¹ Atkaullu, neddi toyo kajapata, kaha tujja latoyo kaha tena, la jonga ana witi ana limanai Allah, kahengo neba henna, nejaladi toyo kajapata kahanuwadi li hanuwa-li hanuwa kali laka bellango, lohho nakabalkoni Mori, kapalohiyi wali la kabera kageha la pola to dagda. ² Monemmedi toyo ka danga kadokudi kanogo mohoda kajepa tajango, mono oro iyi, lara katena kahajoloroni ³ Kanogo dadarada bada bada dekewangu utu labaramu bada wango panewe kabolko, rokada walka ullu jahha bullada, mono naha mera kohada dukin bana bunga ⁴ Mordai Maroba Allah, jana tahi wukmango oro dokjala dadi ana witi ana limana, taidoka na lettodi hado kaka pogtongo duk lodo rahi kapodi nani kadoha ⁵ Mordai Maroba Allah bajana manawarakan natana ullu abini Nuh, toyo kadukini li katena bonooleda kapit tongo, tabollo naha poneni weyo bonu pone laponu tana tutna jeka tajaya Maroba Allah ⁶ Mordai Maroba Allah naha buruni na ukna la Harona Sodom mono Gomora, wani harayina nahamukon hedu harona, duk bana dadi kobkoi, mono narayidi tujja nemme kadadi tuttu pola todda ngara dukkada toyo kajapata kamorho nemme la lodo murna ⁷ Morda Maroba Allah, bana hatolekodiyi Lot, toyo kaha tena, kahibayi nama yila kawali la morho kajapata wali la toyo kaje tajaya na uku pata ⁸ (Lajonga iha lodo Lot engana iha lodo- iha lodo la barada, mono dewana katena nama yilla bana itteyi mono bana rongoyi paraina kajapata paitena mono parongan); ⁹ Ma Maroba Allah engango bana tajayi tut tolekada toyo kaha tena walla hajode mono toyo kajapata bana rayidi ukuna neme na lodo pakawukna. ¹⁰ Ngara dukkada kabenni pola tonna kajapata, mono kaka bedongo. ¹¹ Ba ikayi hiyo malaikat karehi kulho mono katalo harehana jeda tokikmayi hanewe hakulro labarana la aronai Mori ¹² Toyo kawohoko na tujayi haranga kajemangu paha ngadana, paha dadida kawopaya mono kaha mateya mono kapa wihhoko apan jeha tajada dapa yelidi mono dapa mohho donga guni ¹³ Mono nemmeni kadogo kajapat kaduki labarada tuttu podadani doku jalada. Bada hangada wuda mera toyo jilroy bana lodongo, bada rame dangayi. ngara dukkada kadoku kajala, moda yelango la jonga morha kamanyiko langna tongrongo bada modongo ¹⁴ Ngara dukkada da kolen nakanogo koplo, pawihoko, mono jada ngahma rayini kajapata, da godayi toyo danga kaloja mawala, mono ateda daha doma wuda laka nogo dadara, ngara dukkada toyo jaka hanyingo. ¹⁵ Ngara dukkada da jenni na lara katena mono da dokuni na lara kajapata, yina lara Biliam bin Beor; kahamdango hibba kahewa tut haraida kajapata ¹⁶ idoka, da kolengo liyo kaka dongko tutu doku jala bana halini la hawu haranga keledai kaka bonga, mono kaha newe li toyo piyo mada pangahuya paraida toyo ngade kahatena ¹⁷ Toyo kahengo nenne daha tuja la mata weyo kaha rota mono kabunga oro paringi warata ¹⁸ Oro haneweda kali deta kajamang ihna, dakalokodi ngaradukada tou kayelamowango walabarada kamorhola kejingongoi ka bengo pakadu wungo kabani mawinne ¹⁹ Ngara dukada tou kajapata darajud rahi kakloga, baikaya ngaradukada kawaliyi lapaha ngada japata. langka apakhan paha tenada hawutonyo, labarapolatouna matuja laata. ²⁰ Bada, pahelakayi walapontana jala kawola kulhenai Mori mono lara matmakoro, Yesus Kristus, taidoka engadoda bada doku habalini lara lapontana jala monoda olehakitadi, maka tangkohada dadi japata walkalongngango. ²¹ Reh hadohana bayada tajaya na lara katena, bada hilbalnewali lakamogo kadoha pawodadi. ²² Ngaradukada nahatujayi lahiteda yikatena: " boga kajelya mamota dagma", mo" wayi kamuraha kamanyoba habali la karijaka."