¹ Sudaro-sudaroku, jangan lah manunjukan imanmu dalam Tuahn kito yang mulio, Yesus Kristus, dongan mambeda-bedakan orang. ² Bilo ado orang yang datang ke sinagogemu mamakai cincin omas dan baju yang mahal, pado saat yang samo, datang jugo orang miskin mamakai baju kotor, ³ dan kamu mangkasi parhatian khusus samo orang yang mamakai baju mahal dan bacakap samonyo, "Silahkan duduk di tompat yang elok ni," tapi samo orang miskin itu kamu bacakap, "Togaklah di sana!" ato "Duduk di dokat kakiku!" ⁴ Bukankah kamu sudah mambeda-bedakan di antaro kamu dan manjadi hakim dongan pikiran-pikiran jahat? ⁵ Sudaro-sudaro yang kukasih, dongarkanlah! Bukankah Allah tolah mamilih orang miskin dimato dunio untuk manjadi kayo dalam iman dan mawarisi karajoan Allah yang tolah Dio janjikan ka orang-orang yang mangasihi Dio? ⁶ Akan tatapi, kamu tolah manghino orang miskin. Bukankah orang kayo yang manindas dan manyeretmu ka pangadilan? ⁷ Bukankah orang-orang tu yang manhujat namo elok, yang olehnyo kamu di panggil? ⁸ Bilo kamu manjalankan hukum utamo sasuai dongan kitab suci, "yaitu kasihlah sasamomu manusio macam dirimu sandiri." kamu tolah malakukan yang bonar. ⁹ Namun bilo kamu mambeda-bedakan orang, kamu malakukan doso dan dinyatokan sabagai palanggaran hukum oleh hukum. ¹⁰ Siapo pun yang patuhi samuo hukum, tapi gagal patuhi satu bagianyo sajo, dio basalah samo samuo hukum tu. ¹¹ Sobab, Dio yang bacakap, "Jangan bazina, jangan mambunuh." Jadi bilo kamu tak malakukan pazinahan tapi kamu mambunuh, kamu tolah manjadi palanggar hukum. ¹² Bacakap dan babuatlah macam orang-orang yang ondak dihakimi dongan hukum yang mambobaskan. ¹³ Sobab, panghakiman tak akan barbolaskasihan samo orang yang tak manunjukan bolas kasihan; bolas kasihan akan monang atas panghakiman. ¹⁴ 14 Sudaro-sudaro, apo gunonyo sasaorang mangatokan bahwa dio mamiliki iman, tapi dio tak mamiliki parbuatan? bisokah iman tu manyalamatkan? ¹⁵ Bilo saorang sudaro ato sudari tak mamilki baju dan mambutuhkan amkanan sahari-hari, ¹⁶ dan saorang di antaromu bacakap kapadonyo, "Pogilah dalam damai, samoga badanmu dihangatkan dan dikonyangkan," tapi kamu tak mangkasih kapadonyo apo yang diporlukan badanyo, apo gunonyo tu? ¹⁷ Bagitu jugo iman, bilo iman tak disortai parbuatan-parbuatan, pado dasarnyo iman tu mati. ¹⁸ Namun, mungkin ado orang yang bacakap kamu punyo iman, dan awak punyo parbuatan, awak akan manjawab, "tunjukan imanmu tanpo pabuatan, dan awak akan manunjukan imanku dongan pabuatan." ¹⁹ Kamu pacayo bahwa Allah tu satu. Itu botul. Roh-roh jahat pun pacayo dan orang tu manggalotar. ²⁰ Woi orang boh! Ondakah kamu manyadari bahwa iman tanpa parbuatan adalah sio-sio? ²¹ Bukankah Abraham, ayah kito, dibonarkan oleh parbuatan-parbuatan katiko dio mangurbankan Ishak, anaknyo di atas altar? ²² Tengoklah bahwa iman karojo samo dongan parbuatannyo, dan oleh parbuatan-pabuatan, iamn disampurnokan. ²³ Digonapilah apo yang di cakapkan kitab suci, " Abraham pacayo samo Allah, dan itu diparhitungkan kapadonyo sabagai kabonaran dan dio disobut "Sahabat Allah" ²⁴ Jadi tengoklah bahwa dari parbuatanlah orang dibonarkan, bukan dari iman sajo. ²⁵ Bagitu jugo, bukankah Rahab, si palacur tu, dibotulkan karna pabuatan aktiko dio manarimo mato-mato Israel dan mambantu orang-orang tu malarikan diri malalui jalan yang lain? ²⁶ Jadi, samo macam badan tanpa roh adalah mati, bagitu jugo iman tanpo pabuatan adalah mati.