¹ Kakamutu, ya we magiyana uisite, nono awoina mui sina wefero nauawe. Yesu Kerisonu ibiroma. I sina idua weisiro nausinu anene Godi yaru mafasu, danu buriro anifasu. iba waiya daiwere ufasu. ² A iwata, ane sina abairo masi, Yesu Kerisonu ibiroma. ³ Ewe da Godinu unu, a mune anika odi. Da ubi Godinu unu da iyanu toto tai. Iba aruma aweta ini aineta da me. ⁴ Iba ya yesina iwata, anene yanu ofe yawofoita, nono irau ibifoita. ⁵ Daira naitei ere matane unu uteibaita da me. Enanari mui uwarama uteibaita.( Da Godi iwatawa ba iba utebaita). ⁶ Mui amara da odiyaro danu kaka nabueini, da urane, yarane da ufite, daira da ufi. Iba iyanu maowere muneta amara Yesu Keriso da i daira uweta, sineta, nono da unu tawa, iba iyana a we kakaitu utada, nono we ma iwata utaisi. ⁷ Iba Godi iya daira mane uteifene wetawa ui, roma danu Tamuaru ubarenaro ibifene ba wei. ⁸ Iba ainama ewe sina unu tawa utasu, i amara, aweta da eme bairo unu tawa utasu roma Godi danu irau Tamuaru imumu mai amara bairo utebaita. ⁹ Kakamutu, unu uweta sina, a iwata ba mui owawa da yanae abai mafiyeita . Godima a maoweta uiro iwata sini binu, anu neiyemutu unu uweta sina. ¹⁰ Iyanu neiyemutu, masedoniyaro ibinita adarabai irau mane uwawe. ¹¹ Ewe sina abairo weaisi, naufate imufae, irau mane kiuratu anu raorao yesina anu torowa ofe yawofate anu wanama waiya u. Enanari we iwata usiari. ¹² Iba a irau aiye rau inareibi, emenu naiteiro. ¹³ Ya ewe sina wemaronauawe, uieta uwara ba i da weawe. Ya nautaita, uieta uwara uma, uieta roma ediyaraitate, urero Yesu bairo anaita. Iba uieta uwara ba ii da weawe. ¹⁴ Iba ba imueta imufeisi, Yesu da uieta roma nono ediyari. Iba uieta uwara uma Godima maowere wofafisu, Yesu Keriso nono owere areifisu iyodo. ¹⁵ Iba yabai weaisi, Yesu sinaro . Iya aina, aina eweda ibinisi uwara , iya yesina uieta uwaranu buriro danifeisi, Yesu Keriso nono owere areifisu kowaro. ¹⁶ Yesu danu onamema ureroma tarafisu, danu kori unetu bobo, daifufu anerunu rurua bobo, Godi danu tawuio ubufiro, Yesu Kerisonu ibiroma uieta uwara ko ediyafiyeita. ¹⁷ Awoina, iya ibinisi uwara, wawafete urero manifeisi. Yesu Keriso da goso duboro inaribifiro mane atafeisi. Eno darei roma iya yesina Yesuini ibifeisi. ¹⁸ Iba ewe sinama, yanu ada, ada yawoe matanei biya we.