¹ Jedi, mun dlom Kristus ado dorongan semangat, penghibur kasih, pesekutuan Roh, kasih sayang, kant belas kasihan, ² sempurnokan'am sukocitoku ngan sehati sepiker, ado kasih yo samo, dipesatukan d'lom roh, kant ado sutik tujuan. ³ Inang nglakukan opei pun d'rik ambisi yo egois atau kesombungan yo sio-sio; tatapi ngan kerendahan hati, anggop'ak urang lain lobih ponting d'ripado d'rik ikau surang. ⁴ Inang'ak mansing-mansing ikau engkah mandang kepado kepentingan kau surang, tapi gak kepado kepentingan urang lain. ⁵ Ronak'am pikeran tuk ado di antaro ikau, se'koti gam dimilik'ik tam Yesus Kristus, ⁶ yo walau pun milik'ik rupo Allah, Io com nganggop kesetaroan-A ngan Allah nyin sebegei sesuatu yo arus dipetahankan. ⁷ sebalik'a, io mbuat diri-A com ngemilik'ik ope-ope kant ngambakan dirik sebegei budak ntuk nyedi samo ngan rupo ensio. ⁸ D'lom keadaan-A sebegei ensio, Io ngrendahkan dirik-A ngan taat sampai mati, bahkan mati di atas kayu salib. ⁹ Ntuk alasan tuk'ak, Allah sangat ninggikan Io kant anugrahkan kepado-A demo di atas segelo demo ¹⁰ supayo d'lom demo Yesus, setiap lutut betelut--b'et yo ado di lengit, yo ado di bumi, maupun yo ado beruh bumi -- ¹¹ kant setiap lidah ngakuk bahwa Kristus Yesus te Doto, begi kemuliaan Allah, Sang Apak! ¹² Dongah nyin, saudero-saudero aku yo tekasih, sebegeimone ikau mogel taat--kan'a engkah tengkalo aku ado besamo kau, lobih-lobih tum tengkalo aku com besamo kau --krejokan keslamatan kau ngan golak kan gentar. ¹³ Sebob, Allah'am yo bekrejo di d'lom ikau, b'et ntuk ndak'ik ataupun ntuk ngrejokan opei yo ngenyenangkan-A. ¹⁴ Lakukan'am semuo,a nyin tanpa ngerutu atau bebantah ¹⁵ supayo ikau com becacat kan com besalah, sebegei anak-anak Allah yo com becola ditongah-tongah generasi yo bengkok kan sesat tuk, sehinggo ikau besinar di antaro sidok seb'gei torang di dunio. ¹⁶ Bepijab'am erat pado Firman kehidupan supayo pado ari Kristus, aku milik'ik alasan ntuk bemegah bahwa aku com belari ngan sia-sia kan bakrejo koras ngan sia-sia. ¹⁷ Sekalipun d'rah aku arus di ncurahkan tokuh cawan pesembahan di atas kurban kan pelayanan iman kau , aku ayah kan besukocito ngan ikau semuo. ¹⁸ Piok gam ikau, ngan alasan yo samo, ayah kan besukocito'am besamo-samo ngan aku. ¹⁹ D'lom Doto Yesus, aku beharap d'pat secopat'a ngutus Timotius ka ikau supayo aku dihiborkan,a tengkalo ngeningo kaber tontang ikau. ²⁰ Sebab, aku com mpunyaik urang lain tokuh io, yo ngan tulus peduli pado kesejahteraan kau. ²¹ Sebob, yo lain engkah sibuk dulikan kepentingan surang, kan'a kepentingan Kristus Yesus. ²² Tokuh ikau tau, Timotius dah mbuktikan dirik,a berogo, io ngelayanik besamo aku demi kemajuan pemberitoan Injil tokuh seurang anak kepado apak,a. ²³ Dongah nyin, aku be'arap d'pat ngutus io selekas'a seudah aku ngenau'ik opei yo nak terjedi ka aku, ²⁴ kan aku pecayok kepado Doto bahwa aku surang gak kan lekas d'tang ka ikau. ²⁵ Akan tetapi, aku bepiker prelu gam ngutus Epafroditus ka ikau. Io te saudero aku, teman pelayanan aku, teman pejuangan aku, kan gam urang yo mbeik posan ka ikau kan yo ngelayanik kebutuhan aku. ²⁶ Sebab, io sangat ngerindukan ikau semuo kan sangat susah ati'a dongah ikau ningo io sakit. ²⁷ Memang, doluk io begitu sakit sampai ampir mati, tapi Allah nunjukkan b'las kasih kepado'a-kan kan'a engkah ka io ngelainkan gam ka aku-supayo dukocito aku com betumpuk-tumpuk. ²⁸ Dongah nyin, aku jedi mangkin ndak ngutus'a balik ka ikau supayo ikau d'pat besukocito tengkalo ngenongan'a agik, kan bekurang'am kekuateran aku. ²⁹ Sambut'ak Epafroditus d'lom Doto ngan ponoh sukocito kan hormati'ak urang-urang tokuh io. ³⁰ Dongah io ampir mati demi pekrejoan Kristus; io ngepenaruhkan nyawo'a ntuk ngentikan bentuan yo com d'pat ikau borik ka aku.