¹ Dari panatuo, samo omak yang tapilih dan samo anak-anaknyo, yang kukasihi dalam kabonaran, dan tak sangajo, tapi jugo samuo orang yang mangonal kabonaran. ² Sobab kabonaran yang tinggal dalam kito dan yang ondak basamo kito salamonyo. ³ Anuhgorah, bolas kasih, satio dame sajahtorah dari Ayah dan dari Tuhan Yesus kristus, sang anak, manyortai kito dalam kabonaran dan kasih. ⁴ Awak sangat basukocito sobab mangatahui bahwa babarapo anakmu, hidup dalam kabonaran, sabagaimano parinto yang tolah kito tarimo dari Ayah. ⁵ Kini, awak minta samomu, omak, tak saolah-olah awak manuliskan sabuah parinto baru, malainkan parinto yang sudah kito miliki sojak samulo, supayo kito saling mangasihi. ⁶ Dan, inilah kasih, bahwa kito hidup manurut parinto-parinto-Nyo. Inilah parinto tu, macam yang sudah kamu dongar sojak samulo supayo kamu hidup di dalamnyo. ⁷ Sobab, banyak panyosat tolah muncul kadunio, orang-orang tu tak mangakui Yesus sabagai Kristus yang tibo dalam wujud manusio. orang tu panyosat dan anti Kristus. ⁸ Bajago-jagolah supayo kamu tak kahilangan apo yang sudah kito usahakan, malainkan manarimo upah sautuhnyo. ⁹ Satiap orang yang bajalan kaluar dan tak tinggal ajaran Kristus, dio tak mamiliki Allah. Tapi, siapopun yang tinggal dalam ajaran tu mamiliki baek Ayah maupun Anak. ¹⁰ Bilo ado orang yang datang samomu dan tak mambawak ajaran ni, jangan manarimo dio ka dalam rumah mu ato mangkasihkan apopun. ¹¹ Sobab, siapo pun yang manyambut dio mangambil bagian dalam pakarojoan jahat orang tu. ¹² Banyak hal yang ondak awak tuliskan samomu, tapi awak tak ondak malakukannyo dengan kortas dan tinto. Namun, awak baharap dapat datang samomu dan bacakap sacaro tatap muko supayo sukocito kito diponukan. ¹³ Anak-anak dari sudarimu yang tapilih tuk sampekkan salam samomu.