¹ kami tau bahwa mun kemah, tempat kedioman kito di bumi tuk diruntuhkan, kito mpunya'ik sebuah b'ngunan d'ri Allah, sebuah rumah yo com dipulah ngan j'ri, yo kekal di surgo. ² Selamo kito ado d'lom kemah tuk, kito nge'luh dongah kito rindu ntuk ngonokkan tempat kedioman surgawi kito, ³ Dongah, tengkalo kito ngonokkan'a, kito com gik di d'pat'ik telanjang. ⁴ Selamo kito beado d'lom kemah tuk, kito ngoluh kant teboben dongah kito com ndak telanjang mele'inkan bepakaian supayo yo fana nyin ditolan tam idup. ⁵ Tum, Io yo mpersiapkan kito ntuk tujuan tuk te Allah, yo mborikkan Roh kepado kito sebe'gei jaminan. ⁶ Dongah nyin, kami mogel saber kant nyadar'ik bahwa tengkalo kami ado di umah d'lom tubuh tuk, kami beado di luar Doto. ⁷ Dongah, kami idup tam iman, kan'a idup tam penonganan. ⁸ Tapi'a, kami saber kant lobih suko tinggel di luar tubuh tuk lalu tinggel besamo Doto. ⁹ Tam dongah nyin, kami berusaho supayo kami bekenan kepado Doto, entah kami tinggel di tubuh tuk atau beado di luar. ¹⁰ Dongah kito semuo cak diadopkan di depan bengku pengadilan Kristus supayo setiap urank d'pat nerimok b'lik hal-hal yo dilakukan d'lom tubuh'a, sesuai ngan pei yo dah dilakukan'a, entah nyin yo b'et atau pun yo jahat. ¹¹ Dongah kami tau reti'a golak kan Doto, mangko kami meyakinkan urank le'in. Tapi, kami dah nyato b'gi Allah kant aku beharap nyato gam b'gi ati nurani ikau. ¹² Kami com beusaho gik muji-muji dirik kami kepado kau, tapi kami mborikkan ikau kesompatan ntuk bangga teadop kami. Ngan piok, ikau kan mpunya'ik jawaban ntuk sidok yo bangga atas hal-hal lahiriah kant kan'a atas opei yo ado d'lom ati. ¹³ Mun kami com nje'di dirik kami, hal nyin te ntuk Allah. Mun kami nje'di dirik kami, nyin ntuk kepentingan ikau. ¹⁴ Dongah kasih Kristus nguaso'ik kami tengkalo kami nyimpulkan bahwa mun sutik urank mati ntuk semuo, mangko sidok semuo'a mati. ¹⁵ Kant, Io mati ntuk semuo supayo sidok yo idup com gik idup ntuk dirik sidok surank, mele'inkan ntuk Io, yo dah mati kant dibengkitkan demi sidok. ¹⁶ Dongah nyin, d'ri tum kami com gim nilai seurank pun menurut keadoan lahiriah'a. Bie'rpun kami kolok ngenal Kristus secaro lahiriah, tapi tum kami com gik nilai-A tokuh nyin. ¹⁷ J'di, sopei yo ado di d'lom Kristus, io te ciptoan b'ru. Hal-hal yo lambet dah belalu, tongan'am, hal-hal yo b'ru dah d'tang. ¹⁸ Semuo hal tuk te d'ri Allah, yo mpedamaikan kito ngan dirik-A ngelalu'ik Kristus kant morik kito pelayanan pendamaian nyin, ¹⁹ yo'nyin d'lom Kristus, Allah ndamaikan dunio ngan dirik-A surank, ngan com mpritungkan pelanggaran-pelanggaran sidok kant dah mpecayokkan berito pendamaian kepado kito. ²⁰ J'di, kami te duta-duta Kristus. Allah nunjuukkan panggilan-A ngelalu'ik kami. Kami bebicaro kepado kau demi Kristus, borik'am dirik ikau dipedamaikan ngan Allah. ²¹ Io yo com ngenal dosa dah dipulah-A nje'di dosa dongah kito supayo kito dibenarkan Allah di d'lom Io.