¹ Au hiti', Jisus duaan ha daha', "Akui duaan alang laan-laan na man ika', te' kuri kelunaan alang tengaah nekring ha tini' alang jaan hamaan mate atang daha' lemnang Umaa' Tipang atang mete' kuasa." ² Au hiti', nam do au anaan, Jisus maveh Petrus, Yakobus, dahin Yohanes, au hiti' gerii daha' te' menyendiri ha ngalaang alang bo. Au hiti', Jisus berubah wujud ha nang daha'. ³ Au hiti', hakaaw-Na temoh malaah dahin putii' pate. Jaan te' tukang pemutih balun ha dania hamaan naa' putii' nekelung anaan. ⁴ Au hiti', nyemo ha nang daha', Elia pejii dahin Musa, dahin daha' tengaah duaan dahin Jisus. ⁵ Au hiti', Petrus duaan ha Jisus, "Rabi, jii man Ika', jii man Musa, dahin jii man Elia." ⁶ Sebab, Petrus jaan jaam nguk nun alang harus na nyuee kenaan daha' pah au takut. ⁷ Au hiti', nyemo na awan menaungi daha', au hiti' kering na te' dahun alang atang man awan anaan, dahun-Na, "Ani' Anaak-Kui alang Terkasih. Ngering na Hia'!" ⁸ Teguu' anaan pa, teguu' daha' lemnang ha sekitar, daha' jaan nguak lemnang kelunaan pun pejii daha' kecuali Jisus. ⁹ Au hiti', jiaruun daha' ngileh man ngalaang, Jisus mai perintah man daha' jung jaan megi man hi pun nun alang au daha' lemnang, atang Anaak Kelunaan bangket man haang kelunaan mate. ¹⁰ Kenaan anaan, daha' mekaam daho' anaan man daha' dap sambil metang-metang nun arti na kebangkitan man alang mate anaan. ¹¹ Au hiti', daha' metang ha Jisus, "Na nun pa daha' ahlo Taurat duaan bahwa Elia harus atang. ¹² Au hiti', Jisus duaan ha daha', "Elia memang atang lebih unaak sang memulihkan lim gat. Au hiti', nuno tun dahin alang tertulis tentang Anaak Kelunaan bahwa Hia' harus peraah ngahum hal dahin d' hina? ¹³ Tapi, Akui duaan man ika' bahwa Elia memang au atang, dahin daha' an na naa' sesuai dahin nun alang daha' ikam, nekelung alang d' tulis tentang hia'." ¹⁴ Au hiti', teguu' Jisus, Petrus, Yakobus, dahin Yohanes nekulah ha d' murid-murid, daha' lemnang kelepang kelunaan ha sekeliling d' murid-murid anaan, dahin daha' ahli Taurat tengaah pano' dahin daha'. ¹⁵ Au hiti', segera teguu' au lim kelepang kelunaan anaan lemnang Jisus, daha' temoh tekjat dahin nepurung sang nyambot Hia'. ¹⁶ Au hiti', Jisus metang ha daha', "Nun alang an p'lo pano' dahin d' ahli-ahli Taurat anaan?" ¹⁷ Te' kelunaan man daha' anaan nyuwee Hia', "Guru, akui gerii' anaak lake'-lake' kui man Ika' kenaan hia' putaam roh alang naa' hia' bisu. ¹⁸ Putung do roh anaan menguasai hia', hia' ngetah hia' ha tanaa' dahin hia' musaang busa man baa na, dahin mege'ek ipan na, au hiti' hia' pun kejang. Akui ake d' murid-murid-Ka' mugaa' roh anaan, tapi daha' jaan sanggup." ¹⁹ Au hiti', Jisus nyuwee daha' au hiti' duaan, "Hai, generasi alang jaan beriman! Kuri daraa' nguak Akui harus pejii' p'lo? Kuri daraa' nguak Akui harus betahan dahim? Gerii' nyaam anaan ha Akui!" ²⁰ Au hiti', daha' gerii' nyaam anaan ha Jisus. Au hiti', teguu' roh anaan lemnang Jisus, hia' temoh megiyoh-megiyoh nyaam anaan. Nyaam anaam legaak ha tanaa' au hiti' puvaar-puvaar dahin musaang busa man baa'. ²¹ Au hiti', Jisus metang ha tamaan nyaam anaan, "Au kuri daraa' na hal ani' naa' ha hia'?" Huwee na, "Man teguu' hia' tu'uk. ²² Au hiti', roh anaan au sering ngetah hia' halam api dahin halam ata' sang ngehacur hia'. Tapi, ha' Ika' hamaan naa' gat, masii' im kame' dahin tulong na kame'." ²³ Jisus duaan ha daha', "Ha' Ika' hamaan? Lim gat mungkin man daha' alang pesayaa'." ²⁴ Temoh tamaan nyaam anaan nangii auhiyi' pebukaak, "Akui pesayaa'! Tulong na kejaanpesayaan kui!" ²⁵ Teguu' Jisus lemnang kelepang kelunaan atang temoh ngerumon, Hia' temoh heleh roh anaan au hiti' sambel duaan dahin na, "Ika' roh bisu dahin madang, Ak perintah na man ika' musaang man nyaam ani' au hiti' am mutaam ha hia' nguak!" ²⁶ Teguu' au peraah dahin megiyoh-giyoh nyaam anaan dahin hebat, maka roh anaan musaang. Anaak anaan jadi nekelung kelhnaan mate' sehingga kelunaan kahum anaan duaan, "Hia' mate'!" ²⁷ Tapi, Jisus mekaam usu' nyaam anaan dahin megoh hia', maka nyaan anaan nekring. ²⁸ Au hiti', teguu' Jisus mutaam ha halam umaa', murid-murid-Na secara pribadi, "Na nun pa kame' jaan hamaan mugaa' hia'?" ²⁹ Au hiti', Hia' duaan ha daha', "Jenis ani' jaan hamaan musaang kecuali hanya dahin sabayaang." ³⁰ Man tinaan, Jisus dahin d' murid-murid-Na leka' au hiti' lalo man wilayah Galilea. Au hiti', Hia' jaan ikam te' kelunaan alang jaam. ³¹ Sebab, Hia' tengaah ngajar d' murid-murid-Na ah hiti' duaan dahin daha', "Anaak kelunaan sang d' aii ha usuu' kelunaan, dahin daha' sang lemate Hia'. Au hiti', teguu' Hia' au d' lemate, telo' do au hiak naan Hia' sang bangkit." ³² Tapi, d' murid-murid jaan jaam dahun na dahin takut sang metang ha Hia'. ³³ Au hiti', Jisus dahin d' murid-murid-Na atang ha Kapernaum. Ah hiti', teguu' Jisus au te' halam umaa', Hia' metang ha daha', "Nun alang im duaan halam ano ka'?" ³⁴ Tapi, daha' ngeram kenaan halam ano daha' pano' jii' dahin alang bale tentang hi alang tayaa'. ³⁵ Au hiti', Jisus melok au hiti' muvi pulu' duaa' murid. Au hiti', Hia' duaan dahin daha', "Ha' te' kelunaan alang ikam jadi alang ke'jii, hia' harus jadi alang bayaa' man ina' pah dahin pelayan man lim ina' pah." ³⁶ Au hiti', Jisus alaa' jii kelunaan nyaam uk dahin melok ina' nekring ha haang daha'. Au hiti', sambel ngahaap nyaam anaan, Hia' duaan ha daha', ³⁷ "Hia' tuaa' alang nyambot jii kelunaan nyaam uk nekelung ani' halam Araak, hia' nyambot Akui. Dahin, hi tuaa' alang nyambot Akui, bukan nyambot Akui, melainkan Hia' alang ngutus Akui." ³⁸ Yohanes duaan dahin Jisus, "Guru, kame' lemnang kelunaan mugaa' sitan-sitan halam araan-Na, dahin kame' ngehalang hia' kenaan hia' jaan livoh ita'." ³⁹ Tapi, Jisus duaan, "Am ngehalang hia' kenaan jaan te' kelunaan alang naa' hadi ajaib halam Araak, hamaan t' do anaan pa ngehujat Akui. ⁴⁰ Sebab, hi alang jaan ngelawan ita', te' ha pihak ita'. ⁴¹ Sebab, Akui duaan alang laan-laan na ha ika', hi tuaa' alang mai ika' jii sawaan ata' kenaan ika' pengikut Kristus, jaan sang pu'eh upah na." ⁴² "Dahin hi tuaa' alang naa' salaa' jii man nyaam-nyaam uk alang pesayaa' ha Akui anaan naa' dusa, lebih sayuu' man diri na ha' te' bato' kilangan alang tayaa' d' ngatung ha keraan na dahin hia' d' uweh halam laut. ⁴³ Au hiti', ha' usuu' ka' naa' ika' bedusa, munaang na usuu' ka' anaan. Lebih sayuu' man ika' mutaam ha halam urip mete' usuu' punaang, daripada mete' duaa' usu' mutaam ha neraka, ha halam api alang jaan hamaan param, ⁴⁴ nayaan alang ular na jaan hamaan mate dahin api na jaan hamaan param. ⁴⁵ Au hiti', ha' tudaak ka' naa' ika' bedusa, munaang na im tudaak anaan. Lebih dayuu' man ika' mutaam ha halam urip mete' tudaak punaang, daripada mete' dua tudaak d' ketaah ha halam neraka, ⁴⁶ alang nayaan ular na jaan sang mate dahin api na jaan sang mate. ⁴⁷ Au hiti', ha' mataam naa' ika' bedusa, nuil na mataaam anaan. Lebih sayuu' man ika' mutaam ha Umaa' Tipang mete' jii mataam daripada dahin duaa mataam d' ketah ha halam neraka, ⁴⁸ alang nayaan ular na jaan mate dahin api ma jaan bisa mate. ⁴⁹ Kenaan, putung kelunaan sang d' ngehenyaa' dahin api. ⁵⁰ Henyaa' anaan sayuu', tapi ha' henyaa' anaan pu'eh masen na, nuno tun p'lo sang naa' masen nguak? Hipun na henyaa' ha halam diri ka' dap dahin berdamai na jii dahin alang bale."