¹ Jedi,Saulus pun nyetujui Stefanus di bunuh. Pado ari nyin, Jema'at Yerusalem pun di periso'a secaro kojam sampe sidok baponcar piar ka wilayah-wilayah Yudea kan Samaria, kecuali para rasul. ² urank-urank be'et masar'ik Stefanus kan ratapan yo piok bosar ka io. ³ Mun tapi'a,Saulus tuk totap ba usaho ngebunuh jemaat kan mansuk ka umah-umah.Io nyeret lalaki kan tinok,di sorahkan sidok ka penjero. ⁴ lalu, sidok yo dah taponcar nyin bakalilink sambel memberitokan injil ⁵ Filipus turun ka suatu kota di Samaria kan beritokan injil tentank Kristus. ⁶ Kan, urank b'nyak kan seiyo sekato ningo segalo cakap filipus. Kan sidok dingo kan nongan ka tando-tando mustajab yo da pulah Filipus. ⁷ Dongah,roh-roh jahat kaluar deri urank-urank yo karasukan, sambel, manciak sakuat-kuat'a.kan b'nyak gam urank-urank lumpuh kan timpank yo da sombuh. ⁸ Dongah nyin,ado sukacito di kota nyint. ⁹ tapi, ado seurank laki benamo Simon yo sebelum'a dah praktekkan kemat di kota kan mulah kagum semuo urank Samaria, kan nyobut dirik'a urank bosar. ¹⁰ Semuo urank, mulai derik biak kocik sampai urank bosar, bekato, " Urank tuk yak'am kuaso allah yo di sobut 'bosar'." ¹¹ mako, sidok merik peretian ka io dongah dah lambet io dah mulah sidok takjub kan ilmu kemat'a. ¹² Setelah urank-urank nyin pecayok ka Filipus yo memberitokan injil tentank Kerajaan Allah kan demo Kristus Yesus, sidok dibaptis, beet lalaki ndakpun betinok. ¹³ Bahkan, Simon nyinpun pecayok kan setelah io dibaptis, io terus ado di somak Filipus, kan tengkalo nongan balo mujisat kan tando-tando ajaib yo tejedi, Io nyedi takjub. ¹⁴ pado sa'at nyin,tengkalo rasol-rasol di Yerusalem ningo bahwa urank-urank Samaria dah nerimok Firman Allah, sidok ngutus Petrus kan Yohanes kepado urank-urank di nun, ¹⁵ yo detank kan bedoa begi sidok supayo sidok nerimok Roh Kudus. ¹⁶ Dongah,Roh Kudus lom turun atas surank pun derik sidok, sidok engkah dah dibaptis di delom demo Dato Yesus. ¹⁷ Lalu Petrus kan Yohanes numpangkan jeria'a atas sidok kan sidok nerimok Roh Kudus. ¹⁸ Tengkalo Simon nongan bahwo Roh Kudus di borikkan ngelalu'ik penumpangan jeri rasul-rasol, Simon nawarkan duit kepado paro rasul-rasul nyi, ¹⁹ kan bekato, " Borik gam ke aku kuaso tuk supayo kepado sopei aku numpangkan jeriku kan nerimok Roh Kudus." ²⁰ Mun tapi'a, Petrus bekato kepado Simon, " Semoga duit kau nyin binaso besamokau dongah kau bepikir ikau depat moli karunia Allah kan duit! ²¹ com ado begian atau hak delom hal tuk dongah ati ikau com lurus pei di adop Allah. ²² Nyedi, betobet'a derik kejahatankau tuk kan bedoa'a ka Doto supayo, mun mungkin, niat ati kau depat di ampunkan ikau. ²³ Dongah, aku nge'nongan bahwo ati ikau tokuh empedu yo pahit kan delom jeratan kejahatan." ²⁴ Simon nyewob kan bekato, " bedoa'a ntuk aku ka Tuhan supayo ope yo dah ikau katokan com nimpa aku." ²⁵ Mako,dah Petrus kan Yohanes besaksi kan sungguh-sungguh kan ngengatokan firman Doto, sidok kembeli ke Yerusalem sambel beritokan Injil ke benyak desa urank Samaria. ²⁶ Dahnyin, malaikat Doto becakap ka Filipus, kato'a, " Bengkiat'am kan pogi'am ke Selatan, ke jelen yo turun derik Yerusalem ngarah ke Gaza. Jelen nyIn adolah jelen yo sepi." ²⁷ Filipus pun bengkit kan berangkat. Kan, tampak seurank Etiopia, yo adolah sida-sida derik seurank pejabat pengadilan Sri Kandake, Ratu Kerajoan Etiopia. Io betanggungjewab atas semuo harta sank ratu. Io dah detank ke Yerusalem ntuk beibadah, ²⁸ kan gik pulank, sambel duduk di delom kereta'a kan membeco kitab Nabi Yesaya. ²⁹ Lalu, Roh bekato ka Filipus, " Pogi kan begebunk am kan kereta nyin." ³⁰ Mako, Filipus bekeragok ke kereta nyin kan ningo urank nyin gik mbaco kitab Nabi Yesaya.Filipus betanyok kepado'a, " Opekah du'en ngareti 'pe yo gik duen beco?" ³¹ Kan, urank nyin nyawob, " Koti aku biso, kecauali seurank mi'mink aku?" Mako, io ngundanK Filipus ntuk nait kan duduk besamo kan iyo. ³² pado sa'at nyIn, begian derik kitab suci yo gik io baco adolah tuk," Io di beik tokuh seikuk domba ke tompat penyembelian, kan tokuh seikuk anak domba sabelom di guntink bulu'a embisu sehinggo Io com mukak mulut-A. ³³ Delom kahina'an-A kecom'adilan di rampas derik'A. Sope yo depat enceritokan katurunan Sien? Dongah,hidup Sien dah dirampas derik bumi." Yes 53:7-8 ³⁴ Dahnyin, sida-sida nyin njewob kan bekato ka Filipus, " Aku muhun ka kau, tentank sope sang nabi ngatokan hal tuk, tentank dirik'a surank atau tentank urank lain?" ³⁵ Lalu,Filipus mukak mulut'a, kan mulai derik kitab suci tuk, io bekotbah tentank Yesus ka io. ³⁶ Kan, sa'at sidok pogi nompuh pejelenan, sidok sampe di tompat beaik, kan sida-sida nyin pun bekato, " Tongan'am, ado aik!'Pe yo nghalang'ik aku ntuk di baptis?" ³⁷ [Lalu Filipus bekato, " Mun duen pecayok kan seponuh ati, duen depat dibaptis." Lalu io nyewob kan bekato," Aku pecayok bahwo Kristus Yesus yak'am Anak Allah.") ³⁸ Dahnyin, sida-sida nyin te merentahkan kereta ntuk berenti. Kan, sidok beduok turun ke aik, Filipus kan sida-sida nyin,lalu Filipus ngebaptis'a. ³⁹ Abis sidok beduok keluar derik aik,Roh Deto me'ik Filipus pogi, kan sida-sida nyin com dah nongan'a, lalu ngelanjutkan pejelenan'a sambel besukocito. ⁴⁰ Tapi'a, Filipus ndepat'ik dirik'a ado di Asdod, kan tengkalo io nglewatik kawasan nyin, io emberitokan Injil ke semuo kota sampe io detank di Kaisarea.