¹ Jangan manogur laki-laki yang lobih tuo dengan koras, tapi palakukanlah dio macam ayah, dan palakuan laki-laki yang lobih mudo sabagai sudaro. ² Palakukan parampuan yang lobih tuo macam omak, dan parampuan yang lobih mudo sabagai sudaro parampuan dengan ponuh kasucian. ³ Hormatilah jando-jando yang botul-botul jando. ⁴ Namun, jika jando mampunyoi anak atau cucu, orang tulah yang duluan balajar manunjukkan bakti samo saisi rumahnyo sandiri. Dengan bagitu, orang tu tolah mambalas budi kapado orang tuo orang tu, sobab hal nilah yang manyonangkan Allah. ⁵ Sodangkan jando yang botul-botul jando hidup saorang diri, dio harus manaruh harapannyo kapado Allah sorta torus manaikan parmohonan dan doa siang dan malam. ⁶ Namun, jando yang hidup hanyo bafoya-foya, dio sudah mati walaupun dio masih hidup. ⁷ Parintahkanlah jugo hal-hal ni kapado jamaat supayo orang tu tak bacola. ⁸ Tapi, jiko sasaorang tidak mamalihara sanak kaluargonyo sandiri, tarutamo kaluargo dokatnyo, barati dio tolah manyangkali imannyo dan dio lobih buruk daripado orang yang tak pacayo. ⁹ Jando yang dimasukkan dalam daftar hanyolah parampuan yang barumur paling sadikit onam puluh tahun, manjadi istri dari satu suami, ¹⁰ dan dikonal karono parbuatan-parbuatan baiknyo, yaitu mambosarkan anak-anak, mambori tumpangan, mambasuh kaki orang-orang kudus, manolong orang yang dalam kasulitan, dan batokun dalam satiap pakarojoan yang baik. ¹¹ Namun, jando-jando yang lobih mudo jangan dimasukkan ka dalam daftar, sobab jiko hasrat seksualnyo mambuat orang tu jauh dari Kristus, orang tu ondak manikah lagi. ¹² Hal ni mandatangkan hukuman karono orang tu tolah mambatalkan janji partamo yang orang tu buat sabolumnyo. ¹³ Di samping tu, orang tu muloi tabiaso barmalas-malasan, bakaliling dari satu rumah ka rumah yang lain. Bukan tu sajo, orang tu jugo manggosip dan mancampuri urusan orang lain, mancaritokan hal-hal yang saharusnyo tak orang tu caritokan. ¹⁴ Jadi, awak ondak supayo jando-jando muda manikah lagi, malahirkan anak, dan mangurus rumah tanggonyo supayo tak ado kasompatan bagi lawan ondak mancola orang tu. ¹⁵ Sobab, sabagian orang sudah babalek mangikut setan. ¹⁶ Jika ado saorang wanita pacayo yang mampunyoi sanak kaluargo yang jando, biarlah orang tu mamoliharo jando-jando tu sahinggo gareja tak harus dibobani, dan gareja dapat manolong jando-jando lain yang botul-botul porlu ditolong. ¹⁷ Panatuo-panatuo yang mangurus jamaat dengan elok layak manarimo panghormatan duo kali lipat, tarutamo orang tu yang bakarojo koras dalam bakhotbah dan mangajar. ¹⁸ Sobab, Kitab Suci bacakap, "Jangan manutup muncung lombu yang sodang manggiling gandum," dan "Saorang pakarojo borhak mandapat upahnyo." ¹⁹ Jangan manarimo tuduhan yang dijatuhkan kapado panatuo kacuali didasarkan pado buksti dari duo ato tigo orang saksi. ²⁰ Orang tu yang babuat doso harus ditogur dihadapan samuo orang supayo yang laen manjadi takut babuat doso. ²¹ Di hadapan Allah Yesus Kristus, dan paro malaekat yang tapilih, awak mamparingatkan kau dengan motan-motan supayo manuruti patunjuk-patunjuk ni tanpa baprasangko atau pilih kasih. ²² Jangan tarlalu copat manumpangkan tangan atas siapo pun ato jangan ikut ambil bagian dalam doso orang laen. Jagolah agar dirimu totap suci. ²³ Jangan hanyo minum air putih, tapi gunokan sadikit anggur domi porutmu dan badanmu yang soring sakit. ²⁴ Doso dari sabagian orang sangat jolas tatengok sahinggo manuntun orang tu kapado pangadilan. Namun, doso dari sabagian orang laen baru akan tatengok kamudian. ²⁵ Damikian jugo ado parbuatan baik yang jolas tatengok. Tapi parbuatan baik yang tak tatengok pun, tak akan torus tasambunyi.