¹ Pado ari-ari nyin te, sa'at jumloh murit sama'kint batambah,adolah koluh kosah derik urank-urank Helenis ke balo urank-urank Ibrani asli nongah'a jendo-jendo diok dah di abai'a delom palayanan ma'kan setiap ari' ² Mako, kaduok bolas rasul nyin nyapo semuo murit kan bekato, "Com benar kalim begi kami ngabai'a Firman Doto demi palayan meja. ³ Nongah nyin,, saudaro-saudaro ,pilih'a tujuh urank derik antaro kulok yo dah tabukti beit, ponuh kan Roh Kudus kan hikmat, yo ndak kami angkat untuk tugas tuk. ⁴ sedangkan, kami nak batokun delom doa kan delom pelayan Firman". ⁵ Panyataan nyin te ngayah'ik ati semuo urank. Kan, sidok milih Stefanus,urak yo ponuh kan iman kan Roh Kudus,kanFilipus,Prokhorus,Nikanor,Timon,Parmenas,kan Nikolaos,seurank proselit derik Antiokhia. ⁶ Sidok nyin te di be'ik ka adop balo rasul,kan setelah badoa,para rasul nyin te ngobah jeri'a ka atas tujuh urank nyin te. ⁷ Firman Allah makin tasobar kan jumlah murit di Yerusalem makin batamah. bahkan, sakalompok b'sar imam nyedi taat ka iman nyIn te. ⁸ Dan,Stefanus ponoh kan anugrah kan kuaso,dah ngelaku hal menakjubkan kan tanda-tanda mustajab di antaro urank b'nyak. ⁹ Tapi, babarope urank derik umah samayank urank yahudi[sinagoge] yo di sobut urank-urank Libertini,beit urank-urank Kirene nakpun urank-urank Aleksandria,kan babarope derik Kilikia kan Asia, bengkit kan batengkar kan Stefanus. ¹⁰ Tapi'a,sidok nyin com mampu'a mantah kebijaksanaan kan Roh yo khan Stefanus bekato-kato. ¹¹ Lalu, kan diom-diom sidok ngasut beberope urank ntuk bakato," kami dah ningo urank tuk ngucap kato-kato hujat tehadop Musa kan Allah!" ¹² Kan,sidok ndoronk urank-urank benyak, tuo-tuo,kan ahli-ahli Taurat,lalu di de'tang'a Stefanus,ditangkap'a, lalu di bei'ik'a ka adop Sanhedrin. ¹³ Sidok ngadopkan saksi-saksi palsu yo ba kato," Urank nyin tuk com kolok baronti pe ngucap kato-kato yo ngalawan tempat Kudus tuk kan hukum Taurat. ¹⁴ Sebob,kami dah ningo io ngato'a kalau Yesus derik Nazaret ndak ngancurkan tempat tuk kan ngubah adet istiadet yo dah di waris'a oleh Musa kepado kito." ¹⁵ Kan sa'at nongan muko Stefanus, semua orank yo duduk delom sanhedrin nongan muko'a tokuh muko malaikat.