¹ Dari Paulus yang manjadi rosul Yesus Kristus karono parinto Allah, juru salamat kito, dan Yesus kristus, pangharapan kito. ² Untuk Timotius, anak yang sah dalam iman. Anuhgorah, bolas kasih, dan dame sajahtora dari Ayah kito dan Yesus Kristus, tuhan kito. ³ Sabagaimano awak mamohon kapadomu waktu awak barangkat ka Makedonia, totaplah tinggal di Efesus supayo kamu dapat manasehati orang rame agar orang-orang tu tak mangajarkan ajaran-ajaran lain, ⁴ atau mamusatkan parhatian orang-orang tu pado carito-carito lamo dan silsilah yang tak ado ujungnyo. Itu justru mandatangkan parsalisihan, bukannyo manjalankan tugas palayanan Allah yang dikarojokan dengan iman. ⁵ Namun, tujuan dari parintah tu adalah kasih yang barasal dari hati yang murni, nurani yang elok, sorta iman yang tulus. ⁶ Babarapo orang tu tolah manyimpan dari tujuan ni dan tasosat dalam pambicaroan yang sio-sio. ⁷ Orang tu mau manjadi ahli Hukum Taurat, tapi tak mamahami apo yang orang-orang tu cakapkan atau hal-hal yang orang tu yakini. ⁸ Tapi, kito tau Hukum Taurat tu elok jiko orang manggunokannyo sabagaimano mostinyo, ⁹ dengan kasadarannyo bahwa Hukum Taurat tak dibuat tuk orang bonar, malainkan tuk orang palanggar hukum dan panjahat, orang fasik dan orang badoso, orang yang tak kudus dan duniowi. orang-orang tu mambunuh ayah dan omaknyo sandiri, pambunuhan ¹⁰ orang asusila yang malakukan dosa seksual, homoseksual, pancuri, pambongak, pandusto, dan siapo pun yang malawan ajaran yang sehat, ¹¹ yaitu ajaran Injil yang mulio dari Allah sumber borkat, yang tolah dipacayokan kapadoku. ¹² Awak basukur kapado Dio yang tolah mangkuatkanku, yaitu Yesus Kristus, Tuhan kito, karono Dio manganggap awak satio dengan manompatkan awak dalam palayanan ni. ¹³ Walaupun dulu awak saorang panghujat, panganiayo, dan orang yang kojam, tapi awak manarimo bolas kasih karono dulu awak malakukannyo tanpa pangortian dan dalam katidakpacayoan. ¹⁴ Tuhan mangkasih samo ku anuhgorah yang malimpah, basamo-samo dengan iman dan kasih dalam Yesus Kristus. ¹⁵ Cakap ni dapat dipacayo dan patut ditarimo saponuhnyo bahwa Yesus Kristus tibo ka dunio tuk manyalamatkan orang-orang badoso; diantaro orang-orang tuh, awaklah yang sangat badoso. ¹⁶ Tuk alasan ni, awak mandapatkan bolas kasih, yaitu supayo didalam awak, orang sangat badoso ni, Yesus Kristus manunjukkan kasabaran-Nyo yang sampurna sabagai contoh bagi orang-orang yang mau pacayo kapado-Nyo untuk mamparoleh hidup yang kokal. ¹⁷ Bagi Rajo atas sagalo zaman, yang kokal, dan yang tak kalihatan, satu-satunyo Allah, hormat dan kamulioan sampek salamo-lamonyo. Amin. . ¹⁸ Parintah ni kukasih kapadomu, Timotius, anakku, sasuai dengan nubuatan yang pornah dikasih tontang kamu, dan dengan nubuatan tu bajuanglah dalan pajuangannyo yang elok, ¹⁹ Sambil bapegang pado iman dan hati nurani yang elok. Orang rame tolah manulak malakukannyo sahinggo kandaslah iman orang tu. ²⁰ Diantaronyo adalah Himeneus dan Aleksander, yang tolah kusorahkan kapado setan supayo orang tu balajar untuk tak manghujat.