¹ Trimok'ak urang yo lomah iman'a, tetapi kan'a ntuk mbantah pend'pat'a. ² Ado urang yo yakin bahwa io boleh makan semuo jeni's makanan, tetapi urang yo lomah iman'a engkah makan sayuran. ³ Urang yo makan nang'ak nghino urang yo com makan, kan urang yo com makan nang nghakim'ik urang yo makan, sebob Allah dah nrimok io. ⁴ Sopekah ikau sehinggo ikau ngakim'ik hamba urang lain? B'et bediri ndakpun j'tuk, nyin urusan tuan'a surang. Kan, io akan bediri dongah Doto mbuat'a bediri. ⁵ Ado urang yo nganggop satu ari lobih penting d'ri pado ari yo laen, sementaro yo laen nganggop semuo ari samo. Setiap urang arus bujor-bujor yakin d'lom ati'a surang. ⁶ Sidok yo mentingkan ari tetentu, mentingkan'a ntuk Doto. Kant, sidok yo makan, makan ntuk Doto sebob io ngucap syukur kepado Allah. Piok gam sidok yo com makan, sidok com makan ntuk Doto kant ngucap syukur kepado Allah. ⁷ Sebob, com seurang pun d'ri kito yo idup ntuk dirik'a surang, kant com ado seurang pun mati ntuk dirik'a surang. ⁸ Sebob, mun kito idup, kito idup ntuk Doto, atau mun kito mati, kito mati ntuk Doto. J'di, b'et kito idup atau kito mati, kito te milik Doto,. ⁹ Dongah ntuk nyin'ak Kristus mati kant bengkit, supayo Io j'di Doto, b'et atas urang-urang mati maupun urang-urang idup. ¹⁰ Tapia, ngopei ikau nghakim'ik saudero kau? Atau, ngopei ikau mandang rendah saudero kau ngan nghino'a? Sebob, kito semuo akan bediri ngadop takhta pengadilan Allah. ¹¹ Sebab ado tetulis, "Tam dongah Aku idop, firman Doto, setiap lutu akan menyombah kepado Aku, kant setiop lidah akan mengaku kepado Allah." Yesaya 45:23 ¹² J'di, tiap kito akan mborik tanggungjawab tontang dirik io surang kepado Allah. Nang buet urang lain Bedosa. ¹³ Dongah nyin, nang'ak kito saling nghakim'ik, tapi lobih b'et betekat ntuk com naruh pengalang atau sebuah b'tu sandungan b'gi saudero kito. ¹⁴ Aku ngetau'ik kant udah diyakinkan d'lom Doto Yesus bahwa com ado sesuatu yo nanjis d'ri hal nyin surang, tetapi b'gi urang yo nganggop bahwa segelo sesuatu te najis, mako hal nyin najis b'gi dirik'a. ¹⁵ Sebob, mun ati saudero kau telukok dongah sesuatu yo ikau makan, ikau com agik hidup sesuai kasih.Nang'ak ikau mbinasokan io ngan makanan ikau nyin, dongah Kristus gak dah mati ntuk'a ¹⁶ Dongah nyin, nang bierkan opei yo ikau anggop b'et di pitnah sebegei sesuatu yo jahat. ¹⁷ Sebob Kerajaan Allah kan'ak tontang makan kant minum, tetapi tontang kebenaran, damai sejahtera, kant sukocito d'lom Roh Kudus. ¹⁸ Sebob sopei pun yo melayan'ik Kristus ngan caro tuk bekenan pado Allah, kant dihormat'ik ensio. ¹⁹ J'di, mari'ak kito ngojer hal-hal yo ndetangkan damai sejahtera kant mbangun satu samo lain. ²⁰ Nan ngrusak pekrejoan Allah engkah dongah makanan! Segelo sesuatu halal, tetapi jahat'ak b'gi seseurang yo makan kant nyebobkan urang lain bedosa. ²¹ Lobih b'et com makan d'ging atau insup anggur, atau nglakukan hal lain yo d'pat nyebobkan saudero kau tesontuk. ²² Pijab'ak keyakinan yo ikau milik'ik ntuk dirik kau surang di adopan Allah. Bebahagia'ak urang yo com ngahakim'ik dirik'a surang teadop ope yo dianggop'a b'et. ²³ Akan tetapi, urang yo bimbang akan diukum mun io makan, dongah io makan com bedasarkan iman; kant segelo sesuatu yo com be'asal d'ri iman te'ak dosa