¹ "Kepado malaikat jemaat di Efesus tuliskan'a: Tuk'a pekatoan Io yo ngemijab tujoh bintank di jeri kanan-A kant yo bejelent di antaro kaki diant omas nyin: ² Aku ta'u semuo pekerjoant ikau kant jorih payah kau kant ketekunant kau, koti ikau com tahant teadop yo jahat, kant ikau nguji urank-urank yo nyobut dirik'a rasul, tapi sebonar'a sidok kan'a rasul, khant ngedapati sidok palsu. ³ Ikau ado ketekunan kan betahan demi demo Aku kan com ngenol lelah. ⁴ Tapi,Aku nogur ikau dongah ikau dah ninggelkan kasih kau yo semulo. ⁵ Dongah nyin,ingat'a derik mone ikau jetuh kan betobet sereto lakukan ope yo dah ikau kerjokan semulo.Mun com ,Aku 'kan nde'tank ka ikau kan ngambik kaki dian kau derik tompat'a,kecuali ikau betobet. ⁶ Tapi, tum yo ikau milik'i: ikau emboncik pebuetan-pebuetan paro pengikut Nikolaus, yo gak Aku benci. ⁷ Io yo ado telingo ronak'a ngendingo ope yo dikatokant Roh ka jemaat-jemaat. Kepado io yo menank, Aku 'kant mborikant makant derik Pohont Kehidupant yo ado di Tamant Allah." ⁸ Kant, kepado malekat jemaat di Smirna tuliskant'a: Tum'a pekatoant derik Yo Awal kant Yo Akhir, yo dah mati kant idop gik'a: ⁹ Aku ta'u kesusahant kant kemiskinant kau, tapi sebenar'a ikau kayo! Aku ta'u fitnah yo ditujukan ka ikau oleh sidok yo nyobut dirik urank Yahudi, tapi sebenar'a kan'a, ngelainkant jemaat iblis. ¹⁰ Nank golak teadop ope yo 'kant kau derito.Tongant'am, setant 'kant ngelemparkant beberope derik ikau ke penjaro supayo ikau diuji, kant ikau 'kant ngalam'ik penganiayoant selambet 10 ari. Setio'a sampai mati, kant Aku 'kant mborikant ka ikau mahkota kehidupant. ¹¹ Io yo ado telingo ronak'a ngendingo ope yo dikatokant Roh ka jemaat-jemaat. Urank yo menank com 'kant menderito oleh kematiaant yo keduak. ¹² "Kant, ka malekat jemaat di Pergamus, tuliskant'a: Tum'a pekatoant Io yo empunyaik pedank tajom bemato duok: ¹³ Aku ta'u dimone ikau tinggel, di tempot takhta iblis berado; tapi ikau bepijab pado demo Aku kant com nyengkal imant ka Aku bahkant pado jamant Antipas, saksi-Ku yo setio yo dimunuh di antaro kau, tompat iblis tinggel. ¹⁴ Tapi, Aku negorik kau dongah ado beberope di antaro ikau yo ngikuti ajerant Bileam, yo 'engajer Balak 'ntuk naruh sandungant di adop anak-anak Isreal, 'ntuk makant makanant yo dipesambahkant ka behala khant ngelakukan dosa-dosa seksual. ¹⁵ Piok gak, ado beberope diantaro ikau yo bepijab pado ajerant Nikolaus. ¹⁶ Dongah nyint, betobet'a! Mutn com, Aku 'kant segera d'tank ka ikau kant merangik sidok khant pedank derik mulut-Ku. ¹⁷ Io yo ado telingo ronak'a ngedingo ope yo dikatokant Roh ka jemaat-jemaat. Ka io yo menank, AKU 'kant mborikkant manna yo tasambunyi; kant Aku 'kant mborik'a ka io sebuah b'tu putih, kant sebuah demo baru tatulis pado b'tu nyint, yo com seurank pun ngeta'uik'a kecuali urank yo nerimok'a" ¹⁸ "Kant, kepado malekat jemaat di Tiatira, tuliskant'a: Tum'a pekatoant Anak Allah, yo mato-A tokuh nyalok api kant yo kaki-A menyalo tokuh tembago d'lom perapian: ¹⁹ Aku ta'u pebuetant-pebuetant ikau, kaseh kant imant kau, pelayanant kau kant kesaberant kau, kant bahwa pekerjoant-pekerjoant ikau yo teakhir ngelampau'ik yo petamo. ²⁰ Tapi, Aku negor ikau dongah ikau ngeronak'a betinok Izebel nyint, yo ngakuk sebagai seurank nabiah, ngajer kant nyosatkant pelayant-pelayantKu supayo bezina kant makant makanant yo dah dipesembahkant ka behala. ²¹ Aku dah mborik'a waktu 'ntuk betobet, tapi'a io bolek betobet derik zinah'a. ²² Tongant'am, Aku 'kan ngelempar'ik io ke atas tompat tiduk penderitoant kant sidok yo bezina khant'a 'kant Aku lempar'ik ke delom kasusahant bosar, kacuali sidok betobet derik pebuetant-pebuetant tinok nyint. ²³ Kant, Aku 'kant ngemunuh anak-anak'a kant kematiant; kant semuo jemaat 'kant ngeta'u'ik bahwo Aku'ak yo nguji pikirant kant ati urank, kant Aku 'kan ngeborik ka ikau mansink-mansink ngenurut pebuetant ikau. ²⁴ Tapi, ka ikau yo laent di Tiatira, yo com ngikutik ajerant tuk, yo belom ngeta'uik rahasia-rahasia iblis, Aku ngengato'kant: Aku com 'kant ngeletakkant bebant laent ke atas kau. ²⁵ Tapi, bepijab'a terus pado ope yo dah ikau milik'ik smpai Aku dtank. ²⁶ Kant, ka urank yo menank kant ngelakukant pekerjoant-pekerjoant Aku sampai akhir, Aku 'kant mborikkant kuaso atas bangso-bangso, ²⁷ kant sidok 'kant memerinto bangso-bangso nyint khant tongkat b'si, dihancurkant bekopink-kopink tokuh tembikar tukank periuk, dongah Aku gak dah nerimok kuaso derik Apak Aku. ²⁸ Kant, Aku 'kant mborikkant ka io bintank timur. ²⁹ Io yo ado telingo ronak'a ngedingo ope yo dikatokant Roh ka jemaat-jemaat."