1
Udah ado b'nyak urank bausaha nyusun sabuah catatan tontang cerito-cerito yo dah tej'di di tongah-tongah kito.
2
Tokuh halal'a catatan yo dah di sampaikan kepado kito tam urank-urank yo sejak semulo dah nyedi saksi mato kant pembrito Firman.
3
Dongah aku dah ngeplejerik semuo'a ngan teliti d'rik petamo, b'et'ak aku pun ngenulis'a secaro beurutan ntuk ikau, hey Teofilus yo mulio.
4
supayo ikau d'pat ngetahuik kebonaran tontang hal-hal yo dah diajerkan kepado ikau.
5
Pado maso pemrentah Herodes, Rajo Yudea, ado seurank imam bedemo Zakharia yo berasal d'rik kelompok imam Abia. Bini'a beasal d'rik keturunan Harun, kant demo'a te Elisabet.
6
Zakharia kant Elisabet te urank-urank yo b'nar di mato Allah. Sidok idup com becola sesuai ngan semuo ukum kant perintah Doto.
7
Akan tetapi, sidok com d'pat anak dongah Elisabet mandul kant keduok'a dah telalu tuo.
8
Tengkalo kelompok'a d'tang giler ntuk betugas, Zakharia d'pat tugas ntuk nyedi imam diadopan Allah.
9
Ngenurut kebiasaan keimaman, Zakharia tepilih bedasar undian tuk masuk ke Bait Allah kant mbekar ukupan.
10
Pado waktu ukupan di pesembahkan, seluruh umat bedoa di luar.
11
Tibo-tibo, malekat Doto nongankan dirik'a kepado Zakharia kant bediri di sebolah altar ukupan.
12
Tengkalo nongan malekat nyin, Zakharia nyedi bagoger kant sangat golak.
13
Akan tatapi, malekat tuk bekato kepado'a, ''Nang golak, Zakharia, sebab doa pemuhunan kau dah didingo. Bini kau, Elisabet, akan berenakan seurank anak lelaki bagi kau kant ikau akan nemoik'a Yohanes.
14
Ikau akan besukocito kant begembiro, kant b'nyak urank gam akan nundok besukocito atas kelahiran'a.
15
Io nak nyedi bosar di adop Doto kant com nak minum angur atau minum minuman koras lain'a. Bahkan, sejak d'rik d'lom kandungan umak'a io nak di diponuhi tam Roh Kudus.
16
Io nak mulah b'nyak urank Israel bebelik kepado Doto, Allah sidok.
17
Io nak bejelen ngendoluk'ik Doto ngan roh kann kuasa Elia, 'ntuk mulah ati apak-apak bebelik kepado anak-anak sidok'.
io pun nak mulah urank-urank yo com taat ntuk bebelik kepado hikmat urank-urank bujor. Dengan tokuh nyin, io nyiapkan umat yo dah disedikan ntuk Doto."
18
Zakharia bekato kepado malekat nyin, "Koti'ak aku nak ngetahuik tontang hal tuk? Sebab, aku tuk dah tuo dan biniku pun dah lanjut umor."
19
Malekat nyin nyaut, "Aku te'ak Gabriel, malaikat yo bediri di adopan Allah. Aku di utus ntuk ngomong ngan ikau kan nyampaikan kaber b'et tuk kepado ikau.
20
Tapi, tum dingo'am! Ikau akan nyedi bisu kant com ngomong sampai pado ari tengkalo hal- hal nyin tejedi dongah ikau com pecayok ke pekatoanku, yo akan gonap pado saat a."
21
Sementara nyin, umat nungguik Zakharia. Sidok betanyok-tanyok ngopei Zakharia telalu lambet di d'lom Bait Allah.
22
Tengkalo keluar, Zakharia com d'pat ngomong kepado sidok pei. Sidok pun ta'u bahwa Zakharia dah dpat penonganan di dlom Bait Allah sebab io terus menerus mulah isyarat kepado sidok, tapi com dpat ngomong.
23
Sedah jangka waktu tugas keimaman'a beahir, pulang'ak Zakharia ke umah'a. a.
24
Seudah kejedian nyin, Elisabet ngandung kan nyembunyikan dirik selambet limok bulen. io bekato,
25
"tuk'ak yo dah Doto mulah kepadoaku. Io pratikan aku kant ngapus malukku d'rik antaro urank b'nyak."
26
Pado waktu umor kandung Elisabet beumor enam bulen, Allah ngutus malekat Gabriel ke sebuah kota di wilayah Galilea, yo bedemo Nazaret.
27
Io di utus ntuk nomuik seurank perawan yo betunang dgan seurank lleaki yo bedemo Yusuf, keturunan Daud. Demo perawan nyin te'ak Maria.
28
Lalu, malekat nyin d'tang kepado Maria kant bekato, "Salam, hai ikau yo di berkati! Doto besertamu."
29
Ngeningo perkatoan nyin, Maria nyedi heran. Io betanyok-tanyok d'lom ati'a tontang arti salam nyin.
30
Malaikat nyin bekato kepado'a, "Nang golak, Maria, dongah Allah dah morik kasih karunia-A kepado ikau.
31
Dingo'am, ikau akan ngandung kant ngelahirkan seurank anak lelaki, kant ikau akan
ngedemo-A Yesus.
32
Io akan nyedi bosar kant akan di sobut Anak Allah Yang Mahatinggi. Doto Allah akan mori-A takhta Daud, inek moyang-A.
33
Io akan merentah atas keturunan Yakub ntuk selamo-lamo'a kant kerajaan-A com akan kolok beahir."
34
Lalu, Maria bekato kepado malekat nyin, "Koti hal tuk akan tejedi gikkan aku bolom belaki?"
35
Malekat nyin nyaut kant bekato kepado'a, "Roh Kudus akan d'tang atas ikau kant kuasa Allah Yo Mahatinggi akan ngenaungik ikau. Nyin'am sebab'a, Anak yo akan ikau lahir nyin te'ak kudus kant akan disobut Anak Allah.
36
Kant, ketahuik'ak bahwa Elisabet, sauderokau nyin, gik ngandung gam pado umor tuo'a. Io yo doluk di sobut mandul, tum dah ngandung selambet enam bulen dah.
37
Sebab, com ado hal yo mustahil begi Allah."
38
Kan, Maria bekato, " Sesungguh'a, aku tuk hamba Doto. Tejedi'ak pado aku tokuh yo ikau katokan nyin. " Lalu, malekat nyin pogi ninggelkan'a.
39
Pado ari-ari nyin, Maria besiap- siap ntuk segera pogi ke daerah pegunungan, ke suatu kota di Yehuda.
40
Io mansuk ke umah Zakharia kant morik salam ke Elisabet.
41
Tengkalo Elisabet ngeningo salam d'rik Maria, anak di d'lom kandung'a ngelumpat kant Elisabet diponuhi Roh Kudus.
42
Lalu Elisabet beseru ngan soro koras, " Diberkati'ak ikau di antaro semuo tinok, kant diberkati'ak buah kandungan ikau.
43
Sope'ak aku tuk sampai umak Dotoku d'tang kepado aku?
44
Sungguh, tengkalo soro salam kau sampai ke kelindang aku, anak d'lom kandungan aku ngelumpat dongah sukocito.
45
Bebahagia'ak io yo pecayok bahwa pei yo di katokan Doto kepado'a akan di gonapi."
46
Lalu, bekato'ak Maria, "Jiwaku mamuliakan Allah,
47
dan Rohku besukocito di d'lom Allah, Juru Selamat aku.
48
Sebab, Allah dah peritungkan hamba-A yo hina tuk. Dingo'am, mulai tum kant setorus'a, semuo generasi akan nyobutku bebahagia.
49
Dongah Io Yo Mahakuaso dah ngelakukan hal-hal yo bosar kepadoku, kant kudus'ak demo-A.
50
Rahmat-A diborikan d'rik generasi ke generasi, kepado urank- urank yo golak akan Io.
51
Io dah nunjukkan kuaso-A ngan jeri-A. Io mancerai-beraikan urank- urank yo sombung d'lom pikeran ati'a.
52
Io nurunkan paro penguaso d'rik takhta sidok, kan ninggikan urank- urank yo rendah ati.
53
Io dah ngonyangkan urank- urank yo le'par ngan keb'etan, tapi nguser urank kayo pogi ngan jeri puang.
54
Allah dah morikan petolongan kepado Israel, hamba-A, dongah mangingat rahmat-A.
55
Tokuh yo dah Io katokan kepado inek moyang kito, kepado
Abraham kant keturunan'a ntuk selamo- lamo'a."
56
Kant, Maria tinggel besamo Elisabeth kiro- kiro Tigo bulen lambet'a, Lalu io pulang ke umah'a.
57
Tum d'tang'ak waktu'a begi Elisabet ntuk brenak kant io mbrenakan seurank anak lelaki.
58
Belo tetanggok kant keluargo'a ningo bahwa Doto dah nunjukkan rahmat-A yo bosar kepado Elisabet, kant sidok turut besukocito besamo ngan'a.
59
Pado ari yo kedelapan,m sidok d'tang ntuk nyunat anak nyin. Sidok ndak ngedemoik anak nyin Zakharia, tokuh demo apak'a.
60
Tapi, umak'a bekato, "Com, io nak di borik demo Yohanes.''
61
Urank-urank nyin bekato kepado Elisabet , ''Com ado seurank pun di antaro adik beredik ikau yo didemoik ngan demo tuk.''
62
Lalu, sidok morik isyarat kepado Zakharia ntuk nanyokkan kepado'a, demo pei yo nak diborikan'a kepado anak nyin.
63
Zakharia mintok sebuah papan tulis, kant nulis tokuh tuk'' Demo'a Yohanes.'' Kant, semuo urank nyedi heran.
64
Se'tengkalo nyin gam, mulut Zakharia tebukok dan lidah'a tebebas. Io pun mulai ngomong kant mamuji Allah.
65
Semuo tetanggok sidok nyedi golak kant kejedian nyin nyedi bahan omongan di seluroh desa pebukitan Yudea.
66
Kant, semuo urank yo ningo hal nyin betanyok-tanyok d'lom ati sidok, ''Nak ngejedi pei anak tuk kalok?'' Sebab, jeri Doto ngenuntut'a.
67
Zakharia, apak Yohanes, pun di ponuhik ngan Roh Kudus kant benubuat, kato'a,
68
"Tepujilah Doto, Allah Israel sebab Io dah ngelawat kant ngenobus umat-A.
69
Io dah mbengkitkan tanduk keselamatan ntuk kito d'rik keturunan Daud, hamba-A,
70
tokuh yo Io firmankan ngelaluik mulut nabi-nabi-A yo kudus sejak doluk kala
71
supayo kito diselamatkan d'rik musuh-musuh kito, kant d'rik jeri semuo urank yo mboncik kito.
72
Io ngelakukan'a ntuk nunjukkan rahmat kepado inek moyang kito, kant dongah Io ingat akan pejenjian-A yo kudus,
73
yotuk sumpah yo Io ucapkan kepado inek moyang kito, Abraham,
74
bahwa kito akan dibebaskan d'rik jeri musuh-musuh kito supayo kito d'pat ngelayanik-A tanpa aso golak,
75
d'lom kekudusan kant keb'naran di adopan-A, seumor idup kito.
76
Kant ikau, anakku, akan disobut nabi Allah Yo Mahatinggi, sebab ikau akan bejelen ndoluk'ik Doto, ntuk nyiapkan jelen begi-A.
77
Ntuk morikan pengertian tontang keselamatan kepado umat-A
ngelaluik pengampunan atas dosa-dosa
sidok.
78
Dongah rahmat kant belas kasih Allah kito, sinar matoari nak nyinarik kito d'rik tompat tinggik
79
ntuk nyinarik sidok yo tinggel d'lom kegolapan kant yo ado d'lom bayang- bayang maut, ntuk ngenuntun kaki kito nuju kejelen damai sejahtera."
80
Mako, anak nyin betumbuh semakin bosar, kant makin kuat di d'lom roh. Io tinggel di padang belantara sampai d'tang waktu'a ntuk nujukkan dirik kepado bangsa Israel.