¹ Au hiti', Jisus melaak nayaan anaan dahin leka' te ha wilayah Yudea dahin ha dipah hunge Yordan. Dahin, kahum kelunaan pehengkung te ha Hia' uak. Dahin, nekelung kehiasaan-Na, Hia' ngajar daha' uak. ² Au hiti', kelunaan-kelunaan Farisi te ha Hia', dahin sang nesaak Hia' daha' metang, "Nun an d' gii laan na ha lake' muli hawaan na?" ³ Jisus nyuee daha', "Nun alang aan Musa suhuu' te ika'?" ⁴ Daha' duaan, "Musa mai ijin ha lake' naa' surat puli dahin muli hawaan na." ⁵ Tapi, Jisus duaan dahin daha', "Kenaan mahing ate ka' na, Musa nulis suhuu' ani' ha ika'. ⁶ Tapi, man tahari penciptaan, 'Tipang menciptakan daha' lake'-lake' dahin d' doh. ⁷ Kenaan anaan, kelunaan lake'-lake' sang melaak tamaan dahin hinaan na. ⁸ Au hiti', kedua na sang jadi jii sin.' Dahin nunaan, daha' jaan uak dua, melainkan jii sin. ⁹ Jadi, nun alang au Tipang naa' pejii, jaan usah an kelunaan pisah." ¹⁰ Au hiti', ha halam umaa', murid-murid-Na metang nguak ha Hia' tentang hal anaan. ¹¹ Maka, Hia' duaan ha daha', "Hi tuaak alang muli hawaan na au hiti' ngahawaak dahin alang bale, naa' alang mam patut ha hawaan na. ¹² Dahin, ha' hawaan muli hawaan lake' na, dahin ngehawaak dahin alang bale, hia' naa' zina." ¹³ Au hiti', daha' geri nyaam-nyaam uk te ha Jisus jung Hia' megaak d' nyaam-nyaam anaan, tapi murid-murid duaan daha'. ¹⁴ Tapi, teguu' Jisus lemnang daha', Hia' temoh heleh ah hiti' duaan dahin d' murid-murid-Na, "Hembe na d' nyaam-nyaam uk anaan atang ha Akui dahin am ngehalang daha' kenaan umaa' Tipang naan hipun kelunaan-kelunaan nekelung daha'. ¹⁵ Akui duaan alang laan-laan na ha ika', hi tuaa' alang jaan nyambot Umaa' Tipang nekelung d' nyaam, jaan sang mutaam ha halam na." ¹⁶ Au hiti', Jisus ngahaap anaak-anaak anaan, Hia' memberkati daha' dahin melok usuu'-Na husun daha'. ¹⁷ Au hiti', teguu' Jisus tengaah sang nyiap ano-Na, te' kelunaan nepurung ha Hia'au hiti' belutut ha nang-Na au hiti' metang, "Guru alang sayuu', nun alang harus ak naa' jung kui hamaan alaa' warisan urip alang kekal?" ¹⁸ Au hiti', Jisus duaan ha hia', "Na nun pa ika' megii Akui sayuu'? Jaan te' jii kelunaan pun alang sayuu', kecuali Tipang ta' dap. ¹⁹ Ika' jaam suhuu'-suhuu': 'Am lemate, am bezina, am nako, am mai kesaksian amoh, am mamoh, hormati na tamaam dahin hinaam." ²⁰ Au hiti', kelunaan anaan duaan dahin-Na, "Guru, akui au naa' ina' pah man akui masih nyaam." ²¹ Tapi, Jisus lemnang ha lake' anaan au hiti' melok kasih ha hia', dahin duaan ha hia', "Jii' hal alang kuraang ha ika'. Laap au hiti' belek pah na lim alang im hipun, au hiti' aii man kelunaan miskin, maka ika' akan hipun harta ha telaangjulaan. Au hiti', hini' im dahin livoh im Akui." ²² Tapi, dahum anaan naa' hia' peraah kenaap au hiti' hia' leka' dahin sedih kenaan hia' hipun kahum harta. ²³ Au hiti', Jisus lemnang behenji-behenji dahin duaan ha d' murid-murid-Na, "Betapa peraah na man daha' alang jayaa' sang mutaam Umaa' Tipang!" ²⁴ Murid-murid tekjat t' dahun-Na. Tapi, Jisus duaan nguak ha daha', "Hai nyaam-nyaam, betapa peraah na sang mutaam Umaa' Tipang! ²⁵ Lebih melee jii ikoh unta mutaam lalo man luvaang luu daripada kelunaan jayaa' mutaam Umaa' Tipang." ²⁶ Murid-murid makin tekjat au hiti' duaan jii dahin alang bale, "Au hiti', hi alang hamaan d' tulong?" ²⁷ Jisus lemnang ha daha' au hiti' duaan, "Bagi kelunaan hal anaan jaan mungkin, tapi jaan nguak Tipang. Sebab, lim gat mungkin man Tipang." ²⁸ Petrus nahari duaan ha Jisus, "Lemnang, kame' au melaak lim gat au hiti' livoh Ika'!" ²⁹ Jisus duaan, "Akui duaan alang laan na man ika', jaan te' jii kelunaan pun alang au melaak umaa', atau d' harin lake'-lake', atau d' harin dohm atau hinaan, atau tamaan, atau anaak na, atau lumaa'-lumaa' na kenaan Akui dahin kenaan Injil, ³⁰ alang te' do ani' jaan akan nerima matuu kali lipat-- umaa'-umaa', dahin d' harin lake'-lake', dahin d' harin doh, dahin hinaan, dahin nyaam-nyaam, dahin lumaa'-lumaa', dahin penganiayaan; dahin t' do alang sang atang, urip alang kekal. ³¹ Tapi, kahum kelunaan alang nahari sang jadi alang terakhir, dahin alang terakhir jadi alang ke jii." ³² Daha' tengaah halam ano mu'un ha Yerusalem Dahin, Jisus nekulah gerii serta pulu duaa' murid-Na, Hia' nahari megi daha' nun alang sang tejadi dahin-Na, ³³ dahun-Na, "Lemnang, ita' tengaah mu'un ha Yerusalem dahin Anaak Kelunaan sang d' aii ha imam-imam kepala' dahin ahli-ahli Taurat. Daha' sang ngehukum Hia' atang mate' dahin sang mai Hia' ha kelunaan-kelunaan alang bukan Yahudi. ³⁴ Daha' sang ngehina Hia', dahin lemuraa' Hia', au hiti' metek Hia', au hiti' lemate Hia'. Tapi, au telo' do, Hia'pun bangket." ³⁵ Au hiti', Yakobus dahin Yohanes, anaak-anaak Zebedeus, atang ha Jisus au hiti' duaan, "Guru, kame' ikam Ika' naa' man kame' nun tuaa' alang kame' ake." ³⁶ Au hiti', Jisus duaan ha daha', "Nun alang im ikam jung Ak naa' man ika'?" ³⁷ Daha' duaan dahin-Na, "Ijin na jii kelunaan man kame' melok ha behenji tao-Ka', dahin alang jii na ha behenji behule-Ka', halam kemuliaan-Ka'." ³⁸ Tapi, Jisus duaan ha daha', "P'lo jaan jaam nun alanh p'lo ake. Sanggup kah p'lo dui man sawaan alang harus Ak dui alang d' baptiskan ha Akui?" ³⁹ Daha' duaan dahin-Na, "Kame' sanggup!" Au hiti', Jisus duaan dahin daha', "Sawaan alang Ak dui memang im dui, dahin p'lo sang d' baptis dahin baptisan alang d' baptiskan man Akui. ⁴⁰ Tapi, sang melok ha behenji betao'-Kui atau ha behenji behule-Kui, bukan hak Kui sang mai ina', tapi nayaan anaan naan man daha' alang au d' siapkan." ⁴¹ Kering anaan, puluu murid alang bale jadi heleh ha Yokobus dahin Yohanes. ⁴² Au hiti', Jisus muvi daha'dahin duaan dahin daha', "P'lo jaam bahwa daha' alang d' anggap sebagai pemerintah kelunaan-kelunaan bukan Yahudi naa' seolah-olah berkuasa husun daha'. Au hiti', petinggi-petinggi daha' mete' kekuasaan na husun daha'. ⁴³ Tapi, jaan seharus na t' haang p'lo. Sebalik na, hi tuaa' alang ikam jadi tayaa' ha haang p'lo, harus jadi pelayan ka', ⁴⁴ dahin hi tuaa' alang ikam jadi alang tahari ha haang p'lo, harus jadi pelayan man ina' pah. ⁴⁵ Sebab, Anaak Kelunaan pun atang bukan sang d' layani, tapi sang melayani, dahin sang mai beruaan-Na sebagai tebusan man kahum kelunaan." ⁴⁶ Au hiti', daha' atang ha Yerikho. Teguu' Jisus melaak Yerikho pejii dahin d' murid-murid-Na dahin kelunaan kahum, te' kelunaan pengemis buta alang araan na Bartimeus, anaak Timeus, tengaah melok ha balaan alaan. ⁴⁷ Teguu' hia' ngering bahwa te' Jisus man Nazaret, hia' pun nahari pebukaak au hiti' duaan, "Jisus, Anaak Daud, masii im akui!" ⁴⁸ Au hiti' kahum kelunaan duaan hia' dahin nyuhu hia' ngeraam. Tapi, hia' makin pebukaak, "Anaak Daud, masii im akui!" ⁴⁹ Au hiti', Jisus nagah au hiti' duaan, "Uvi hia'." Au hiti', daha' pun muvi kelunaan buta anaan au hiti' duaan dahin na, "Naje' na im kenaap ka'! Biti' na, Hia' muvi ika'." ⁵⁰ Sambel mekaa' jubah na, kelunaan buta anaan nekring au hiti' atang ha Jisus. ⁵¹ Dahin, Jisus duaan dahin na, "Nun alang im ikam jung Ak naa' man ika'?" Kelunaan buta anaan nyuee, "Rabi, hembe na akui lemnang." ⁵² Au hiti, Jisua duaam dahin na, "Leka' na. Iman ka' au navaah ika'." Teguu' anaan lim pa, hia' alaa' uak hinang na, dahin hia' livoh Jisus putung alaan.