¹ Abistu, pas Yesus ondak pogi dari bait Allah, saorang murid-NYO bacakap ka DIO, "Guru, tengok dulu betapo elok-nyo batu-batu tu dan betapo mogahnyo bangunan-bangunan tu ² Dan manjawab lah Yesus, "Dah kau tengok bangunan-bangunan mogah ni? tak ado satu batupun nan ondak tinggal diatas batu lain-nyo yang tak akan dirobohkan." ³ Dan, sementaro Yesus sodang duduk di atas Bukit Zaitun nang manghadap bait Allah, Petrus, dan Yakobus dan Yohanes, dan Andreas pun batanyo ka Yesus sandirian ⁴ "Bagitau kami bilo hal-hal tu balangsung, dan apo sajo nang manjadikan tando-tando bilo samuo itu segera barakhir?" ⁵ Abistu Yesus langsung bacakap ka orang tu, "Bajago-jagolah kamu sabolum disosatkan orang. ⁶ Nang banyak an karang orang-orang datang manggunokan namo KU, bacakap, 'akulah DIO.' dan orang tu akan manyosatkan orang banyak. ⁷ lv 7 Katiko kau mandongar tontang porang dan kabar porang-porang jangan kau gopo. ⁸ Torus tu bangkit lah bangso tu malawan bangso nang laen, dan karajaan malawan karajaan pulak. Ondak tajadilah gompa bumi di satiap tompat; ondak ado kalaparan. Inilah awal dari raso sakit malahirkan tu baya. ⁹ Kau jagolah diri kau elok-elok, sobab, ondak disorahkan orang tu Kau ka pangadilan, dan Kau ondak dilopuki di Sinagoge-sinagoge dan ditogakkan nyo lah Kau di dopan raja-raja tu karono Aku, manjadi kasaksian samo orang tu. ¹⁰ Dan, Injil totap lobih dulu dikabarkan ka samuo bangso. ¹¹ Dan, katiko dibawak orang tu Kau dan disorahkan orang tu, tak usah kau gopoh samo apo nang Kau cakapkan, tapi Kau bilanglah apo sajo nang di kasih ka Kau katiko itu bukan Kau nang bacakap, tapi Roh Kudus. ¹² Dan saorang sudaro akan mambagikan sudaro nyo ka kamatian, dan ayah nyo ka anak nyo. Budak-budak akan bangkit malawan omak ayah nyo dan torus manikam orang tu. ¹³ Tak disukoi orang lagi Kau korno namo-Ku. Tapi siapo orang nang setio sampek abis akan salamat. ¹⁴ "Pas tatengok kau pambantai sadis tu, orang nang ado di Yudea harus balari ka gunung. ¹⁵ Orang nang ado di atas rumah nyo tak usah turun ato masuk ondak mangaluarkan harto nyo. ¹⁶ Dan, siapo nang lagi di lagang jangan babalek nak mangambek jubah nyo. ¹⁷ Bajayolah orang-orang nang lagi bunting tu dan orang nang sodang manetekkan bayi nyo pas hari tu. ¹⁸ Badoa lah bak calako ni tak tajadi pas musim dingin bayah. ¹⁹ Karono pado hari tu nak tajadi paandaritaan bosar nang tak paronah tajadi sojak mulo panciptaan, nang Tuhan jadikan sampek sakarang, dan tak akan pornah tajadi lagi. ²⁰ Dan, katiko Tuhan tak manyingkat hari-hari tu, tak kan ado orang nang disalamatkan. Dikaronokan domi apo nang di pilih dan nang di pilih nyo, Dio mamendekkan hari tu. ²¹ Abis tu, bilo ado nang bacakap ka Kau, 'Tengok, Kristus ado di sini!' Ato, 'Tengok Dio ado di sano!' Tak usah kau parcayo samo-NYO. ²² Karono mesias-mesias pambongak dan Nabi-nabi pambongak ²³ Bajago-jagolah korno dah ku caritokan ini sabolumnyo. ²⁴ Namun, katioko hari pandaritaan tu balangsung, 'Matahari manjadi golap, dan bulan tak basinar lagi. ²⁵ Bintang pun ondak bajatuhan dari langit dan kakuasoan di langit ondak digoncangkan. ''' (Kadatangan Budak Yesus) ²⁶ "Torus, di tengok orang tu ado Budak manusio nampak dalam awan nan punyo kuaso nan bosar. ²⁷ Dio mangkirim malaikat dan manggumpulkan dipilih dan ka ompat arah mata angin sampek ka ujung langit. ²⁸ "Kau balajar lah dari pokok ara tu, katiko dahan nyo dah malunak dan daun-daunnyo kaluar bararti musim panas dah nak datang. ²⁹ Kek gitu jugo kau, manengok apo nang tajadi tu, bararti dah nak dokat lah DIO tu, di ambang pintu. ³⁰ Nang samotan nyo lah nang ku cakapkan ni, generasi ni tak balalu sampek samuo nyo dah tajadi. ³¹ Langit, samo bumi ondak balalu tapi firman-Ku takkan balalu." (Hati-Hati Dan Bajago-Jago) ³² " Lopas tu, waspado dan bajago jagolah, tak ado satupun orang nan tau, malaikat-malaikat di surga tu pun tak tau, tak jugo Budak, cumo Ayah. ³³ Hati-hati, bajago-jago sobab tak ado nang tau waktu nyo tibo. ³⁴ Kek orang ondak pogi bajalani. Pas dio pogi dari rumah dan mangkasih kuaso samo palayan nyo, sasuai samo apo korjonyo, dan manyuruh panjago pintu untuk bajago-jago. ³⁵ Mangkonyo bajago-jagolah kau korno kau tak tau kapan dio tibo, biso sore, atopun tongah malam, ato pas ayam bakokok, ato pas pagi buto. ³⁶ Jangan lah kau tagolek pas dio datang. ³⁷ Apo nang KU cakapkan ni, KU cakapkan jugo samo samuo orang: 'Bajago-jagolah!'''.