¹ Aku beharap, ikau sabe'r teadop aku d'lom sikit kebuduhanku, kant ikau mang sabe'r teadop aku. ² Dongah aku ngeraso cemburu kepado ikau ngan kecemburuan Allahi dongah aku dah nunangkan ikau ngan sutik le'ki, yo'nyin mpesombahkan kau sebe'gei perawan yo suci kepado Kristus. ³ Tapi, aku golak, nang-nang, samo tokuh ular yo ngan kelicikan'a nipu Hawa, piok gam pikeran kau kan disosatkan d'ri ketulusan kant kemurnian pengabdian d'lom Kristus. ⁴ Dongah ikau sabe'r jam tengkalo seurank d'tang kant mbritokan tentang Yesus yo le'in, yo beda ngan yo kami britokan, atau tengkalo ikau nerimok roh yo bebeda, yo bolom kolok ikau terimok, atau injil le'in yo bolom kolok ikau terimok. ⁵ Pikerku aku com'ak kurang d'ri b'lo rasul luar biaso nyin. ⁶ Bierpun aku com pande'i d'lom hal pekatoan, tapi'a com piok de 'lom hal pengetahuan, dongah ngan bebe'gei caro, kami dah nunjukkan'a kepado kau d'lom segalo hal. ⁷ Atau, peikah aku ngelakukan dosa tengkalo ngerendahkan dirikku surank supayo ikau d'pat ditinggikkan dongah aku mbritokan Injil Allah kepado kau ngan cuma-cuma? ⁸ Aku ngerampok jemaat-jemaat le'in ngan nerimok upah d'ri sidok ntuk layan'ik ikau. ⁹ Kant, tengkalo aku besamo kau kant melarat, aku com mbeban'ik seurank pun dongah saude'ro-saude'ro yo d'tang d'ri Makedonia monuh'ik kepreluanku. Kant, d'lom segalo hal, aku nje'go dirikku ntuk com nje'di beban be'gi kau kant aku kan mogel ngelakukan'a. ¹⁰ Tokuh koti kebenaran Kristus di d'lomku, kebanggaanku tuk com kan dihalang'ik di wilayah-wilayah Akhaya. ¹¹ Ngope? Peikah dongah aku com ngasih'ik kau? Allah yo ngetau'ik-A! ¹² Tapi'a, aku akan tumeh ngelakukan pei yo kulakukan hinggo aku d'pat nungkung kesompatan d'ri sidok yo endakkan kesompatan ntuk did'pat'ik samo tokuh kami d'lom hal-hal yo sidok banggakan. ¹³ Dongah urank-urank tokuh nyin te rasul-rasul palsu, pekrejo-pekrejo yo curang, yo nyamar sebe'ge'i rasul-rasul Kristus. ¹⁴ Hal nyin com nganjetkan dongah Iblis pun nyamar nje'di tokuh malaikat torang. ¹⁵ Dongah nyin, com'ak nganjetkan mun b'lo pelayan'a pun nyamar tokuh b'lo pelayan kebenaran, yo kesudahan sidok nyin kan setimpall ngan pebuetan'a surank. ¹⁶ Sekali gim, aku ngatokan nang ado sutik pun yo nganggop aku tuk budu. Munpun piok, terimok'ak aku sebe'ge'i urank yo budu supayo aku pun d'pat sikit bebangga. ¹⁷ Ope yo aku katokan d'lom hal keyakinan kan kebanggaan tuk, aku com ngatokan'a tokuh ke'endak Doto, mele'inkan tokuh d''lom kebuduhan. ¹⁸ B'nyak urank yo bebangga secaro d'gin. J'di, aku gam kan bebangga. ¹⁹ Dongah ikau piok bijaksana sehinggo ngan ayah ati ikau besabe'r teadop urank budu! ²⁰ Ikau besaber, mun ado urank yo mpehamba ikau, nolan'ik kau, ngambik keuntungan atas ikau, ninggikkan dirik'a, atau nampar muko kau. ²¹ Ngan sangat malu aku cak ngatokan bahwa kami telalu lomah ntuk hal nyin! Tapi, pei pun yo urank le'in bere'ni ntuk bebangga, --aku ngomong tokuh urank budu -- aku pun bere'ni. ²² opekah sidok urank Ibrani? Aku gam. Peikah sidok urank Israel? Aku gam. Peikah sidok keturunan Abraham? Aku gam. ²³ Opekah sidok melayani'ik Kristus? Aku lobih-lobih gik -- aku bekato-kato tokuh urank gilo. Jorih payahku lobih b'nyak, lobih puas d'lom penje'ro, pungkalan-pungkalan yo com d'pat di itung, kant lobih puas beado d'lom bahayo maut. ²⁴ D'ri urank-urank Yahudi, sebe'nyak limok kali aku dah nerimok empat puluh kurang sutik cambukan. ²⁵ Tigo kali aku di pungkal ngan rotan, sekali dilempar'ik b'tu, tigo kali di kapal karam, semalam kant seari aku diseret ombak di laut. ²⁶ B'nyak kali d'lom peje'le'nanku, aku teancam bahayo d'ri aik, d'ri b'lo perampok, pihak urank-urank Yahudi, kant urank-urank kana Yahudi. Aku diancam bahayo di kota, di padang bekantaro, di laut, kant gam bahayo d'ri saude'ro-saude'ro palsu. ²⁷ Aku dah bejorih payah kant bekrejo boret, tetap tejego, kelaparan kant keausan, puas com ado makanan, d'lom kecolapan, kant tanpa be'ju. ²⁸ Kant, sele'in hal-hal tuk, ado gam masalah seari-ari yo nje'di tanggung jawabku ntuk pemeliharoan atas semuo jemaat. ²⁹ Sopei yo lomah, kant aku com lomah? Sopei yo teje'tuk, kant aku com bedukocito? ³⁰ Mun aku cak bangga, aku kan bangga atas hal-hal yo nunjukkan kelomahanku. ³¹ Allah kant Apak Doto Yesus, yo cak dipuj selamo-lamo'a, ngetau'ik bahwa aku com ngelakar. ³² Di Damaskus, gubernur di beruh Rajo Aretas ngawas'ik kota Damaskus ntuk nangkop aku. ³³ Tapi, aku diturunkan d'lom sebuah keranjang d'ri sebuah jendelo di tembok, mangko aku telopas d'ri je'ri'a.