PAULUS NAKAREYA NAWEMARNGI WEMALALA WALI LAMORIDA MAROBA ALLAH ¹ Lodona, bagu ole begimla ,karekigama wemaringi wemalala la tuba tokima yama,tanam limadori kana gehamahobara mokana maringingo kahengo kadadi labara pola tommu. ² Mono ranam kama paholai walla to kabokala ate mono kajapata orongo ngara dukka toyo jana hatenakma. ³ Ta idoka na Morida engango bana tulda engango banaha kulhada mono bana goluda wal kangara dukango kajapata. ⁴ Yama engadongo bama hatena la haduna Morida orongo yommi ba engango bam rayini mono bam hangatango rayini ba ahani pahawedemu. ⁵ Kanyurukana na Morida Allah bana haaroguni na atena manawarana labaramu mono bamu mojoli katabawu lai Kristus TAGUN NAHAYILI ⁶ Ngara dukam bagu olebegim nebahenaka paharegu labarami halini langorana morida ida Yesus Kristus ,Tanam kamu marodi pola tommu wali la olebem-olebem kamorha maya ate mona jaka duki apani pahibamu limanawara walilayama. ⁷ Mutaja daguya ba apanehoni tona hadokumugama yama orongo yama jama maya atekma bama olegu. ⁸ Yamadima jama mukmani na hamuyo toyo heka ba jamabayara kani,dodohanaka, mayega mono maha yilli hadoha lodo mono huddo tanamu abu mawutani labarami yomi ngaradukami. ⁹ Jawuk janenekmango dagugu tutna atu orongoka nana mama hatabarawuni nana polatomma tanam kada ite tuja mona kada dokuni. ¹⁰ Tabollo bama olekahogu yama mawango yina li pareha ''hitu toyo baja wawaka hayili abudamuka'' ¹¹ Tabollo yama marongo nedi labaramu kamorha lamaya ate,jada wawakma hayili tabolo habeda rayidi heme jaka doha jaka mangu gona. ¹² Toyo kahengo hatu yama maparehayi mono mawadi lihanu dalo langarana morida Maroba Yesus Kristus tanam kana hayilli mono kadoha mono namuni rotidaguna. ¹³ Tabollo yomi, ole begu-olobegu, abum mayakawu rayini kadoha. ¹⁴ Banekango to'o jakahadoku ahan hatokima dalo lahurata, taidkaiyala nana to'o mono abumu dokukani tanamu kana moke. ¹⁵ Tabollo, abumu mbuhu donga kananila, tabollo hapenanila kahengo olebe nijamu. PAHAAPE MURIGLA ¹⁶ Morida nawoda wemaringi wemalala loho moli makora huddo mono lodo nono ngaradukkada kadadi. Morida namaringi kohakam. ¹⁷ Yayo, Paulus, natulhayu yinaliyo nawadi limadaguna orongo tadkadadka hurata haorolimana hejalango duggu bagu tulhaya. ¹⁸ Kanyuru kawali la Morida ida, Yesus Kristus, nahamaringi kohami.