atsika, sady arak'e lalagny da tokony ho faty Izy satria mitogno tegna ho Zanak'Andriamanitry." ⁸ Refa regnin'i Pilato izany fagnambaragny izany, da nianatahotry izy ⁹ sady niditry tao ame lapam-panjakagny indraiky izy da nizaka tamin'i Jesosy hoe: "Avy aia gne fiavianao?" Kanefa tsy nagnome valiny an'azy i Jesosy. ¹⁰ Avy eo Pilato nizaka tamin'Azy hoe: "Tsy managny ambara aminà izany anao? Tsy lalanao me fa managny fahefagny hagnafaky Anao iao, sady fahefagny hantsiky Anao?" ¹¹ Namaly an'azy Jesosy hoe: "Tsy managny fahefagny aminà anao raha tsy nomegny anao avy agny ambony izany. Noho izany, izay nanoltry Anà taminao da managny heloky tena zakabe." ¹² Tamizany valin'e zaka izany, da niezaky gne hagnafaky an"Azy Pilato, ga nikoiky mafy gne Jiosy, nagnano hoe: "Raha afahanao io lela io, da tsynaman'i Kaisara anao. Izay olo agnaby magnano gne tegnany ho mpanjaka da manohitry an'i Kaisara. ¹³ Refa regnin'i Pilato io zaka io da nentiny nijotsoJesosy sady napetrakiny tame seza fitsaragny izay antsovagny hoe:"lampivato", fa ame zaka hebreo da hoe "Gabata." ¹⁴ Sady avy gn'andro fagnoamagnagny gne paska, teo ame lera faha enina teo. Hoy Pilato tame Jiosy hoe: "Indro ity gne mpanajakanareo!" ¹⁵ Nikoiky mafy indreo hoe: "Apetrao Izy, apetrao Izy, Fantsio Izy!" Hoy Pilato tamindreo hoe: "Tokony hamantsiky gne mpanjakanareo izany iao?" Namaly gne lohan'e mpisorogny hoe: "Tsy managny mpanjaka hafa tsy i Kaisara iay. ¹⁶ Avy eo da natolotr'i Pilato andreo ho fantsiagny i Jesosy. ¹⁷ Avy eo nalaindreo Jesosy, sady nandeha nijotso izy, nibata gne hazo fijaliagny, ho agny ame toeragny antsovagny hoe "toeran'e karandoha,"izay antsovagny ame hebreo hoe "Golgota." ¹⁸ Nofantsindreo tagny Jesosy, sady nisy lelà roy hafa niaraky tamin'Azy, raiky isak'e ilany , da i jesosy gne t'ategnategnany. ¹⁹ Nanoratry famantaragny avakoa i Pilato da nametraky an'izany tame hajo fijaliagny. Izao gne vosorstry teo : JESOSY LAT'A NAZARETA, E MPANJAKAN'E JIOSY. ²⁰ Maro tamindreo jiosy gne namaky an'izany famantaragny izany satria tsy lavitry gne tanagny gne misy gne toeragny namatsiagny an'i Jesosy. E famantaragny da nosoratagny tame Hebreo, Latina, da Grika . ²¹ Avy eo hoy gne lohan'e mpisorogn'e Jiosy tamin'i Pilato hoe: "Ka soratagny hoe : "Mpanjakan'e Jiosy , fa aleo hoe: 'ity raiky ity da nizaka hoe: "Iao gne mpanjakan'e Jiosy."''" ²² Da namaly i Pilato hoe: "Izay voasoratriko da voasoratriko." ²³ Refa nofantsian'e miaramila Jesosy, da nendahandreo gne lambany, da nozaraindreo efatry, da samby managny raiky agnaby indreo, sady e gn'akanjo avakoa. Sady tsisy rirany e gn'akanjo, fa jaitry raiky avao. Avy eo nikoragny indreo hoe: "Aleo tsy trivatitsika ²⁴ ity, fa aleo agnamboaragny loka ahitagny gne mahazo an'azy." Niboky izany mba hahatanteraky gne vozakan'e soratry masigny izay mizaka hoe: " Nifampizarandreo gne lambako sady nagnamboarandreo loka gne fitafiako." Izany gne nataon'e miaramila. ²⁵ Sady nitsangagny takaikin'e hajo fijalian'i Jesosy gne reniny, gne ravavindreniny, Maria vadin'i Klopa, sady Maria Magdalena. ²⁶ Refa nahita gne reniny izy ame pianatry izay tiany nitsangagny takaiky teo Jesosy, da nizaka tamin'endriny Izy hoe: "Raviavy indro, gne zanakao lahy!" ²⁷ Avy eo hoy Izy tama pianatry hoe: "Indro, gne reninareo!" Sady tamizany lera izany da nalain'e mpianatryho agny amin'azy izy. ²⁸ Tafaran'izany, refa nahafantatry fa vita gne raha agnaby da mba ho tanteraky gne soratry masigny, da hoy Jesosy hoe: "Te hinondrano iao." ²⁹ Sady nisy tavoara feno divay masigny nipetraky teo amin'io toeragny io,da nsiandreo divay masigny gne eponjy da notohizany tame hysopa sady napetapetany tame vavan. ³⁰ Refa ninagny e vinegra Jesosy da hoy Izy hoe: "Efa vita." Nohondrikiny gne lohanysady niala gne fagnahiny. ³¹ Satria andron'e fihomanagny tamizany, da mba tsy hijanogny eo ame hazofijaliagny mandritry gne sabata (Satria gne sabata da andro manan-daja manokagny) gne faty, da nangataky tamin'i Pilato e jiosy aveo, gne mba hanapahagny gne tpmbokindreo sady hangalagny andreo. ³² Avy eo nagnatogny gne miaramila da nanapaky gne tombok'e lela voalohany izy ame lela faharoy izay nofantsiagny niaraky tamin'i Jesosy. ³³ Refa nagnatogny an'i Jesosy indreo, da nahita f'efa maty Izy, da tsy notapahindreo gne tombokiny. ³⁴ Kanefa, nisy miaramila raiky nanindrogny gne vavoninytame lefogny, sady tonga da nisy ra da rano niraraky. ³⁵ E raiky izay nahita izany da nijoro vavolombelogny, sady marigny gne fagnambarany. Fantatry fa marigny izay nozakainy mba hinoanareo avakoa. ³⁶ Fa io raha agnaby io gne niboky mba ahatanteraky gne soratry masigny hoe: "Tsy hisy ho tapaky ndre da raiky ame tolagniny aza". ³⁷ Sady mbola, misy soratry masigny hafa mizaka ho: "Indreo da hagnety an'Azy izay nolefognindreo." ³⁸ Tafaran'io raha io, Josefa lat'agny Arimatia, hatram'e naha -pianatr'i Jesosy an'azy( fa tao ame mangingigny nohon'e fatahoragny gne Jiosy), nagnotany an'i Pilato raha afaky mangalaky gne vatan'i Jesosy izy.Nomen'i Pilato alalagny izy. Da avy Josefa sady nangala gne vatany. ³⁹ Avy tagny avakoa Nikedemosy, izy izay avy voalohany hagnety an'i Jesosy gne harivan'igny. Sady ninday menaky magnitry da vahogny izy, teo ame zato litatry teo gne fatrany ⁴⁰ Da nalaindreo gne vatan'i Jesosy sady namosogny an'izany tame lambam-paty da raha magnitry. arak'e fomba fandevenagny Jiosy. ⁴¹ Sady teo ame toeragny namatsiagny an'Azy da nisy saha ; sady teo ame saha nisy kobory vaovao izay mbola tsy nandevegnan'olo. ⁴² Satria andron'e fiomagnan'e Jiosy tamizany sady satria akaiky gne kobory, da nalevindreo tao Jesosy.