¹ ngonok'ik degin-degin yo dipesombahkan kepado brhala-behala. kito tau bahwa kito semuo mpunya'ik pengetahuan. pengetahuan mulah sombung, tetapi kasih mb'ngun. ² Mun ado urank yo ngiro bahwa io tau sesuatu, io bolom ngetau'ik yo seharus'a io tau. ³ Tapi, mun seurank ngasih'ik Allah, io dikenal tam Allah. ⁴ Dongah nyin, tentang makanan degin-degin yo dipesombahkan kepado behala, kito tau bahwa com ado behala di dunio tuk, kant com ado Allah kecuali Io, sutik-sutik'a. ⁵ Tapi, mun pun ado yo disobut allah-allah, b'et di surga ndak pun di bumi,(sebagaimone ado b'nyak"allah" kant ado b'nyak "doto"), ⁶ Tetapi b'gi kito engkah ado sutik Allah, yaitu Bapa. D'rik Io'ak segala sesuatu kant kito ado ntuk Io. Kant, engkah ado sutik Doto, yaknyin Kristus Yesus, yo tam-A segala sesuatu ado, kant kito ado ngelalu'ik Io. ⁷ Bierpun piok, com semuoensio ado pengetahuan tuk. Tapi, beberopei urank, yo dah tebiaso ngan behala sampai tum, memakan makanan nyin sebegei makanan yo dipesombahkan bahkan kepado behala. dongah nyin, ati nurani sidok yo lomah j'di tecemar. ⁸ Makanan com akan nyomakkan kito kepado Allah. Kito pun com akan lobih buruk pun mun com makan, atau com lobih b'et gam mun kito makan. ⁹ Tapi, ingat'ak bahwa kebebasan kau tuk nang'ak malah nj'di b'tu sandungan b'gi sidok yo lomah. ¹⁰ Dongah, mun ado urank yo nongan ikau, yo ado pengetahuan, makan d'lom kuil behala, kankah ati nurani'a, mun io lomah, akan diteguhkan ntuk makan degin-degin yo dipesombahkan pado behala? ¹¹ J'di, ngelalu'ik pengetahuan kau, urank yo lomah nyin, yaknyin saudero kau, yo ntuk'a Kristus dah mati, nj'di binaso. ¹² J'di ngan bedosa teadop saudero-saudero seiman kau kant ngelukok'ik ati nurani'a yo lomah, mako ikau bedosa teadop Kristus. ¹³ Dongah nyin, mun makanan nyebabkan saudero seimanku tesandung, aku com akan kolok makan degin sampai selamo-lamo'a supayo aku com mulah sauderoku tesandung.