¹ Tsy olona maro aby io de tokony lasa mpampianatra, ry rahalahiko. Fantantsena fa handray fitsarana mafy tegnany antsena. ² Fa antsena marobe de tafintohina amin'ny raha maro. Fa ndreka misy tsy tafintohina amin'ny raha zakaina io, de lilahy matotra tegnany izy, afaka mifehy ndre tegnany iraika manontolo aza. ³ Fa ndreka asentsena lamboridy ambavahadin'ny soavaly aby io mba hankatoavan'iary zareo antsena, de afaka mitondra ny vatagnan'iary zareo iraika manontolo koa antsena. ⁴ Jerevo koa ma fa ny sambo io, ndre agnona be de indôsin'ny agnina mafy, de voavilikan'ny familiana farany bitaka amin'ny zeny ten'ny mpagnamory. ⁵ Otran'izany koa ny lela de rantsagna bitaka amin'ny vatagna, kanefa izy de mihambo raha marobe. Jerevo koa ma ny habitakan'ny afo zay mandoro ala be. ⁶ Ny lela de afo mi koa, tontolon'ny fahotana napetaka tamin'ny rantsam-batagnantsena. Izany de magnisy pendipendigna amin'ny vatagna iraika manontolo sady mandoro ny lalam-piaignana. Arehitrin'ny helo ny tegnany. ⁷ fa ny karazam-bibidia maro aby io, vorogna, biby mandady, mbàn'ny zavaboharin-dranomasina de folaka sady nifolahin'olombelona. ⁸ Fa raha momba ny lela ndreka, de tsisy olona mahavita mamolaka an'io. Izy io de ratsy tsy hay fehezina, sady feno poizina mahafaty. ⁹ Amin'io no hiderantsena ny Tompo sy ny Ray. Sady amin'io koa ny agnozognantsena olona, zeny namboarina nitovy tamin'Andriamanitra. ¹⁰ Avy amin'ny vava izany my no ivoahan'ny fitahiana sy ny fagnozognana. Ry rahalahiko, tsy tokony hiseho raha izany. ¹¹ Ny loharano ma ka mamôka rano mamy sady mafaitra avy amin'ny fivoahany? ¹² Ny fototr'aviavy io ma, ry rahalahiko, ka mamokatra oliva? Na ny voaloboka, mamokatra aviavy? Ny rano masira koa de tsy afaka hagnome rano mamy. ¹³ Iza ma kanty sy mahalala aminareo io? Apetray olona izany haneho fiagnana tsara amin'ny asany amin'ny fagnetren-tegnan'ny hakantena. ¹⁴ Fa ndreka diso be fialognana lotra anareo na fanirian-daza agnatin'ny fonareo agny, de aza mieboka na mametsy manohitra ny marina. ¹⁵ Izany de tsy hankatena nilatsaka avy ambony agny. Fa koza , avy amin'ny tany, ny tsy ara-pagnahy, ny demoniaka izany. ¹⁶ Fa agny amindregny misy fialognana sy fanirian-daza, de misy fifanjevôna sy ny fagnamboarana ny ratsy marobe. ¹⁷ Fa ny hakantena avy ambony agny de madio alohagny, feno fiadagnana, malemy fagnahy, mihevitra ny sasany, feno famindram-po sy vokatra tsara, tsy malemy, sady tsotra. ¹⁸ Ny vokatry ny fahamarinana de vôfafy am-piadagnana agnatin'iary zareo zegny mampihavana.