¹ O, Teofilus, ka daap'm suratku nang pamula dee, nang suah aku marean't ka kao, udah kumatakan't ka kao boh, aku udah manyak nulis pakara pakarajaan ba ahe-ahe maan nang suah Jubata Yesus minjawat, ² sampe Ia tarangkat ampus ka Subayan't. Nyian terjadi akak Ia mare' parentah malalui Roh Kudus ka rasul-rasul Jubata Yesus nang udah Ia milih. ³ Aka' kasangsara'ant'nE Ia nojokan't diriE nang idup ka kaban't muridtE ba manyak bukti nang banar-banar sidi terjadi. Salama ampat puluh ari, Ia nojokan't diriE ka kaban't muridtE . Ia makataan't carita parihal Subayan't. ⁴ Waktu Jubata Yesus bakomo ba kabat'ne, Ia marentahat'n kabat'n muritE ontok ame ningaat'n Yerusalem, tapi kabat'ne ngantiat'n janji Jubata. Aka' koa, Jubata Yesus bakata ka kabat'ne, "Kita' dah nangar dari Aku dee, ⁵ kade Yohanes nyaaman kita' ba ai' tapi ana kita mao' disaaman ba Sumangat Kudus kira-kira sangahe ari agi'. ⁸ Waktu kabat'ne bakomo sirage, kabat'ne batanya' ka Jubata Yesus, "O, Jubata Yesus, nyian ge' waktue Kita mao' mulihat'na Karajaan Israel"? ⁷ Aka' koa Jubata Yesus bakata nyahuti kabat'ne, "Kao ina palaru nauan waktue koa kamie, waktu nang udah di Jubata natapat'n ba kuasaE babaro. ⁶ Ana kao mao' narima kuasa, waktu Sumangat Kudus turut'n ka kita' samuae. Ana kita' jaji saksi-Ku ka Yerusalem, ba saluruh nagari Yudea ba Samaria ba sampe ka tampus nagari. ⁹ Waktu Jubata Yesus aka' ngataat'n manyak parihal, kabat'ne nee ka atas rahu', Ia tarangkat ka Subayat'n ba rahu' nutupi Ia sampe kabat'ne ina bisa nee Ia agi'. ¹⁰ Waktu kaban'tne ne Jubata Yesus tarangkat ka Subayat'n, tamih tiba-tiba ada dua urangk badiri ka samak kabat'ne make pakean bawarna putih. ¹¹ Kabat'ne bakata, "O, kita' urak'ng Galilea, ngahe me kita' badiri maan dikoa sambi ningkadah ka angit? Jubata Yesus nang kita' nee naik ka Subayat'n nyian mao' muangk agi' sarupa sidi carae aya kita' nee Ia tarangkat ka Subayat'n angkit'n. ¹² Aka' koa, kabat'ne muak'ng ka Yerusalem dari Bukit Zaitun, samak ka Yerusalem, kira-kira sapajaanan notok ari Sabat lamae. ¹³ Pas kabat'ne atak'ng, aka' koa kabat'ne langsung naik ka biik atas tampat kabat'ne badiap'm Kabat'ne koa ada damae Petrus, Yohanes, Yakobus, Andreas, Filipus, Tomas, Bartolomeus, Matius, Yakobus anake Alfeus, Simon urak'ng Zelot, ba Yudas anake Yakobus. ¹⁴ Kabat'ne koa siang bakomo jaji sete' ka daamp doa. Ada uga nang bini, damae Maria, uwe'E Jubata Yesus, ba adi' baradi'E. ¹⁵ Aka' koa Petrus badiri ka tangah-tangah page kamaru'e, kira-kira saratus dua puluh urangk, lalu bakata, ¹⁶ "O, kita' page kamaru', nyian sidi penting supaya tulisan Jubata nyian harus diganapi, bahwa Sumangat Kudus udah bakata dee malalui Daud parihal Yudas Iskariot, nang udah ngejengan kaban'tne onto' nangkapa' Jubata Yesus. ¹⁷ Dee, ia koa sakarayungan ba diri' ba udah narima untunge dari palayanan nyian. ¹⁸ (Angkin't urangk koa udah mali tanah ba asil kajahatan'tne, ba dikuihanlah ia janto' ba kapalae janto' doho ka babah, tubuhe tabalah dua, ba insi' parute muok tabure. ¹⁹ Samua nang idup ka Yerusalem siang nauan barita nyian. Koalah sababpe urangk nyabut dama uma koa ka daamp bahasa kaban'tne ba "Hakal Dama" nang ratie "Tanah Darah". ²¹ Nyian kaharusan't, bahwa seko' dari kaban'tne koa udah bagabung ba diri' waktu Jubata Yesus masih barage ba diri' ²² . Mulai' dari baptisan Yohanes sampe ari Ia tarangkat ka Subayan't, harus jaji saksi barage-rage ba diri' parihal kabangkitanE. ²³ Kaban'tne koa lalu ngajuan't dua urangk Yusuf nang biasae dinyaru' Barsabas, nang uga' biasa disaru' Yustus ba Matias. ^{24 25} Kaban'tne lalu badoa sambi bakata, "O, Kita' Jubata nang nauan saganap insi ati samua urangk, tojokan'tlah ka kami nyian sae di antara urangk badua nyian nang mao' Kita' tojok onto' nganti tampat palayanan nyian ba karasulan, dimae Yudas Iskariot udah ngalanggar ka tampat nang ia mao'an't jaji nu'e. ²⁶ Aka' koa, kaban'tne muang undi onto' urangk badua nyian. Undiane koa jantu' ka Matias.