¹ raika tamin'ny anjely fito zegny nitàna ny kopy volamena fito nagnatogna sady nizaka taminaha hoe: " Malaky, ho atoroko anao ny sazin'ny mpijangajanga be zay mipetraka ambony rano. ² Niaraka tamin'azy nampijangajanga an'ny mpanjakan'ny tany. Ny divaignan'ny fijangajangana no mahamamo ny mponinan'ny tany. ³ Avy eo ny anjely nitondra anaha tamin'ny Fagnahy tany amin'ny karakaraina, de nahita viavy nipetraka tambony bibi-dia de managna loha fito mban'ny tandroka folo. ⁴ Ny viavy de nekanjo voloparasy de mena sady vôravaka volamena, vato sarobidy, sady vato soa. Izy de nitàna tamin'ny tagnany kapoaka volamena feno ny raha mampadikidiky mban'ny tsy fahadiovan'ny fijangajangany. ⁵ Tamin'ny handrignany no nisy agnarana managna dikany mivony vôsoratra hoe: "Babilôna be, ny renin'ny mpijangajanga mban'ny raha mampadikidikin'ny tany." ⁶ Nahita aho fa ny viavy de mamon'ny ràn'ny mpino mban'ny martiry ho an'ny Jesôsy. Ndreka nahita an'azy aho, de tena gaga. ⁷ Fa ny anjely nizaka taminaha hoe: "Magnino na gaga anao? Hazavaiko anao ny dikan'ny viavy mban'ny bibidia zay mitondra an'azy, ny bibidia zay managna loha fito sy tandroka folo. ⁸ Ny bibi-dia zay hitanao de misy, fa tsisy amin'izao, fa andalam-piakarana avy agny amin'ny farany ambanin'ny lavaka tsy maso. Avy eo de miaigna ambony tany, ny zay tsy vôsoratra amin'ny Bokin'ny Fiaignana hatramin'ny namorognana an'izao tontolo izao ny agnarany- ho gaga iary zareo ndreka hahita fa ny bibi-dia de misy, fa tsisy koa amin'izao, fa andalam-pihaviana ⁹ Magnantso saigna zay manam-pahendrena zany. Ny loha fito de vohitra fito zay hipetrahan'ny viavy. ¹⁰ Izy io my koa de mpanjaka fito. Mpanjaka dimy no lavo, raika no misy, sady ny hafa de mbola tsy tonga; ndreka tonga izy, de fe-potôna bitaka my no hipetrahany ¹² Ny tandroka folo zay hitanao de mpanjaka folo zay mbola tsy nandray fanjakana, fa hahazo fahefana kara ny mpanjaka miaraka amin'ilay bibi-dia- mandritran'ny adiny raika iary zareo. ¹³ Feresan-tsaigna zany, sady iary zareo de hagnome ny hery mban'ny fahefan'iary zareo ny bibi-dia. ¹⁴ Hanangagn'ady manohitra ny Zanak'ondry iary zareo. Fa ny Zanak'ondry no handresy an'iary zareo satria Izy no Tompon'ny tompo, sady Mpanjakan'ny mpanjaka- de miaraka amin'azy ny vôantso, ny vôfidy, mban'ny manam-pinôna." ¹⁵ Hoy ny anjely taminaha: "Ny rano zegny hitanao, tamin'ny nipetrahan'ny mpijangajanga, no olona, vondron'olona, firenena, de fizakana. ¹⁶ Ny tandroka folo zay hitanao-iary zareo mban'ny bibi-dia de halaigna an'ny mpijangajanga. Ho atàn'iary zareo lao sady matanjaka izy, handrota ny nofony iary zareo, de handoro an'azy tanteraka amin'ny afo. ¹⁷ Fa Andriamanitra efa nametraka an'izany tamin'ny faneken'iary zareo hagnome ny herin'iary zareo hitondrana bibidia mandra-pahatanterakan'ny zakan'Andriamanitra.