¹ Dulu, korno kau langgar doso, akhir-Nyo maniknatlah kau. ² Nang mano waktu ko tu bajalan mangikuti jalan dunia, mangikuti panguaso kerajaan udaro, Roh nang sekarang bakarojo disola - sola budak, budak nang tongkar. ³ Disola - sola orangtu, dulu kito jugo samuo hidup dalam nafsu daging kito, ondak mamuaskan nafsu daging kito, jugo otak kito - kito mulonyo adolah budak - budak nang badoso. Samo saporti orang nang lainnyo. ⁴ Korno kasih-Nyo nang togap tu lah DIO manyayangi kito. ⁵ Korno doso parbuatan kito akhir Nyo maniknatlah kito, dihidupkan Nyo lah kito balek samo - samo Kristus, oleh rahmat Nyo ko disalamatkan. ⁶ Basamo dio, dihidupkan Nyo kito, dan ditompatkan Nyo kito samo Dio di surgo dalam Yesus Kristus. ⁷ Besok Nyo Dio bisa manunjukkan kakayaan anugrah Nyo nang tak tanilai dalam kabaekan Nyo samo kito dalam Yesus Kristus. ⁸ Sobab, korno anugrah dan iman kau, ko disalamatkan, tapi bukan korno kau sandiri, tapi anugrah Allah. ⁹ Tak korno usaha kau, korno tak ado saorang nang biso malantam. ¹⁰ Kito ni buatan Allah, dibuat basamo Yesus Kristus supayo kito mambuat karojoan nang baek nang disiapkan Allah sabolum Nyo, supayo kito biso hidup di dalamNyo. ¹¹ Sobab tu, ko ingatlah bahwasannyo ko lahir dulu dari orang kafir, nang mano orangtu dikatokan "Orang tak basunat" orangtu manyobut diriNyo "Orang basunat", Sunat nang di buek samo badan oleh tangan orangtu. ¹² Ko ingat yo apabilo ko hidup tanpo Kristus, tapisah dari orang Israel, habis tu orang nang asing tu dibagilah ikatan parjanjian, nang mano janji tu tak punyo harapan, tak ado Allah dalam dunio Nyo. ¹³ Nah, sakarang samo Yesus Kristus , ko tu dulu nang jauhan dibawa, tapi korno darah Yesus jadi dokat. ¹⁴ Korno Yesus pambagi kedamaian dan kasahjateraan samo kito, duo bolah pihak nang bapisah jadi hancurlah dibuat Nyo, habis tu manjadi satulah nang bapisah tu. ¹⁵ Dihapuskannyo lah parmusuhan dalam dagingNyo nang mano disobut Hukum Taurat nang barisi suruhan. Suruhan dan katopatan - katopatan sahinggo di dalam diriNyo dibuatNyolah kito manjadi satu orang nang baru. ¹⁶ Dalam satu badan malalui salibNyo kaduonyo basatu basamo Allah, nang mambuat lonyaplah parkalahian. ¹⁷ DIO datang ondak mambagi damai sejahtero untuk ko nang jauh, habis tu damai sajahtero samo orang nang dokat. ¹⁸ Habis tu, hanyo samo Diolah kito baduo punyo biso masuk samo Ayah dalam satu Roh. ¹⁹ Korno kito sudah masuk samo Ayah, ko tu tak jadi orang asing samo nang pandatang, tapi samo wargo nang orang - orang kudus samo anggota - anggota kaluarga Allah. ²⁰ Nang dibangun diatas awal para Rasul dan para Nabi samo Yesus Kristus sandiri sabagai batu panjuruNyo. ²¹ Basamo Kristus, samuo godung sodang di satukan basamo, habis tu batumbuhlah manjadi Bait suci basamo Tuhan. ²² Basamo DIO, ko juga sodang di bangun supayo ko diangkat manjadi tinggal basamo Allah samo Roh.