¹ Labaranai Mori neni ege ate dita koko, neni waddi tengo waddi lango, mono hamanawara wungo. ² hatengu langini ege ate dita koko, hamanawara wungo loppo dumo hawungo paha ngaddami. ³ Abum hangadakan tutu dagumi, abim bebbo halla dokkau, li wawa ateki la bara ole tommu. ⁴ abum wakani habe ate dagumu, hangada kingo ole tommu. ⁵ Nepa ngadami, bada pangadanani moro Yesus. ⁶ Loko bahekna hadana maroba Allah, Moroba Yesus, Kagu hamera dongani jawekmana ⁷ kabalna, maroba Yesus napa hada wungo la to milla, loppo napa ata wungo kahengo hada toiyo. ⁸ Hadanai mori, Hada toiya, liwawa ate, koha bana dukin mate, loppo dummo mate la yayu pakadello ⁹ oro bahennaka maroba Allah, kiki maha deta guni na ngarama maroba Yesus tangana na ngara laponu tana ¹⁰ lodona la nagaranaimaroba Yesus kada kawojo kataba kanengo la langta, mono la pontana, loppo kanengo lakabtana. ¹¹ Lopo loma kama ngakuni Mori Yesus, monoi Maroba Allah, kahoda teng langngo Bapa haweda. ¹² Yommi bagu ole beggimi pamanawaragu liwawami banega, loppo bajanega, loppo hayillini hamorho dongami mono abum kabohkami. ¹³ oro Maroba Allah,kapa yilli labarami, tutna hakab atemi karehi doha. ¹⁴ payil kohani papa yilimu abum tubarakan. ¹⁵ abum jalami ba ana Allahmi lahadu ole bou monemi, kaka lego mono kajolora, monno yommi kam engango bam manadango loho bamhiura lapontana. ¹⁶ wugu hamodoni li ege ate dita kokonai Mori, la lodonai Kristus, yayo nenni pahangada rayi rame tutna payilli kamanggona jeka liloko. ¹⁷ Loko bahekna yayo banenni wemaringi, kahengo koba pamanuta waya tut hatengo, yayo lagebora lagebora donga gimi. ¹⁸ hedu mona yomi lagebora lagahara tangakohada waga dugu. ¹⁹ Nola aroba Yesus, yayo moneni kana malewara pawede yai Timotius la barami, orona yayo da pakadongkawa lajongana bagrongowa liyo tuttum yommi. ²⁰ Orongo yayo janekmango toheka kahamerango iyo kabengo hamadya kadoha. ²¹ orongo he haweddaka, engango bada bada mayegango tut dagda, jatut mananiy Kristus Yesus. ²² Kahengo yommi tajaya yiyo Timotius ba toyo paha wolya, iyo legu hadukkini li ege ate dita kokoi mori kahengo lakeda a bara bapana. ²³ oro bahenneka yayo, moneni pawede habalya kana tajaya ahan kadadi labaragu. ²⁴ Yayo patengya Maroba Allah, ya dummo mawala baramu. ²⁵ taidoya, yayo guha ngadadi, pawede pikya Epafroditus labaramu. Iyo ole begguni, ole hayilguni, mono ika ngodya na ligu paha tuba gugimi, monno kapongadi habeggu. ²⁶ yomi nama nawara gimi ngara dukkami mono na hodu na atena orona bamtajawani bana kalawara. ²⁷ Atna bana kalawara hodi moya bana mate, tabolloi Allah napa tingoni na doha ate-Na labarana, mono je iwakbelek mango tabollo hejalango la yayo. abna hakitango nama yillagu. ²⁸ Nebahenna, gubeni hawede habalya labaramu, kami ma gebora habalimi bam itekaya, kana hawawa wango ha gogagu. ²⁹ Tobokayai Epafroditus ledeniy maroba Allah wango magabora mono ha akaya tangada toyo kahengo. ³⁰ orona kamhana mate oro hayillini Kristus, napatabarani na lolo ngahuna kana jeluwadi hi matullu jeha dukkami bam hatabaragadi.