¹ Pas waktu hari Sabat nang lewat, Maria Magdalena, Maria Omak Yakobus dan jugo Salome, pogi lah orang ni ondak maminyaki Yesus karna sudah di boli orang tu rempah-rempah. ² Pada hari mulo minggu tu di pagi-pagi buto pas matahari kaluar, pogilah orang ni ka kuburan. ³ Bacakap-cakaplah orang ni satu dengan yang lainnyo, "Siapolah agaknyo nang bisa manggulingkan batu pintu masuk ka kuburan tu?" ⁴ Jadi, Pas manengok ka atas, batu nang sangat bosar tuh sudah taguling ruponyo. ⁵ Dan, lopas masuk ke dalam kuburan, tatengok orangtu lah seorang anak bujang pakek baju panjang putih lagi duduk di sisi kanan, takojutlah orang tu. Lopas tu, bacakap lah dio, "Yesus orang Nazaret yang disalibkan itu nyo nang kamu cari'i? jadi tak usah pala kamu takojut, tonang sajolah kamu, karono sudah bangkitnyo DIO, tak ado lagi DIO disinin, tengoklah tempat orang tu manompatkan mayat-NYO. ⁷ Elok pogilah kalian, bilangkan samo mrid-murid-NYO jangan lupo sampekan jugo ka si Petrus, sobab bisa karang duluan tibo DIO di Galilea. Nah, disanan lah karang bajumpo kalian samuo pas porsis macam nang di ucapkan-NYO pas waktu tu." ⁸ Barhamburanlah orang itu kaluar dari kuburan tu korno takojut dan heran, dan sonyaplah orang tu sankinkan katakutannyo itu. [Supayo disampekan orang tu samuo posan-posan tu dengan singkat ka Petrus samo toman-tomannyo. Abis tu kan, langsung diutus Yesuslah orang tu dari Timur sampek ka Barat, bak sampek lah kabar nang kudus tu dan nang tak mungkin binaso ajaran kasalamatan tu. Amin.] ⁹ Pas hiduplah Yesus waktu pagi-pagi di hari partamo di minggu tu, manampakkan dirilah Yesus samo si Maria Magdalena nang sudah di obati-NYO dari ta'ut tu. ¹⁰ pogi lah dio mangasitaukan ka orang tu nang basamo-samo Yesus, padahal orang tu pun lagi basodih dan manangisi. ¹¹ Tak pacayo orang tu samuo Pas di dongar orang tu kalok Yesus dah hidup. ¹² Lepas tuh, muncul jugo lah Yesus, tapi dah babeda rupo, ondak manjumpoi duo murid nang laen nang ondak pogi ka kampung. ¹³ Pas balek orang tu ondak mangasih tau samo murid-murid nang laennyo, bajayo nyo, tak yakin pulak murid-murid nang laen tuh samo orang tu. ¹⁴ Abis tu, pas lagi asik-asiknyo makan samuo murid-murid, manampakkan Diri lah DIO ka murid-murid tu, korno sankingkan jugul dan tak yakin nyo orang tu samuo, itulah mangko nyo di togur-NYO orang-orang tu. Tak yakin pulak orang tu sama orang nang sudah manengok-NYO Hidup Lagi. ¹⁵ Baposan lah DIO ka orang tu samuo, "Pogilah kalean samuo sampe ke palosok dunia di dan caritokan Kabar Tuhan tu ka samua nang ada di dalam bumi ni. ¹⁶ Jadi, siapo sajo nang pacayo dan sudah di Baptis pasti salamat lah dio, tapi bagi orang nang tak yakin, hajab lah dio. ¹⁷ Inilah ciri-ciri bagi satiap orang nang yakin dalam namo-KU, pasti orang tu bisa mangusir ta'ut; dan bacakap-cakap dengan kato-kato nang baru; ¹⁸ Bak lanjar manggonggam ular pun orang tu pakek tangan, lanjar maminum racun pun, samuonyo itu tak bisa mambunuh orang tu; satiap kale orang tu manjamah orang sakit, pasti orang-orang tu jadi sombuh jugo. ¹⁹ Sasudah di cakapkan-NYO kapada samuo orang tu, langsung tarangkat naek DIO ka Surgo nang duduk di sabolah kanan Allah. ²⁰ Satolah tu, pogi lah orang tu dan bacaramah di samuo tompat, di toguh kan-NYO lah Parintah-NYO itu sambil di kawani dan dibantu-NYO murid-murid, tando-tando torus basamo orang tu.