¹ saudero-saudero, aku com d'pat ngomong kepado kau tokuh kepado ensio yo rohani, melainkan tokuh kepado ensio duniawi, yaknyin, tokuh kepado bayi-bayi d'lom Kristus. ² Aku mborik kau insup susu, kan'a makanan, dongah ikau lom mampu, bahkan tum ikau pun lom mampu, ³ dongah ikau gik duniawi. Sebab, mun ado iri ati kant peselisihan di antaro kau, kankah ikau gik duniawi kant idup secaro ensio? ⁴ Sebab, tengkalo seseurank bekato, "Aku di pihak Paulus," kant yo lain, "Aku di pihak Apolos," kankah nyin bereti ikau te ensio? ⁵ Lalu, sopeikah Apolos nyin? Kan, sopeikah Paulus nyin? Hamba-hamba yo tam'a ikau nj'di pecayok tokuh yo Doto karuniakan kepado mansing-mansing. ⁶ Aku nanam, Apolos nyiram, tetapi Allah yo numbuhkan. ⁷ J'di kan'a yo nanam, kan'a gak yo nyiram, ngelainkan Allah yo numbuhkan. ⁸ Urang yo nanam kant yo nyiram te sutik'am, kant mansing-mansing akan nerimok upah'a surank sesuai ngan usaha'a surank. ⁹ Sebab, kami te kawan sekrejo Allah; ikau te'ak lakau Allah, b'ngunan Allah. ¹⁰ Sesuai ngan anugerah Allah yo dikaruniakan kepadoku, tokuh seurank ahli b'ngunan yo terampil, aku ngeletakkan fondasi kant yo lein mb'ngun diatas'a. Tapi, setiap urank cak mperhatikan koti io mb'ngun diatas'a. ¹¹ Sebab, com ado seurank pun yo d'pat ngeletakkan fondasi yo lain selain yo dah diletakkan, yaknyin Kristus Yesus. ¹² Mun, ado yo mbangun di atas fondasi tuk ngan emas, perak, b'tu-b'tu behargo, kayu, rumput, jerami, ¹³ pekrejoan yo dilakukan setiap urank akan jelas dongah Ari nyin akan nyatokan'a ngan api, kant api nyin surank akan nguji koti jenis pekrejoan setiap urank. ¹⁴ Mun pekrejoan yo dah seseurank b'ngun nyin betahan, io akan nerimok upah. ¹⁵ Mun pekrejoan urank nyin tebakar abis, io akan mendrito kerugian, meskipun tokuh nyin, io surank akan diselamatkan, tetapi keadaan'a tokuh ngelalu'ik api. ¹⁶ Com taukah ikau bahwa ikau te Bait Allah kant Roh Allah tinggel di d'lom kau? ¹⁷ Mun ado urank yo ngancurkan Bait Allah, Allah akan ngancorkan io dongah Bait Allah te'ak kudus, yaknyin ikau. ¹⁸ Nang ado urank yo nipu dirik'a surank. Mun ado urank di antaro kau ngiro bahwa io bijaksana pado zaman tuk, ronak pom io nj'di budu supayo io d'pat nj'di bijaksana. ¹⁹ Dongah, hikmat dunia tuk te kebuduhan di adopan Allah. Dongah, ado tetulis, "Io'ak yo ngenangkap urank bijaksana d'lom kecerdikkan sidok," ²⁰ kant agik, "Doto ngetau'ik pikiran-pikiran urank yo bijaksana, semuo'a te sia-sia." ²¹ Dongah nyin, nang ado seurank pun yo bemegah d'lom ensio. Dongah, segala sesuatu te wak ikau, ²² b'et Paulus, Apolos, ndakpun Kefas, b'et dunio, b'et idup ndakpun kematian, b'et hal-hal yo tum ndakpun hal-hal yo akan d'tang; semuo'a te wak ikau. ²³ Kant, ikau te wak Kristus, kant Kristus te wak Allah.