¹ andiana aty, anareo zay manan-karena, mitomagnia migogogogoà noho ny fizaliana ho avy aminareo. ² Ny fanagnanareo efa lo, de ny lambanareo efa lanin'ny kalalao. Ny volamenanareo sy volafotsinareo de efa arafesina. ³ Ny harafenany de ho vavolombelona hitory anareo. Hagnoro ny tegnanareo kara ny afo. Nasarisinarizareo ny fanagnanareo ho amin'ny andro farany. ⁴ Iregny, ny mpiasa de mitaraigna ny karamany zay tsy nomenareo ho an'iary zareo zay nampamokatra ny taninareo, ka iregny fitaraignan'ny mpambely de efa avy agny am-pototadignin'ny Tompon'ny maro. ⁵ Niagna tamin'ny fanagnana teto an-tany anareo ka nampiadan-tegna tamin'ny tegnareo. Nampiadaninareo ny fonareo ho an'ny andro famonoana. ⁶ Nagnameloka sy namono ny olon-marina anareo. Tsy nanohitra anreo izy. ⁷ Ka mahareta, ry rahalay, mandra-piavin'ny Tompo. Iregny, ny mpamboly madigny ny vokatra tsara avy amin'ny tany. Mandigny am-paharetana an'zany izy, madra-pazahoany zany voalohan'orana sy faran'orana. ⁸ Anareo, my koa, mahàreta. Hampatanjao ny fonareo, satria efa akeky ny fiavian'ny Tompo. ⁹ Aza mifampitaraigna, ry rahalay, mba tsy tsaraina anareo. Tonga ny mpitsara mitsagnana eo am-baragnaragna. ¹⁰ Magnalà ohatra, ry rahalay, avy amin'ny fijalaina sy faharetan'iregny mpaminany, iregny zay nizaka tamin'ny agnaran'ny Tompo. ¹¹ Ka, heverintsena karan'ny hoe sambatra iregny zay efa niaritra. Efa regninareo ny fiaretan'ny Jôba, sady lalanareo ny tanjognan'ny Tompo, mahatonga an'Azy mamindra fo sady mahatsiaro falahelo. ¹² Fa ambonin'ny raha marobe, ry rahalaiko, aza mifanta, na amin'ny lagnitra na amin'ny tany, na amin'ny fifantana hafa. Fa koja, aoka ny zakanareo hoe: "Eny " de "Eny" na "Tsia" de "Tsia", mba tsy hiodiranareo amin'ny fitsarana. ¹³ Misy olona aminareo va managna olagna? Aoka hivavaka izy. Misy olona faly koa va? Aoka hihira fiderana izy. ¹⁴ Misy marary va aminareo? Aoka hagnatson'ny loholon'ny fiangonana, de aoka mba hivavaka ho an'azy izy. Aoka iary zareo agnosotra menaka an'azy amin'ny agnaran'ny Tompo. ¹⁵ Ny fivavakin'ny finoana no hagnafaka ny olona marary, ka ny Tompo hagnafaka an'azy. Na nanota izy, de hamela ny helokany Andriamanitra. ¹⁶ Ka de mifagnekea heloka anareo, sady mifampivavaha, mba ho afaka anareo. Ny vavaka amboaran'ny olo-marina de tena mahery indrindra ny fiasany. ¹⁷ Elia de olombelona karantsena my. Nivavaka mafy izy mba tsy hilatsaka ny orana, de tsy norana ny andro nandritran'ny telo taona sy enim-bolana. ¹⁸ Aveo de nivavaka ndreka Elia. Ka nandrotsak'orana ny lanitra, de nanjary namokatra ny tany. ¹⁹ Ry rahalaiko, na misy aminareo menga amin'ny fahamarinana, ka misy raika magnerina an'azy, ²⁰ de tokony ho lalan'io olona io fa niza niza magnala ny mpanota raika amin'ny làlana diso de hagnavotra an'azy amin'ny fahafatesana, sady hanakona fahotana marobe.