¹ Tapi'a ikau, ajerkan'ak hal-hal yo sesuai ngan pengajeran sehat. ² Lelaki yo lobih tuo arus d'pat ngenahan dirik, tehormat, nguasoik dirik,sereto sehat dlom iman, dlom kasih, kant dlom ketekunan. ³ Gak, tinok-tinok yo lobih tuo arus ngenunjukkan tingkah laku yo saleh, kan'a pepitnah ndakpun hamba anggur, tapi'a arus ngajerkan ope yo b'et. ⁴ Ngan piok, sidok dpat ngenasehatik tinok-tinok mudok 'ntuk cintoik laki'a, ngasihik anak-anak'a, ⁵ nguasa'ik dirik, saleh, ngurus urusan umah tanggok'a, ramah, kant tundok pado laki'a, supayo firman Allah com dilecehkan. ⁶ Piok gak, nasehati'ak urank-urank mudok supayo d'pat nguasa'ik dirik. ⁷ Dlom segalo hal, nyedikan dirik kau teladan dlom pempulahan-pempulahan b'et. D'lom pengajeran, tunjukan'ak integritas, kahormatan, ⁸ pekatoan b'nar yo com tecola sehinggo b'lo lawan akan nyedi malu dongah com d'pat ngatokan hal yo buruk tontank kito. ⁹ Hamba-hamba arus tunduk'a ka tuan-tuan sidok dlom segalo hal, usahakan'ak 'ntuk nyenangkan sidok, kant com ngebantah. ¹⁰ Nang ngencuri, tapi tunjukkan'ak bahwa ikau d'pat dipecayok supayo d'lom segalo hal sidok ngemuliakan ajeran Allah, Juru Selamat kito. ¹¹ Dongah, anugerah Allah yo mbeik keselamatan dah nyato b'gi semuo urank, ¹² 'ntuk ngemampukan kito ngenolak hal-hal yo com saleh ndakpun hawa nafsu duniowi sehinggo kito d'pat idop nguasaik dirik, adil, kant saleh di jaman tum tuk, ¹³ sementaro kito ngenantikkan pengharopan yo ponuh berkat, yonyin kedtangan yo ponuh kemuiaan drik Allah Yo Mahabosar, kant Juru Selamat kito, Kristus Yesus. ¹⁴ Io dah ngemborikan diri-A b'gi kito 'ntuk ngenebus kito drik semuo pempulahan j'hat kant 'ntuk ngenyucikan b'gi dirik-A suatu umat pilihan-A yo raget ngelakukan pempulahan b'et. ¹⁵ Ajerkan'ak semuo'a tuk.Nasehatik kant tegor'ak ngan segalo kewibawaan.Nang ado urang yo ngerendah'ik ikau.