¹ Ba aku nee'k: sasidie, Anak Domba badiri ka bukit Sion Ia ba saratus ampat puluh ampat ribu urakng ba ka kaning na' kabatnne koa tatulis dama-E ba dama Apak-E. ² Ba aku nangar suara dari angit aya tolen suara ai'k bah ba aya tolen bunyi guntur nang kuat sidi. Ba suara nang ku nangar kao aya bunyi pamain-pamain kacapi nang manteng kacapie. ³ Kabatnne ngalaguatn lagu barahu kaadapatn tahta ba ka adapatn mahluk ba tua-tua koa, ba ina'k seko'k pun nang bisa malajari'k lagu koa salain dari saratus ampat puluh ampat ribu urakng nang udah dinabus dari bumi koa. ⁴ Kabatnne ialah urakng-urakng nang ina makotori'k diri'k e ba nang bini-bini, barang kabatnne koa murni sama aya perawan. Kabatnne ialah urakng-urakng nang nunaan Anak Domba koa kamae pun Ia ampus. Kabatnne dinabus dari antara manusia jaji korban-korban sulong untu' Jubata ba untu' Anak Domba koa. ⁵ Ba kadaapm mootte ina ada dusta; kabatnne ina bacacat cela. ⁶ Aku nee'k seko'k malaekat lain tarabakng ka tangah-tangah angit ba ka ia ada Injil nang kakal untu' dibaritaatn ka dangan nang diapm ka bumi ba ka samua suku bangsa, bahasa ba kaum, ⁷ lalu ia bakata nyarekng: "Gai'klah ka Jubata ba muliaatnlah Ia, barang udah sampe saat penghakiman-Ne, ba sambahlah Ia nang udah minjawat angit ba bumi ba laot ba samua mata' ai'k. ⁸ Tarus seko'k malaekat lain, malaekat kadua nyoso ia lalu bakata: "Udah roro'k, udah roro'k Babel, kota' aya'k koa, nang udah ngamabukatn samua bangsa ba anggur hawa napsu cabul le." ⁹ Ba seko'k malaekat lain, malaekat katalu, nyoso dua malaekat koa, tarus bakata nyarekng: "Kade'k ada urakng nang nyambah binatang ba patungnge koa, ba narima'k tanda ka kaningnge gek ka kokotte, ¹⁰ maka ia akan nyocok dari anggur kaberaatn Jubata, nang dinyiapatn tanpa campuran kadaapm cawan bera-E; ba ia akan disiksa ba api ba marerang ka adapatn mata malaekat-malaekat kudus ba kaadapatn mata Anak Domba ¹¹ Tarus asap api nang nyeksa kabatnne koa naik ka atas sampe salama-lamae, siakng ba maam kabatnne koa ina baranti-ranti disiksa, yakoa kabatnne nang nyambah binatang ba patungnge koa, barangsaepun nang udah narima'k tanda damae." ¹² Nang penting kadian ialah ketekunan urakng-urakng kudus, nang nuruti'k parentah Jubata ba iman ka Yesus. ¹³ Ba aku nangar ugak suara dari saruga bakata: Tulisatn: "Repolah urakng-urakng mati nang mati daapm Tuhan, dari angkitn nyian." "Sasidie," ja Roh, "biar kabatnne muih baistirahat dari kapa'k lalah he, barang sagala perbuatanne nyaratai'k ia. ¹⁵ Lalu ampuslah malaekat nang doho'k tarus numpahatn cawanne kaatas bumi; lalu ataknglah kamonong nang jahat ba nang babahaya ka samua urakng nang make tanda binatang koa ba nang nyambah patungnge. ¹⁷ Tarus malaekat lain kaluar dari Bait Suci nang ka saruga; ugak ka ia ada sete'k sabet tajapm. ¹⁸ Lalu seko'k malaekat lain atakng dari mesbah; ia bakuasa atas api tarus ia bakata nyarekng ka malaekat nang nyingiik sabet tajapm koa: jare "Ayunanlah sabetnyu nang tajapm koa ba tataklah buah-buah puhutn anggur ka bumi, barang buahhe udah masak." ¹⁹ Lalu malaekat koa ngayunan sabette ka atas bumi, ba natak buah puhutn anggur ka bumi ba nabakatn ia ka kilangan ayak, yakoa pameraatn Jubata. ²⁰ Ba buah-buah anggur koa dingilang ka uar kota'k ba dari kilangan koa ngalir darah, tingi e sampe ka tali pangikat kuda ba jauhhe dua ratus mil.