¹ Woi Kawan-kawan, kok ado orang mangkorjokan nang tak elok, bawaklah dio kejalan nang bonar. Tapi bajago-jago jugolah kau supayo kau tak tagoda. ² Masih toling-tolonglah kamu dalam mananggung boban, biar kamu manuruti parintah Kristus. ³ Apo bilo ado orang yang meraso dirinyo ponting, padahal dio tidak di pontingkan bearti dio manokohi dirinyo sandiri. ⁴ Kito koreksilah diri kito sandiri. Habis tu banggalah awak menengok diri awak sandiri korno tak manyarupokannyo samo orang lain. ⁵ Satiap manusio ondaknyo mananggung bobannyoo sandiri. Korjokanlah Nang Elok ⁶ Siapo nang dapat ajaran firman Allah, ondaknyo dio mambagi samuo nang elok samo nang mangajar nyo. ⁷ Jangan sosat Allah tak bisa dimain-mainkan. Korno apo nang kau tanam itu tanam itu jugo nang ondak panen. ⁸ Apo bilo ado orang nang, manabur dari nafsu dagingnyo busuklah dio dari dagingnyo. Habistu orang nang manabur roh dapatnyolah hidup nang elok dari roh. ⁹ Janganlah kito muak mambuat nang elok, apo bilo tibo waktunyo, kito akan manuai, nang ponting kito tidak manyorah. ¹⁰ Selagi masih ado kasompatan kito, ayoklah kito korjokan nang elok tapi utamokan samo kawan-kwan kito satu kaparcayoan. Paulus Manyudahi Suratnyo ¹¹ Tengoklah nang bosaran huruf-huruftu kutuliskan untuk kau. ¹² Orang nang ondak pamer samo hal-hal yang lahiriah, ondak manyuruh kau supayo disunat, dikorjokan orangtupun itu biar tak dihukum demi salib Kristus. ¹³ Orang nang sudah di sunat tu tak ondak mantaati Hukum Taurat, tapi orangtu kapingin kamu disunat, supaya orangtu bisa mambanggokan dirinyo. ¹⁴ Kironyo aku tak pornah membanggakan diri, kecuali dalam salib Tuhan kito Yesus Kristus. Melalui salibNyo, dunia sudah di salibkan untu awak dan awak untuk dunio. ¹⁵ Basunat tak basunat tak ado gunanyo. Nang ponting jadi lahir baru. ¹⁶ Ondaknyao jalankan kamulah aturantu, sapayo damai sejahtra dan rahmat turun atas kau dan atas Israel punyo Allah ¹⁷ Jangan layas kamu samo aku yo tau kamu petuah-petuah Yesus ado samoku. ¹⁸ Kawan-kawan ondaknyo kasih Tuhan Yesus Kristus ado damo rohmu! Amin.